Xabier Caño, Klima Aldaketaren Euskal Bulegoko koordinatzailea: «Gobernuetan ez ginen kontziente aldaketa klimatikoak ekar zitzakeen ondorioez»
Aspalditik dago kezka aldaketa klimatikoagatik. Orduan zergatik ez du lehenago sortu Eusko Jaurlaritzak bulego hau?
Eusko Jaurlaritzan eta estatu mailako beste gobernuetan ez ginen kontziente aldaketa klimatikoak ekar zitzakeen ondorioez. Hala ere, ondorio horien kontrako politikak aspaldi jarri genituen martxan eta hori izan da bulegoa eratzearen arrazoia, bulegoaren zeregina da politika horiek koordinatzea.
Hainbaten ustez aldaketa klimatikoaren gaia energia nuklearraren inguruko eztabaida berpizteko erabiltzen ari dira...
Ezin daiteke saldu energia nuklearra aldaketa klimatikoaren soluzio bezala. Energia nuklearra baztertu behar dugu, baina ez aldaketa klimatikoagatik, baizik eta energia nuklearrak berak dakartzan arazoengatik.
Aldaketa klimatikoari aurre egiteko plana egiten ari zarete eta besteak beste neurriak hartuko dituzue etxetik sortzen ditugun CO2 isurketak murriztu eta kontsumo ohiturak aldatzeko. Baina industriari nola eragingo dio planak?
Plana azaroan martxan jartzea pentsatzen dugu. Bakoitzak bere erantzukizuna du. Kontuan izan behar da industriak %28 murriztu dituela bere isurketak, horrek esan nahi du zerbait egin dutela. Administraziotik lan egin dezakegu, dirua jarri eta plangintzak landu, baina azkenean aldaketa klimatikoaz hitz egiten dugunean gizarte garapen modu bati buruz ari gara eta hiritarrak bere pentsamoldea ez badu aldatzen, ez dugu ezer egingo. Ez da industriaren konpromisoa bakarrik behar, edo hiritarrena, edo administrazioarena... Guztion konpromisoa behar da.
Baina planak neurri berezirik hartuko du industriari dagokionez?
Aldaketa klimatikoaren aurrean neurri gehien hartu dituena industria izan da. Europako arau gehienek industriari bakarrik eragin diote eta urtero beraien CO2 isurketak murrizteko esfortzua egin behar dute eta horretan jarraitu behar lukete.
CO2 gehien isurtzen dutenak zentral termikoak dira eta Eusko Jaurlaritzak askotan hitz egin du horiek ixteko beharraz. Nola egin hori?
Guk ez dugu eskumenik, zentral termiko hauei baimena ematen diena Estatuko administrazioa baita. Guretzako aldaketa klimatikoari aurre egiteko zentral termikoak murriztea guztiz beharrezkoa da. Ziklo konbinatuko zentralak martxan jartzen baditugu, horrek esan nahi du energia nahiko produzituko dugula eta beste zentralak ez direla beharrezkoak izango...
Harremanetan zaudete Madrilekin?
Noski, baina azkenean Madrilgo Ministerioak bere plangintza du Estatu mailan eta oraindik ez du esan noiz itxiko dituen zentral horiek. Harremanetan bagaude, baina oraindik ez dugu galdera horri buruzko erantzunik.
Zuhaitzak aldatu dituzue Nairobin konpentsazio bezala. Zilegi ote da “karbono merkatu” horretan sartzea?
Merkatu horretan guk ere ez dugu konpetentziarik. Hala ere, aldaketa klimatikoak efektu globala du eta merkatu honen ideia da Brasilen sortzen dituzun isurketak hemen konpentsatu ditzakezula, adibidez. Lortu behar duguna da hemengo enpresak munduko beste lekuetara joan daitezela berrikuntza teknologikoen bidetik murriztapenak lortzeko isurketa horietan.
http://www.argia.eus/argia-astekaria helbidean, elkarrizketaren bideoa ikusgai.
1.000 euskaltzale eta kulturazale baino gehiago giro goxoan ibili dira Ziburuko liburu eta disko azokan, eta larunbat goiz eta arratsaldez gozatu dute hitzaldi, kontzertu eta liburu aurkezpenez. 33 argitaletxe eta 10 diskoetxeren lanak ezagutzeko eta erosteko aukera probestu... [+]
Datorren ikasturtetik aurrera, euskaltegietan A2 mailan matrikulatzen direnek orain arte bezala 310 euro ordaindu beharrean, 70 euro ordainduko dituzte. Maila gaindituz gero, ordaindutakoa itzuliko zaie ikasleei.
Kuartela herrixantzat lelopean indar okupatzaileek Euskal Herritik irten behar dutela aldarrikatzen du Fan Hemendik taldeak.
Rafah-ra doan nazioarteko martxarekin bat eginez, Gasteizen mobilizatzera deitu du plataformak, baita ikasgeletan ere. Palestinar haurrekiko elkartasun argazkiak ateratzeko eskatu du.
Aieteko Nazioarteko Bake Konferentzia 2011n egin zen Donostian eta ondoren sortu zen Bake Bideak, Ipar Euskal Herritik bake prozesua sustatzeko. Bakegileen zeregina ETA armagabetzeko ekinbide zibila antolatzea izan zen. Orain, desegingo direla iragarri dute bi ekimenek.
Espetxeetako funtzionarioek lanuzte partzial bat egingo dute ekainaren 9tik 15era bitartean.
IDOIA ASURMENDI
Non: Bilboko Kafe Antzokian.
Noiz: maiatzaren 29an.
21 pertsona “giza eskubideen urraketen biktima” gisa aitortu dituzte ofizialki. Espainiako Estatuko funtzionarioek eta eskuin muturreko taldeek torturatutako pertsonak dira eta biolentzia horren lagin txikia baino ez direla dio Egiaren Garaia Da ekimenak.
Ostegunean banatu dute saria, Amasa-Villabonako Hika txakolindegian. Bertan jakinarazi dute 2024koa izan dela 111 Akademiak banatuko duen azken saria.
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Nork sinesten du urtebetean Ordiziako errealitatea goitik behera aldatu dela eta desorekak desagertu direla?
Udaberriko oporren ataritan egunkarietan Begoña Pedrosak eman zigun titularra: Ordiziak ez du desorekei aurre egiteko plan berezirik behar... [+]
Datorren irailaren 25ean 40 urte beteko dira GALek Baionako Monbar hotelean egindako atentatutik, non lau euskal errefuxiatu hil zituen. Horren karietara, Gogora Memoria, Elkarbizitza eta Giza Eskubideen Institutuak oroimen ekitaldi bat egingo du udazkenean.