Ehun urte gizarte lanean

  • Bilboko Udal Aurrezki Kutxa (BUAK) eta Bizkaiko Aurrezki Kutxa (BAK) batu zirenean eratu zen BBK, 1990ean. Jatorriak, ordea, duela 100 urtekoak dira, eta, beraz, aurten ari da bere mendeurrena ospatzen. Historian zehar aldatuz eta garatuz joan da BBKren eginkizun soziala.

    “100 urteko bizitza”, goiburu horixe aukeratu du Bilbao Bizkaia Kutxak, BBK-k, lehen mendeurrena ospatzeko. BUAK eta BAK kutxek bat egin ondoren, 1990ean eratu zen BBK, eta, aurten, hainbat ekitaldi antolatu ditu 100 urteko ibilbidea oroitzeko.
Daniel Udalaitz
2007ko uztailaren 29a
BUAKen Bermeoko bulegoa
BBK
Egun, Euskal Herriko finantza erakunde nagusia da BBK, eta Espainiako Estatuko garrantzitsuenetakoa: 2006ko ekitaldia 251,5 milioi euroko irabazi garbiekin itxi zuen –zergak ordainduta, alegia–, 2005ean baino %26,7 gehiagorekin.

BBK aurrezki kutxak betidanik izan du borondatea eginkizun sozialerako. Esate baterako, hasierako garai haietan, 1917an, Bilboko estolderia eta garbitokien lanak finantzatu zituen; 2003an, BBK Solidarioa Fundazioa sortu zuen, gizartetik baztertuta edo baztertzeko arriskuan dauden pertsonek finantza sisteman sarbidea izan dezaten; eta, berriki, gizarte ekonomiako enpresentzat aurreneko parkea sortzeko asmoa iragarri du. Finantza erakunde bezala, berez, 4.266 milioi euroko balioa duen industria partaidetza zorroa dauka egun BBK-k.

San Anton zubiaren ondoan

Bilboko Udalaren bitartekaritzaren ondotik, 1907ko otsailaren 3an zabaldu zituen ateak BUAKen aurreneko bulegoak, San Anton zubiaren ondoan. Akta historiko haietan jasotzen zenez, lehentasun nagusia hauxe zen: aurrezkia eta mailegua modu duinean eta lukurreriarik gabe eskaintzea behar gehien zuten klaseen artean. Urte batzuk geroago, 1920an, BAK jaio zen, Bizkaiko Foru Aldundiak eskatuta. 1990ean hitzartu zuten bi erakundeek elkarrekin uztartzea, eta halaxe sortu zen BBK.

Ehun urteko ibilbidean erakundeak izandako bilakaera logikoak ez du eragin bere ezaugarri berezkoenetan: gobernu eredua, borondate soziala, lurraldearekiko atxikimendua, bilakaera ekonomiko eta soziala, eta, oroz gain, lan sozial garrantzitsua. Etekinen zati esanguratsu bat zeregin horretara bideratzen du BBK-k, Gizarte Ekintzaren bitartez. Sortu zenez geroztik, duela 100 urte, bai erakunde sortzaileek, bai BBKren bulegoak dituzten herriek, bai langileek Aginte Organoetan parte hartu dute.

Erakundearen izaera soziala ezaugarri eta helburu finkoa izan da betidanik. Hori dela eta, etxebizitzaren finantzaketa izan da bere jarduera nagusietako bat sortuz geroztik; joera hori areagotu egin zen etorkinen uholdea iritsi zenean. “Etxe Merkeak” izenekoak diruz laguntzea eta eraikitzea, eta Bizkaiko Etxebizitzak elkartea sustatzea, horra bere ekimen nagusietako bi. Ahaztu gabe, noski, bere mailegu sistema eta hipotekazko aurrezki kontua.

Gizarte ekintzaren bilakaera

Historian zehar BBK-k egindako lan sozialaren oinordekotza jaso du gaur egungo Gizarte Ekintzak. Bai eskainitako diru eta baliabide kopuruan, baita lan ildo nagusietan ere. Urteen joanean, baliabideak eta lan ildoak Bizkaiko gizartearen beharrizanetara egokitu dira, baina beti eskaini izan zaie arreta berezia talde baztertuenei. 2006an 59,8 milioi euro bideratu zituzten. Eta, aurten, 2007an, 75 milioi euro bideratuko dituzte. 1916an, Bilboko estolderia eta garbitokien lanak finantzatu zituen; 1924an, Emakume Langileen Montepio sorostegiak zabaldu zituen; eta 1925ean, Sukarrietako Udalekua. Umeak, emakumeak, ezinduak, batez ere giza talde horiek babestu izan ditu BBK-k historian zehar.

