Bilboko Rekalde aretoak bi erakusketa jaso ditu. Aurrenekoan Sean Snyder artista estatubatuarraren obrak daude ikusgai. Argazkien, telebistako irudien eta bideoen bidez, hedabideek zabaltzen dituzten irudiek gizartean duten eraginaren inguruan hausnartzen du Snyderrek. Bilbora ekarri dituen sei obretako batzuk, esaterako, Irakeko Gerra dute hizpide. Bigarren erakusketa Periferiak (www.periferiak07.org) jardunaldien barruan antolatu dute. Bideoak, marrazkiak eta posterrak bildu dituzte bertan, besteak beste. Erakusketa hau hilaren 29a arte izango da zabalik eta Snyderrena irailaren 2a arte.