2007ko Donostia Opera Prima sariaren irabazlea

  • Aitziber Etxeberria ::31 baioneta

    Erein

    orrialdeak ::252

    prezioa ::19€

'31 baioneta'
Aurtengo Donostia Opera Prima saria eskuratu zuen Aitziber Etxeberriak (Zarautz, 1973) 31 baioneta eleberriarekin. Haatik, ez da.hau sari hori jasotzen duen aurreneko aldia, 2003.urtean gauza bera lortu baitzuen tratu txarren gainean osatutako Tango urdina nobelarekin. 31 baionetak berriz, XIX. mendeko hasierara garamatza, Donostia frantsesen menpe bost urtez egon ondoren, bertakoen ustez salbatzaileak ziren tropa anglo-portugaldarrak sartu zirenekora. Lapurtu, hil eta bortxatzeaz gain, hiria ia erabat kiskali zuten 1813ko abuztuaren 31 inguruko garaian. Gertaera historiko horretara gerturatzeko, ordea, Konbentzioko Gerra garaian bere senarrak izan zituen istiluengatik Inkisizioaren eskuetatik pasea den emakume bat aukeratu du protagonista Aitziber Etxeberriak. Petrikiloa da, belarrekin enplastoak eginez jendea sendatzen saiatzen dena, eta duen alaba bakarrarekin bizi da Uliako baserrian, nahiko lasai, soldadu frantses batek mehatxuka begitan duen gaixotasun larria sendatzeko eskatzen dion arte. Geroztik emakumeari bizimodua erabat aldatuko zaio. Berak ez dauka bestea sendatzeko modurik, eta hori egiten ez badu badaki alaba eta bera arriskuan direla...
Aitziber etxeberria
«Nobelan, Donostia hiria pertsonaia nagusi bihurtzen da»

31 baioneta-ren atarikoak azaltzerik bai?


Nire lan hau nobela historikoa da, 1813an gertatua, Donostian. Garai hura, nahiko nahasia izan zen. Batetik, Espainiako Independentzia gerra eta euskal gizartearen arazoak zeuden; bestetik, urte batzuk lehenago, 1793an, Espainia eta Frantziaren arteko gerra bat ere egon zen, Konbentzioko gerra, eta gizartea, egia esan, nahiko egoera zailean zegoen. Orduan nik, doi-doi, gerra egoera horretan kokatu dut nobela.

Zeintzuk hautatu dituzu protagonista nagusi?


Napoleonen soldadu bat Egipton, Portugalen, Espainian... kanpaina askotan parte hartua eta orain Donostian dagoena. Gerra bizipen horiekin guztiekin nahiko erreta dagoen soldadua da. Izaera bortitza dauka, menperatzailea da, badaki zer botere daukan herriarengan eta, gainera, gustatuko litzaioke bere ingurukoak jakitea berak botere hori daukala Baina arazo bat du: ikusmena galtzen ari da, eta horren aurrean, sendagile militarrengarrengana jo beharrean, arazoa ezkutuan eramatea eta petrikilo batengana joatea erabakitzen du, Beatrizengana.

Nor dugu Beatriz?


Uliako emakume bat, alarguna, alaba bat duena. Oso iragan mingarria du, eta saiatu da iragan hori ahazten. Eta orduan soldadu frantziarra agertzen zaio. Hark badaki petrikiloa izan zela eta Inkisizioarekin arazoak izan zituela. Orduan Beatrizek berebiziko sustoa hartuko du. Alaba arriskuan jarri nahi ez duenez, arazoari aurre egitea erabakiko du. Horietaz gain, nire ustez, nobelan, Donostia hiria bera pertsonaia nagusi bihurtzen da.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude