Hasier Etxeberriak hitzok izkiriatu zituen El Mundon: «Inork irakurtzen ez duen mundutxo honetan, Durangok jarraituko du markatzen urteroko uzta. Eta izan liteke egia borobila, idazleak ez idaztea egiazki Durangokoa duelarik buruan, baina, nahi hala ez, halaxe gertatzen da, Durangorako idatzi gabetan ere, Durangokoak jarriko baitio aurtengo bere liburuari, jaiotze data eta, aldi berean, iraungitzekoa».

Maite Idirinek honakoak esan zizkion Berriari: «Euskal kantariak ez badira kontratatzen, ez dute lanik eta isiltzen dira. Baina horrek ez du erran nahi ez dagoela musikaririk. Musikari eta kantari oso onak daude, baina lanik gabe. Nor kontratatzen da? Prentsan dagoena. Prentsak sekulako garrantzia du. Eta euskal kantua ez da aski mediatizatua, nire ustez (...) Oro har, kantugintza bertsolaritzari konparatzen badugu, ohar gaitezke haiek beren zuloa egitea lortu dutela. Publiko bat badu. Zaintzen da. Kantugintza bertsolaritza bezainbat zaindu beharko genuke».

Montxo Armendarizek Garari esanak, Obaba Oscar sarietan Espainia ordezkatzeko aukeratu berritan: «Hollywood ez zait interesatzen, baina industriako jendea ezagutzeko baliagarria izan daiteke».