Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
osteguna 2024ko apirilaren 25an
Argitalpenak
Joseba Sarrionandiaren ipuingintza
Jon Kortazar
Utriusque Vasconiae
126 orrialde 12,50 euro
Nerabeak eta beste munstro batzuk
Joanes Urkixo
Aizkorri
128 orrialde
7,50 euro
Heterodoxias
Juan Carlos del Olmo Serna
Hiria
382 orrialde 19,50 euro
Onddoak, ondo?
Edu Zabala
Gero
116 orrialde 11 euro
Maiatz
Batzuen artean
Maiatz
64 orrialde 7 euro
Amona basoan...
Arantxa Iturbe
Elkar
42 or. / 6,95 euro
Azken gutuna eta beste
Vassili Grossman
Erein
78 orrialde 9 euro
Jon Kortazar
Utriusque Vasconiae
126 orrialde 12,50 euro
Sarrionandiaren narrazio laburrak
Jon Kortazarrek Joseba Sarrionandiaren hainbat narrazio labur sakon aztertu ditu J. Sarrionandiaren ipuingintza. Zuhaitz erromesa liburuan. 1983an durangarrak kaleratu zuen Narrazioak liburuko Estazioko begiradak kontakizunetik hasiz, 1990ean plazaratu zen Ifar aldeko orduak libururainoko tartea du Kortazarrek aztergai, 1986an argia ikusi zuen Atabala eta euria ipuin sortan Sarrionandiak eskainitako narrazioak ahaztu gabe. Kortazarrek ukitzen dituen gaien artean, Sarrionandiaren irudimena, ipuinen barrena eskaintzen duen poetika, egin dituen irakurketak eta dauzkan estetika bideak, denboraren teknika, daukan idazkera propio horren deskripzioa, Nova narrativa galegak egin dion ekarria eta beste daude.
Nerabeak eta beste munstro batzuk
Joanes Urkixo
Aizkorri
128 orrialde
7,50 euro
Estralurtarrak, deabrua eta beste, nerabeen laguntzaile
Nerabeak dira Joanes Urkixoren zazpi kontakizun hauen protagonistak. Aspergura gainetik kendu nahiz musean jokatzen ikastea erabakitzen duen koadrila bat, esate baterako. Ez dakitena da mus partida horiek berebiziko garrantzia izango dutela, estralurtarrak lehiakide izango dituzten une beretik. Bidane, bestalde, mutil batez zeharo maitemindu da; ez da hori gertatzen zaion aurreneko aldia, baina mutil horrek jaramonik egiten ez diola ikusita, «arima deabruari salduko nioke, Santirekin ligatzearen truke» esaten du, eta hara nondik deabrua agertzen zaion kontratu berezi samar bat izenpetzea proposatuz. Eta Kontuz biragunearekin ipuinaren protagonistak, berriz, bere hitz jarioarekin mamuak ere uxatzen dituen aita du.
Heterodoxias
Juan Carlos del Olmo Serna
Hiria
382 orrialde 19,50 euro
Del Olmoren hiru antzerki lan
Toribio Alzaga antzerki saria irabazi zuten bi lan -Jon Mirande protagonista duen Jon gurea, Parisen hatzana eta Albreteko Joanaren gainean idatzi zuen Aldi joana, Joana- eta Jose Bergamin idazlea gai duen Elurrezko eskeletoa gaztelaniara itzuli ditu Karlos del Olmok. Eta hiru antzerki lan horiexek dira, hain zuzen ere, Hiria argitaletxearen eskutik duela gutxi argitaratu duen Heterodoxias izenburuko liburua osatzen dutenak. Hiruren protagonistak bere garaian indarrean zegoen ortodoxiatik aparte ibilitako pertsonak ditugu. Gutxik onartu zuten Jon Mirandek zuen mundua ikusteko era. Albreteko Joana protestantea eta euskararen defendatzailea izan zen, Espainia eta Frantziako erresumak besterik eskatzen ziotenean. Eta Jose Bergaminek, jaiotzez espainiarra izan arren, Euskal Herrian hiltzea erabaki zuen.
Onddoak, ondo?
Edu Zabala
Gero
116 orrialde 11 euro
Onddozale batzuren ezusteak
Perretxikoez pitorik ez dakien German irakasleak eta Joxemiel, bere lagun basozainak beren Oiartzun maitea atzean utzi eta Soriara onddo bila joatea erabaki dute. Laguntzaile, Txurruta eramango dute, onddoak aurkitzen primerakoa omen den gizona. Horixe da Gero argitaletxeak kaleratu duen Edu Zabala eibartarraren Onddoak, ondo? kontakizunaren hasiera. Baina hiru lagun horien bidaia hasi orduko ezusteak ugaritu egingo dira. Batetik, errepidetik ateratzeko agindua ematen dieten Benemeritakoekin egingo dute topo. Eta sardin zaharrena gutxi balitz, narkotrafikatzaileak ere aurkituko dituzte. Baita Akelarre gaua eskaintzen dieten sorginak, oreinak susan, eta Cameros mendikateko erasotzaileak ere. Eta Nafarroa aldera lehenbailehen jotzea erabaki, eta han Hassanz Ezina izango dute zain.
