Emakumeak borrokan

Ansorenaren Euskal kantak gaztelaniazko bertsioan

  • JOSÉ IGNACIO ANSORENA:: CANCIONERO POPULAR VASCO

    EREIN

    ORRIALDEAK:: 414

    PREZIOA::28€

Pilar Iparragirre
0000ko ren 00a
Ziur aski ezagunago izango da, oro har, José Ignacio Ansorena Miner Txirri, Mirri eta Txiribiton pailazo taldean egindako lanagatik, musikaren arloko jardunarengatik baino. Hala ere, Donostiako Kontserbatorioko txistu katedraduna eta hiri bereko Txistulari Bandaren zuzendaria dugu, besteak beste. Euskal musika eta kantuei berebiziko garrantzia eman izan dien pertsona, alegia. Eta zaletasun horri eskertu behar zaio jadanik duela hainbat urte Euskal kantak izenburupean plazaratu zuen tradizioz jasotako euskal kanten bilduma. Jesus Lasa, Pello Zabaleta eta José Ignacio Ansorenak berak egindako kantu haien jatorriko xehetasun eta hitzez hitzezko gaztelaniazko bertsioa da Erein argitaletxearen bidez kaleratu den Cancionero popular vasco izeneko liburua. Euskaraz abestu ohi diren kantuak dira guztiak, kanturen batean edo bestean hitzen bat frantsesez, latinez edo gaztelaniaz agertzen bada ere. Euskal herriarentzako nahiko ezagunak, batzuetan kantuen egileak zeharo ezezagunak izan arren. Eta gaiei dagokienez, ardoaren gainekoak, ezkontza dela-eta sortutakoak, amodioari eskainitakoak, lagunartekoak, istorioen narrazioak, dantzen oroi gisa kantatutakoak...
José Ignacio Ansorena
"Euskal musika herrikoia hobe ezagutzeko aukera da liburua"

Gaztelaniazko bertsioaren arrazoia?


Euskaraz, Euskal Kantak izenburuarekin, hiru argitaraldi ezagutu ditu liburu honek. Eta niri poz handia eman dit gaztelaniaz argitaratu ahal izatea, gure herrian zein hemendik kanpo euskal musika herrikoia hobe ezagutzeko aukera ematen duela iruditzen baitzait.


Bertsio honek ekarpen berezirik eskaintzen al du?


Euskarazko edizioak oso duinak eta zainduak izan dira. Baina bazituzten akats txiki batzuk, eta haiek saihesten ahalegindu naiz oraingo honetan. Bestalde, kantuei egiten zaizkien aipamenetan ere badira azken urteotan jasotzea izan ditudan zenbait xehetasun gehiago.

Zein da, oro har ikusirik, euskal kantu herrikoien ezaugarririk nagusiena?


Gure kultura, bera baino askoz indartsuagoak diren kulturez inguratua egon da. Beraz, gure herriaren eta geure kulturaren etorkizuna mehatxaturik sentitzen zenez, apologia bururatu zitzaigun defentsa gisa. Horrela bada, tradizioz jasotako euskal kantetan, benetan nolakoak ginen aztertu beharrean, bereziki zeinen onak ginen azaltzen saiatu ginen. Juan Ignacio Iztuetaren lana oso adierazgarria da zentzu horretan. “Euskaldunen dantza mota guziak dirade gaitzik gabeko pozkarriak, onestasun haundikoak eta txit miraritsuak” zioen. Esan nahi dut, duela urte gutxi arte –eta oraindik ere jarraitzen da hau egiten– euskal folklorea eta musika folklorikoa aztertu izan ohi direla, ez historian zehar gure herria nolakoa izan den jakiteko asmoarekin, nolakoa izatea gustatuko litzaigukeen adierazteko baizik.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
ASTEKARIA
Azkenak
EGILEA
Eguneraketa berriak daude