Eta ataskoa ederra balitz?
- Posible al da auto-ilaran ondo pasatzea? Haren bila propio joatea? Aire sanoa arnastuz, musika eta txistorra lagun, gainerako gidariekin batera festa bihurtzea? Normalean izorratzen gaituen hori gozatzea? Maider López artista donostiarrak posible egin zuen, iraileko hirugarren igandean auto erromeria berezia antolatu zuenean. Emaitza Artiumen izango da ikusgai hil honen 19tik aurrera.
Ideia hori berak bakarrik gauzatzea zaila izango zen eta laguntza bila hasi zen Maider. Coches proiektuaren barruan joango zen Ataskoa eta Artiumeko erakusketarako proposamena egin zuenean baiezkoa jaso zuen. Artelekun ere baiezkoa jaso eta Amasté proiektura gehitu zen. Intzako herriaren baimena ere behar zuen eta udalak baimena eman ez ezik, herritarrek laguntza handia eskaini zioten, egun horretako antolakuntzan, bazkaria ematen, trafikoa zuzentzen...
Baina autoak ere behar ziren eta deialdi publikoa egin zuten. Autoen jabeek izena eman behar zuten, auto gutxiegi edo gehiegi etorriko ez zirela ziurtzteko. Ibilgailu pribatuak eskatu zituzten, ahal zela kolore bizikoak, -horiak, gorriak...- auto gehienak txurik eta grisak izan ohi direla jakinik.
Izena eman zuten ia guztiak azaldu ziren igande hartan Intzara, 160 inguru. Hitzordua goizeko 11:00etan zen, baina ordubete lehenago dagoeneko iritsi ziren lehenak. Eguraldi ona egin zuen egun hartan eta giro ederra sortu zen. Gidariei autoa non utzi behar zuten esan eta elkartera gerturatzen ziren ondoren, bertan musika, txistorra, edariak... zeudelako parte hartzaileen zain.Gidarien artean freskagarriak banatu zituzten, baina alkoholdun edariak ere baziren, Lópezen esanetan, «gidariekin batera jende gehiago etorri zelako... eta Euskal Herrian gaudelako!».
Behin auto guztiak auto-ilaran pilatuta zeudela, «jendeak nolabaiteko erromeria egin zuen kotxeen artetik; polita izan zen, bitxia. Horrela, lan honek bi zati ditu nolabait, Artiumen erakusketa egingo da, baina egun pasa hau ere ederra izan zen bertaratu zirenentzat».
Ataskoa sortu zuten beraz, baina nola konpondu zuten benetako arazo bihur ez zedin? Espero baino errazagoa izan zela dio donostiarrak; herriko eta Amastéko laguntzaileek, inongo polizien laguntzarik gabe lortu zuten korapiloa desegitea.
Azkenean Maider Lópezek bere helburua lortua zuen: «Ataskoa bidean topatzen duzun zerbait da, izorratzen zaituena. Baina honekin kontrakoa lortu genuen, jendeak bide hori egitea ataskoa aurkitzeko, normalean saihestu nahi dugun horren bila joateko. Testuingurua aldatuta, auto-ilarak hiritik eta industriaguneetatik mendira eramanda, zentzua aldatzen da eta ezinezko irudia sortzen da». Lópezek hainbat argazkilari kokatu zituen auto-ilararen irudiak hartzeko eta helikoptero telegidatu bat ere erabili zuen. Emaitzak urriaren 19tik aurrera ikusgai izango dira Gasteizko Artiumen. Erakusketaren barruan, Ataskoaren argazkiez gain, dokumental bat gehitzeko asmoa ere badute. Gainera Coches proiektuko beste elementu batzuk ere izango dira. Parkingetan ateratako argazkiak ipiniko dituzte eta Gasteizen bertan interbentzio bat egingo du Maider Lópezek: «TAOko aparkaleku bat da eta daudenak baino aparkatzeko toki gehiago proposatuko ditut. Aparkalekuak zenbat plaza dauden dio, baina berez toki gehiago daude inori enbarazurik egiten ez diotenak, nik horiek seinalatuko ditut».
Eta aparkatzeko tokia aurkitzea erraza balitz?
1.000 euskaltzale eta kulturazale baino gehiago giro goxoan ibili dira Ziburuko liburu eta disko azokan, eta larunbat goiz eta arratsaldez gozatu dute hitzaldi, kontzertu eta liburu aurkezpenez. 33 argitaletxe eta 10 diskoetxeren lanak ezagutzeko eta erosteko aukera probestu... [+]
Datorren ikasturtetik aurrera, euskaltegietan A2 mailan matrikulatzen direnek orain arte bezala 310 euro ordaindu beharrean, 70 euro ordainduko dituzte. Maila gaindituz gero, ordaindutakoa itzuliko zaie ikasleei.
Kuartela herrixantzat lelopean indar okupatzaileek Euskal Herritik irten behar dutela aldarrikatzen du Fan Hemendik taldeak.
Rafah-ra doan nazioarteko martxarekin bat eginez, Gasteizen mobilizatzera deitu du plataformak, baita ikasgeletan ere. Palestinar haurrekiko elkartasun argazkiak ateratzeko eskatu du.
Aieteko Nazioarteko Bake Konferentzia 2011n egin zen Donostian eta ondoren sortu zen Bake Bideak, Ipar Euskal Herritik bake prozesua sustatzeko. Bakegileen zeregina ETA armagabetzeko ekinbide zibila antolatzea izan zen. Orain, desegingo direla iragarri dute bi ekimenek.
Espetxeetako funtzionarioek lanuzte partzial bat egingo dute ekainaren 9tik 15era bitartean.
IDOIA ASURMENDI
Non: Bilboko Kafe Antzokian.
Noiz: maiatzaren 29an.
21 pertsona “giza eskubideen urraketen biktima” gisa aitortu dituzte ofizialki. Espainiako Estatuko funtzionarioek eta eskuin muturreko taldeek torturatutako pertsonak dira eta biolentzia horren lagin txikia baino ez direla dio Egiaren Garaia Da ekimenak.
Ostegunean banatu dute saria, Amasa-Villabonako Hika txakolindegian. Bertan jakinarazi dute 2024koa izan dela 111 Akademiak banatuko duen azken saria.
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Nork sinesten du urtebetean Ordiziako errealitatea goitik behera aldatu dela eta desorekak desagertu direla?
Udaberriko oporren ataritan egunkarietan Begoña Pedrosak eman zigun titularra: Ordiziak ez du desorekei aurre egiteko plan berezirik behar... [+]
Datorren irailaren 25ean 40 urte beteko dira GALek Baionako Monbar hotelean egindako atentatutik, non lau euskal errefuxiatu hil zituen. Horren karietara, Gogora Memoria, Elkarbizitza eta Giza Eskubideen Institutuak oroimen ekitaldi bat egingo du udazkenean.