Komatxo artean irratsaioa Euskal Idazleen Elkartearen asmoz, Gipuzkoako Foru Aldundiaren diru laguntzaz eta Donostiako Herri Irratiaren ardurapean antolatu zen. Idazleekin egindako solasek osatu zuten bereziki saioa. Baina Ana Urkizak EIEko idazkaritza hartu zuenean, saioa berritu egin zen, eta hilabetean behin mahai-ingurua antolatu zuten, baita saio bereziren bat edo beste ere, urteroko Galeuscari buruzkoa adibidez. Komatxo artean 2 liburuan, mahai-inguru haiek jaso ditu Mikel Asurmendik.