Gizarte Ekintzaren bilakaeraren adibide garbia da finantzaketa sozialaren aldeko apustua. Gizarteko talde baztertuenak finantza sistemara biltzen laguntzea, horixe du helburu nagusi apustu horrek. Hor dira BBK Gazte Lanbidean fundazioa, 1998an sortua, Bizkaiko gazteek lana lor dezaten erraztasunak emateko, eta BBK Solidarioa (2003an sortua), bazterturik edo baztertzeko arriskuan dauden pertsonek finantza sisteman sarbidea izan dezaten errazteko. Iaz, 3,6 milioi euro eskaini zituen kreditu txikietan. Oraindik orain, gizarte ekonomiako enpresen lehen parkea sortuko duela iragarri du. Pertsona baztertuak edo baztertzeko arriskuan daudenak gizarteratzeko lanean diharduten enpresa eta jarduera ekonomikoek izango dute lekua parke horretan, baita ingurumen alorrean eta birziklapenean lanean ari direnek ere.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
Maiteminduta al dago Michel Houellebecq?

Urtarrilaren 4an argitaratu da Michel Houellebecq-en zazpigarren nobela, Sérotonine, eta publikatu bezain laster urteko fenomeno literarioetako bat bihurtu da Frantziako Estatuan, baita harago ere, itzulpenak azkar etorri baitira, asteazken honetan bertan publikatu da gaztelaniazkoa. Argitaratu aurretik zen handia ikusmina, Houellebecq ez baita alferrik gaur egungo idazle irakurrienetako bat, bere nobeletan Frantziaz eta Mendebaldeaz egiten dituen gogoeta sarkastiko, probokatzaile eta... [+]


2019-01-20 | Adur Larrea
Ez hanka ez buru
Foam pilotak eta beste

2019-01-20 | Reyes Ilintxeta
Maddi Barber. Itoizko urtegiaren ondorioak behatzen
"Nola egin daiteke paisaiaren edo leku baten dolua?"

Mila galdera ditu borborka antropologiarekin maiteminduta dagoen Artzibarko gazteak. Horietako bat Itoizko urtegiarekin lotua:
nola bizi daiteke bertako jendea zazpi herri eta hiru natura-erreserba ito zituen ur baltsa erraldoiaren ondo-ondoan?


2019-01-20
Maddi Barber Gutiérrez (Lakabe, 1988)

Ikus-entzunezko Komunikazioan lizentziaduna, EHUn. 2017an, Ikus-antropologia masterra egin zuen Manchesterreko Unibertsitatean eta han Yours Truly zuzendu zuen C. Murray eta C. Hoskins-ekin. 592 metroz goiti dokumentala da master bukaerako lana. 2018an, Visions du Réel jaialdian (Nyon, Suitza) estreinatu ondoren, Donostiako Zinemaldiko Zabaltegi-Tabakalera sailean hartu zuen parte. Zinemagile nafarraren lana Kimuak 2018 sortarako hautatua izan zen. Orain Itoizko urtegiarekin lotutako... [+]


2019-01-20
Aldaketarik ez

Eguneko 13 ordu baino gehiagoko lanaldiak, jai egunak barne. Osagarririk ez opor, baja edo gauean lan egiteagatik. Prekarietatea ordainsari langile migratzaileentzat. Eta grebari ekin diote. Ez gara ari Almeriako “plastikozko itsasoko” egoeraz, Azkoienen gaude, Nafarroako Gobernuak diru publikoz lagundutako enpresa batean. Urtetan Nafarroako landa eremuan izan den gatazkarik handiena da Huertas de Peraltakoa. Eta momentuz, Aldaketaren Gobernuak patronalaren ildoa babestu eta... [+]


2019-01-20
Amurrioko baserriari tiro egin zion polizia: "Probokatu egin ninduten"

Pistolarekin tiro egin zuen Espainiako polizia ohiak adierazi digu bere burua defendatu besterik ez zuela egin. “Mendian gaztainak biltzetik nentorren, eta bertatik pasatzera nindoala jakitun, baserriaren atarian mezu iraingarria jarri zuten jabeek: ‘Kontuz txakurra’. Urteetan sufritu behar izan dugu irain hori, eta bake garaiotan berdin jarraitzea ez da bidezkoa. Demokrata orok egingo lukeena egin dut, justiziaren eta elkarbizitzaren alde aletxoa jarri”.


2019-01-20
"Atxikimendu-bonoa" sortu dute, euskal celebrityek aldarrikapen politikoak egitea errazteko

Kultur eta kirol munduko aurpegi ezagunek aldarrikapen politikoekin bat egitea errazteko, “Atxikimendu-bonoa” sortu dute Euskal Herriko hainbat eragilek. “Ideia sinplea da”, esplikatu du Txintxo Garmendiak, ekimenaren bultzatzaileetako batek: “Beti jende berarengana jotzen dugu antolatu dugun zerbait aldarrikapen zabala dela adierazi nahi dugunean.


ASTEKARIA
Azkenak
EGILEA
Eguneraketa berriak daude