Punkaren eta heavyaren arteko orekan

  • Resaka ::Mejor solos ke mal acompañados

    autoekoizpena

    iraupena ::23´47´´

    prezioa ::10.95€

'Mejor solos ke mal acompañados'
Bilboko hirukote honek hainbat urte daramatza zuzenekoak eta diskoak egiten. Honako hau, hirugarrena, beraien kabuz kaleratu dute; eta iraganean iruzur egin zien diskoetxearen aurkako haserrea adierazteko baliatu dute neurri batean. 11 kantu batu dituzte, eta beste hiru opari, 80ko hamarkadako rock urbanoaren lekuko izan nahi duen lan honetan. Barricada, Reincidentes, La Polla, Zarrapo eta antzeko taldeen oinarria dute, baina tarteka kantuei ukitu heavyagoak eta noizbehinka metaleroagoak erantsi dizkiete; punk arinenaren eta heavyaren artean oreka mantenduz. Abeslariak erregistro desberdinak landu ditu, eta kantu batean euskaraz moldatzeko ere gai dela erakutsi du. Bidegabekeriak eta harremanak dira kontakizun nagusienak, eta horretarako metafora ugari erabili dituzte.
Resaka
«Rock urbanoa egiten duten taldeek punkyek eta heavyek baino gehiago lantzen dituzte hitzak»

Mejor sólos que mal acompañados (Hobe bakarrik konpainia txarrean baino) diozue izenburuan, baina lan honetan Reincidentes taldeko Fernandoren eta El Drogasen laguntza izan duzue.


Hitz jokoa da, aurreko diskoa kaleratzerakoan diskoetxe batekin esperientzia oso txarra izan genuelako. Honetan lagundu gaituztenok, eta aurreko diskoan Fitok ere bai, oso lan ona egin dute; gainera ez dute trukean ezer eskatu gu laguntzearren. Oso pozik gaude.

Kalean gertatzen diren istorio gordinak, baina egiazkoak kontatzen dituzue…


Bai, bidegabekeriak, bizipenak, irakurritako kontuak… tristeak izan ohi dira, bai.

Diskoan euskarazko kantu bakarra sartu duzue, baina badirudi euskaraz ere ondo moldatzen zaretela. Ez duzue halako gehiago idazteko asmorik?


Orain arteko diskoetan, hiruretan, euskarazko kantu bana egin dugu, gure herriko hizkuntzarekiko konpromiso gisa. Ez ditugu gehiago egiten, euskara asko hobetu beharra daukagulako, baina ahaleginetan gabiltza euskaltegian. Etorkizunean zeinek daki…

Zergatik egiten du negar azaleko panpinak?


Aurreko lanarekin diskoetxeak egin ziguna irudikatu nahi genuen… ilusioa ere kendu ziguten. Panpinari begiak kendu dizkiote eta malkoak odolezkoak dira.

Bizitza biharamunarekin ikusten duzue, gauza onak dagoeneko igaro balira moduan?


Bai, buruko minarekin munduko arazo guztiak ikusita (kar, kar). Berez jende alaia gara, baina abestiak idaztean nahiago dugu gauzak salatzea eta ez bikotearen ilearen kolorea deskribatzea.

Rock urbanoa deritzon estiloa heavyaren eta punkaren artean dagoela esango nuke. Ados zaudete?


Ados. Punkaren jarrera duela uste dugu, baina musika landuagoa izan ohi dela, heavyaren teknizismora heldu gabe. Hala ere, beti pentsatu izan dugu rock urbanoa egiten duten taldeen hitzak punkyenak eta heavyenak baino hobeagoak direla. Guk ere ahalegin hori egiten dugu.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude