Maddalen Arzallus hendaiarrak (Lapurdi) irabazi zuen Euskal Herriko XIX. Eskolarteko Bertsolari Txapelketa, Altsasuko pilotalekuan jokatutako finalean. Bigarrena Kristine Txoperena izan zen, hendaiarra hau ere. Gaztetxoen mailan (14 urte artekoak) Amaia Iturriotz urretxuarrak (Gipuzkoa) jantzi zuen txapela. Imanol Irazustabarrena alegiarra (Gipuzkoa) izan zen txapeldunordea.
Juan Kruz Igerabidek Kakotxen herrialdea liburua kaleratu du. Haur eta gazteentzat idatzitako lanentzako SM Fundazioaren Baporea saria irabazi zuen iaz lan horrek. Bestalde, Josetxo Oruetaren Los Planes de Lidia (Lidiaren asmoak) komedia futurista plazaratu du Erein argitaletxeak.
Pedro Segurola eta Puri Lete pintore errenteriarrek Donostiako Kutxa Boulevard aretoan paratu dituzte euren obrak. Segurolaren akuarelak eta Leteren akuarela zein olio-pinturak uztailaren 8a arte izango dira ikusgai.
My Jok kolektiboko Lady MY-ek Vote Panda proiektua aurkeztuko du uztailaren 12an Bilboko alde zaharreko My Jok Box dendan. Politikarien komunikazio estrategien inguruko perfomanceak eta erakusketa bitxi batek osatzen dute proiektua. Erakusketa uztailaren 13an zabalduko du. Errotuladorez eginiko kartelak, txapak eta Vote Panda kamisetak bildu ditu bertan Lady MY-ek. Informazio gehiago: www.myjok.com.
Philippe Garrel zinemagile frantziarraren atzera begirakoa eskainiko dute aurten Donostiako Nazioarteko Zinemaldian. Garrelen lan ezagunenen artean La naissande de l'amour, Le vent de la nuit eta Les amants réguliers daude, besteak beste. Azken horrekin, Garrelek zuzendari onenaren Zilarrezko Lehoia jaso zuen Veneziako Zinemaldian.
34.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
Israelek 40 eguneko su-etena eta preso trukea eskaini dio Gazari, baina akordioa lortu edo ez Rafah inbadituko dutela adierazi du Netanyahu lehen ministroak. AEBk eta Erresuma Batuak Hamas presionatzen ari dira Israelen eskaintza onar dezan. Astelehenean 47 palestinar hil zituen... [+]
Langilea larri zauritu zen apirilaren 24an, eta astelehenean, hilak 29, hil da. 22 urte zituen eta sektorean bi hilabete soilik zeramatzan lanean. 2024 urtean hildako 22. langilea da.
Karmele Jaioren Maitasun kapitala-rekin lehiatu da finalean. 2023ko “libururik gogokoen” izendatu dute Bidegainen “bihurgune askotako” thriller politikoa 111 Akademia osatzen duten literaturazaleek.