Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
osteguna 2024ko apirilaren 25an
Liburutegia
Izotz azpiko bidea
Jansain/
Pablo Zerda
Saure
48 orrialde
Cómo vacié la casa de mis padres
Lydia Flem
Alberdania
144 orrialde / 13,50 euro
Euskara-alemana. Deutsch-Baskisch
Elena Martínez Rubio
Elkar
332orrialde / 22 euro
Euskerazaintza
Batzuen artean
Euskeraren Erri Akademia
112 orrialde
Borondatea
La pandemia de gripe española...
Anton Erkoreka
Medikuntza eta Zientzia Historiaren Euskal Museoa
94 orrialde / 14,96 euro
Jakin
Batzuen artean
Jakin
140 orrialde / 9,50 euro
Jansain/
Pablo Zerda
Saure
48 orrialde
Lurra Izotz Aroan
Karlos Zabalak euskaratu eta Saure argitaletxeak plazaratutako Izotz azpiko bidea komikiak Lur planetatik ia gizaki guztiak desagertu ziren garai batera darama irakurlea. Izotz Garaira. Bizirik irautea lortu zuten bakanak izaki bikoitzak ziren, ur-orein burua zutenak edo otso burua zutenak, adibidez. Izaki hauek, dena den, gogoan zituzten arbasoen kulturaren aztarnak, eta haien berri ematen ahalegintzen ziren lehengo garaietaz tutik ere ez zekiten gazteenei. Halako batean, Frisia beren lurraldetik oso urruti zegoen parajeak nolakoak ziren ikusteko espedizioa egiteko nahia piztu zitzaion zaharrenetako bati, eta Terra Incognita ezagutzera abiatu ziren guztiak. Eta inolaz ere espero ez zituzten makina bat gauzekin egin zuten topo.
Cómo vacié la casa de mis padres
Lydia Flem
Alberdania
144 orrialde / 13,50 euro
Lydia Flem, guraso hildakoen etxea hustu beharreko unean
Alberdania argitaletxeak gaztelaniaz kaleratu du aurretik euskaraz eskaini zuen Lydia Flem psikoanalista eta idazlearen Comment j'ai vidé la maison de mes parents lan hunkigarria. Aita duela zenbait urte galdu zuen egileari, hil berri zaio ama. Horrek eragiten dion saminaz gainera, aitaren heriotza gertatutakoan egin behar izan ez zuen gauza bat egitera derrigortua dago oraingoan: bere gurasoen etxea izandakoa hustutzea. Zer egin hainbeste urtetan eta auskalo zer itxaropenekin aitak eta amak eskuratutako gauza pila haiekin? Gorde? Denak ezin. Norbaiti oparitu? Salmentan jarri? Zakarrontzira bota? Erabakiren bat hartu beharrak egileari barruan gordeta zeukan sentimenduen anabasa kontrajarria azaleratzea ekartzen dio.
Euskara-alemana. Deutsch-Baskisch
Elena Martínez Rubio
Elkar
332orrialde / 22 euro
32.400 sarrera inguruko hiztegia
Euskararen eta alemanaren arteko zubi ezinbestekoa da Elena Martínez Rubiok osatutako Euskara-alemana / Deutsch-Baskisch hiztegia. Gaurko hiztunak maizen erabiltzen duen oinarrizko hitz-ondarea jasotzen du, hitz teknikoak barne. Eta lexiko arrunta zein teknikoa nola erabili behar diren erakusteko, azalpenak dakartza itzulpenaren aurretik, bai eta jakintza-arloaren eta gramatika-kategoriaren aipamenak ere. 32.400 sarrera inguru ditu hiztegiak, eta 4.600 adibide eta esapide argigarri. Horiez gain, alemanezko eta euskarazko gramatika-eranskinak ere eskaintzen ditu. Elena Martínez Rubio egileak (Bilbo, 1957) Nürnberg-Erlangengo eta Berlingo Freie unibertsitateetan egin zituen Filosofia, Soziologia eta Germanistika ikasketak. Filosofian doktorea da eta Euskal Filologian lizentziaduna.