Maiatz
Batzuen artean
Maiatz
64 orrialde 7 euro
Narrazio eta olerki ugari Maiatzen 42. zenbakian
Zailtasun guztiak gainditu eta kalean da berriro Maiatz seihilabetekaria, narrazio eta olerki ugarirekin. Besteak beste, Itxaro Bordaren Euskadi morning, Txomin Peillenen Delirium, Lucien Etxezaharretaren Harresien eresi, Auxtin Zamoraren Biharko haurrak, Peio Minaberryren Satorra, Daniela Albizuren Andere Xuria, Itziar Madinaren Artzain malkoak, Piarres Aintziarten Teologo eta filosofoak Senperen, Nine Goihenetxeren Laminen kanthore eta Junes Casenave Harigileren Pastoralako antzezlana aurkituko ditu irakurleak bertan. Eta horiez guztiez gain, Grenwichekoa ez da meridiano bakarra ere eskaintzen dute, Koldo Izagirrek euskal kulturaren eta nortasunaren modernitateaz egindako gogoeta luzea.
Amona basoan...
Arantxa Iturbe
Elkar
42 or. / 6,95 euro
Amona ipuin kontalariari gauzak ahazten hasten zaionekoa
Arantxa Iturbek asmatu eta Elena Odriozolak marraztu tako ipuin honen izenburu zehatza Amona basoan galdu zenekoa da, eta bizitza osoan ipuin kontalari bikaina izan den emakumeari gauzak ahazten hasten zaizkionean gertatutako arazoa du gai nagusi. Amona horren ipuinak erruz maite dituen biloba da kontalaria. Txiki-txikia zenetik entzun izan ditu, garai batean amonaren magalean eserita, bere oinetan jarririk gero. Baina egun batean amona galdu egin dela ohartzen da, eta ez daki zer egin.
Azken gutuna eta beste
Vassili Grossman
Erein
78 orrialde 9 euro
Felipe Juaristik euskaratutako Vassili Grossman
Naziek hilko dutela ziur dakien ama judu batek frontean sobietarren alde borrokan ari den semeari idatzitako atzeneko mezua da Vassili Grossman idazle ukrainarraren Azken gutuna narrazioan azaltzen dena. Egile berak idatzitako Bizia eta Patua idazlanaren zati bat da, eta guztiz egiazkoa, Grossmanen ama naziek hil baitzuten. Nolanahi ere, ez da Felipe Juaristik Grossmani euskaratu dion lan bakarra, harekin batera agertzen baitira Ikonnikoven gutuna -edo gizatasuna, ongia eta gaizkiaren gainean Grossmanek idatzitako gogoetak-,goraxeago aipatutako Bizia eta Patua lanaren zati hauxe ere, eta Ama Birjina Sixtotarra edo Rafaelen margo ospetsua ikusirik Grossmanen gogoak Treblinkara jauzi nola egin ahal izan zuen jakiteko era; Felipe Juaristiren hitzetan «liburuetan aurki ezin daitekeen testua dugu, testu zoragarria». Vassili Grossmanen patua izenburuko idazlanak osatzen du Ereinek argitaratutako liburua. Lan horretan itzuli duen zoritxarreko idazle ukrainarraren berri ematen ahalegindu da Felipe Juaristi. Izan ere, Bizia eta Patuan Hitler eta Stalin maila berean jarri zituenetik, heriotza ezagutu zuen Grossmanek: ez zioten liburua argitaratu, ez bere izenik aipatu.
Irakurrienak
Matomo erabiliz
#1
Jenofa Berhokoirigoin
#2
Karmelo Landa
#3
Juan Aldaz Arregi
#4
#5
Miel Anjel Elustondo
Azkenak
2024-04-28
Jenofa Berhokoirigoin
BOLLOTOPAKETAK
Bollera subjektua erdigunean jartzera datorren hitzordua
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
2024-04-28
Olaia L. Garaialde
Gorputz hotsak
"Pianoa da konpainia izatea bezala, ez zara inoiz bakarrik sentitzen"
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]
2024-04-28
Axier Lopez
Dronea, munduko botere harreman desorekatuen ikur eta eragile
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
2024-04-28
Miel Anjel Elustondo
Iñaki Soto. Erredakzioko kazetaritza ardatz
"Gure Herriaren etorkizuna eta hizkuntzarena batera joango dira"
25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]
2024-04-28
Urko Apaolaza Avila
Migrazio eta Asilo ituna: Europaren legatu kolonialista denon begien bistan
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Eguneraketa berriak daude