Euskerazaintza
Batzuen artean
Euskeraren Erri Akademia
112 orrialde
Borondatea
Jada lortuak eta lortu beharrekoak
Euskerazaintza aldizkaria plazaratzen duten Euskeraren Erri Akademiakoak pozik daude. Batetik, Tolosako aretoa saldu zutenetik diruz hain larri ez omen dabiltzalako, eta bestetik, Euskarazaleak Alkarteak egoitza berria eman dielako Bilbon, Colon de Larreategi 14an. Gainera, beren lanak Interneten ere agertuko omen dira azkenean, eta oroz gain, bazkide berriak lortu dituzte. Erdietsitakoa ez da gutxi, jakina, baina badituzte oraindik lortu gabeko asmo gehiago ere. Bitartean, hona hemen aurkezten diguten azken Euskerazaintza-ren mamia: Arzelus'tar Amalek idatzitako Ikastolak; Iker Joseba Laka Guenagaren Euskerearen adizki zarrak nondik nora; eta Etxaburua'tar Asierrek erdarakadaren aurka egindako ekarpen bi: Azkueren bildumatik jasotako Atsotitzak eta esakerak, eta berak osatutako Bear-bearreko iztegitxoa. 1.089 hitz ditu.
La pandemia de gripe española...
Anton Erkoreka
Medikuntza eta Zientzia Historiaren Euskal Museoa
94 orrialde / 14,96 euro
Gripe izurri espainiarra Euskal Herrian (1918-19)
Pandemia gertarazi dezakeen edozein izurriteri aurre egin ahal izateko, historian zehar izan diren gaixotasunen erasoak kontuan hartzea komeni da. Hara hor Anton Erkorekak egindako lanaren arrazoia: egungo gizartea kezkatzen duten hegazti-gaixotasuna edo antzekoak ekidin ahal izateko, iraganean jasan behar izandako izurriak kontuan hartzea. Adibidez, 1918-1919. urteetan mundu osoan eragina izan zuen gripea, spanish influenza edota grippe espagnole bezala ezagutua izan zena. Lur planetako biztanlegoari erdia baino gehiagori min eman zion, nahiz eta gripe horren eraginez hildakoen kopurua leku batetik bestera dezente aldatu zen. Eta, noski, Euskal Herrian ere izan zuen eragina.
Jakin
Batzuen artean
Jakin
140 orrialde / 9,50 euro
Pertsonaia femeninoak euskal eleberrigintza garaikidean
Jakin aldizkariaren azken zenbakian, Gema Lasartek pertsonaia femeninoek euskal eleberrigintza garaikidean (1975-2000 urte bitartean) duten presentziaz dihardu, hainbat nobeletako emakumezko protagonistak aztertuz. Zenbaki berean, Iñaki Sotok eta Julen Zabalok autodeterminazio eskubidearen inguruan dauden teoria ezberdinak aztertu dituzte; Pruden Gartziak Olentzero, non zaude? izenburuarekin Iruña-Veleiari buruz egindako gogoeta aurkeztu du; eta Txillardegik Jakin: 1956-2006 lana eskaini digu.
Irakurrienak
Matomo erabiliz
#1
Karmelo Landa
#2
Jenofa Berhokoirigoin
#3
Juan Aldaz Arregi
#4
#5
Imanol Satrustegi Andrés
Azkenak
2024-04-28
Jenofa Berhokoirigoin
BOLLOTOPAKETAK
Bollera subjektua erdigunean jartzera datorren hitzordua
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
2024-04-28
Olaia L. Garaialde
Gorputz hotsak
"Pianoa da konpainia izatea bezala, ez zara inoiz bakarrik sentitzen"
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]
2024-04-28
Axier Lopez
Dronea, munduko botere harreman desorekatuen ikur eta eragile
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
2024-04-28
Miel Anjel Elustondo
Iñaki Soto. Erredakzioko kazetaritza ardatz
"Gure Herriaren etorkizuna eta hizkuntzarena batera joango dira"
25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]
2024-04-28
Urko Apaolaza Avila
Migrazio eta Asilo ituna: Europaren legatu kolonialista denon begien bistan
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Eguneraketa berriak daude