Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
larunbata 2024ko apirilaren 20an
Argitalpenak
Ignacio. Los años de la espada
Jose Luis Urrutia
Txalaparta
396 orrialde 18 euro
Saltoki-gune handien eredua eta merkataritza eredu tradizionala aurrez aurre
Jose Allende Landa
Manu Robles-Arangiz Institutua
40 orrialde / 5 euro
Euskal Herriko arkitektura
José Javier Fernandez
Ibaizabal
156 orrialde 14,20 euro
Euskal mitologia konparatua: Jentilen akabera
Juan Inazio Hartsuaga
Gaiak
290 orrialde
18 euro
El día en que inventé tu nombre
Teresa Calo Fontan
Kutxa Fundazioa
76 orrialde 5 euro
Zezilia, Samuel...
Maria Markotegi Ijurko
Gero
56 or./ 7,50 euro
Kearen truke
Aritz Gorrotxategi
Alberdania
133 orrialde 12,50 euro
Jose Luis Urrutia
Txalaparta
396 orrialde 18 euro
Loiolako Ignazioren gazte garaia
Gutxi izango dira Jesusen Lagundiaren sortzaile izan zenaren berririk ez dutenak, baina are gutxiago erlijio bide hori hartzea erabaki aurretik Loiolako Ignaziok izan zuen bizitza ezagutzen dutenak. Jose Luis Urrutiaren Ignacio. Los años de la espada nobela historikoak ematen du horretarako aukera, 1491n jaiotako Iñigok, Oinaz eta Loiolako Beltrán Yáñezen semerik gazteenak, nerabezaroan eta gaztaroan izan zuen bizitzaren aztarnak erakusten baititu. Errege Katolikoen kontulari gorenaren mutil bezala pasatako urteetan ikasi eta egin zituen barrabaskeriak, luxuzko bizimodu hartan erakutsitako ausardia eta harrokeria, aurre egindako norgehiagokak, limurtu zituen emakumeak, arbuioak sortu zituen bihozminak...
Saltoki-gune handien eredua eta merkataritza eredu tradizionala aurrez aurre
Jose Allende Landa
Manu Robles-Arangiz Institutua
40 orrialde / 5 euro
Jose Allende merkataritza eredu ezberdinen eragina aztertzen
Nabarmena da gure herri eta hirietan azken urteotan geroz eta gehiago sortzen ari diren saltoki-gune handiek txikizkako merkataritzan diharduten denda txiki eta ertainei egin dieten kaltea. Baina saltoki-gune horiek izan dute bestelako eragin kezkagarririk ere, herritarren kontsumo ohituretan, aukera ditzakegun produktuen kalitatean, lanpostu egonkorrak suntsitu eta behin-behinekotasuna areagotzean... Eta hain zuzen ere, arazo hauek guztiak izan ditu kontuan Jose Allende Landak Manu Robles-Arangiz Institutuak plazaratu duen Saltoki-gune handien eredua eta merkataritza eredu tradizionala aurrez aurre: Gizarte, ekonomia, kultura eta lurralde ondorioak, jasangarritasunaren ikuspuntutik azterketa burutzerakoan.
Euskal Herriko arkitektura
José Javier Fernandez
Ibaizabal
156 orrialde 14,20 euro
Euskal arkitektura urratsez urrats
José Javier Fernandezek osatutako Euskal Herriko arkitektura liburuak gure arbasoek utzitako lanetatik hasi eta gaur egun arte euskal arkitekturan jaso dugun ondarea aldarrikatu nahi du, batik bat oso informazio publiko gutxi dagoelako ondare horri buruz, ez da eskuraerraza, eta, horrez gain, askotan ez dago behar bezain ongi kontserbatuta ere. Euskal arkitekturaren historiari eta historia horretako gertaera, protagonista eta obra nagusiei errepaso eginez, arte estilo bakoitzaren ezaugarri orokorrak eta estilo bakoitzak Euskal Herriko arkitekturaren historian duen esangura landuz, kalitate bikaineko arkitektura ondarea dugula nabarmendu nahi izan du egileak bere lanean, ea behingoz hezkuntzan arkitektura ondarea erakusten den, bereziki garaikidea, hori delako hurbilen daukaguna.
Euskal mitologia konparatua: Jentilen akabera
Juan Inazio Hartsuaga
Gaiak
290 orrialde
18 euro
Euskal espezifikotasuna
Euskal mitologia bere osotasunean interpretatzeko ahalegina egin du Juan Inazio Hartsuagak Gaiak argitaletxearen bidez plazaratu duen bi ataletan -Euskal mitologia konparatua eta Jentilen akabera- banatutako lan honetan. Bertan azpimarratzen du mitologia ez dela ipuin fantastiko zenbaiten bilduma, herri eta kultura bakoitzeko bizimoduaren zergatia herri eta kultura horretan bizi direnei azaltzen dien erantzunen multzoa baizik. Egileak gogorarazten du mitologiak ez duela herri edo kultura bat nolakoa den esaten, baizik eta nolakoa izan nahi duen. Beraz, euskal espezifikotasuna nabarmentzean, garai bateko euskaldunek euren buruei emandako ereduen multzoaz ari da Hartsuaga, irakurleak erabaki dezan gaurko euskal gizartea eredu horietatik zeinen hurbil edo urrun dagoen.
El día en que inventé tu nombre
Teresa Calo Fontan
Kutxa Fundazioa
76 orrialde 5 euro
2005eko Donostia Hiriko Kutxa Antzerki saria
Teresa Calo Fontanen El día en que inventé tu nombre antzezlanak eskuratu zuen 2005eko Donostia Hiriko Kutxa antzerki lehiaketako saria. Bata bestetik urrun aspaldian bizi izan diren ama-alabak dira bertako protagonistak. Hamazazpi urte ditu alabak. Ordurarte berarekin eduki duen aitak kale borrokan sartuta dabilelako bidali du Andaluzian bizi den amaren etxera. Amak ez duela ezker abertzaleko borroka tutik ere ulertuko eta, gazteak ez luke azken garaian hainbeste buruhauste sortu dizkion arazoei buruzko inongo galderarik erantzun nahi, baina, aldiz, hamaika galdera dauzka amari egiteko, eta denetatik aurrena ea zergatik ez zuen berarekin bizitzera eraman.
Zezilia, Samuel...
Maria Markotegi Ijurko
Gero
56 or./ 7,50 euro
Minbizia jasaten duten haurrei eskainitako kontakizuna
Maria Markotegi Ijurkok sortutako Zezilia, Samuel eta barraskilo kalakaria noizbait minbiziarekin, garaitu daitekeen oldartzailearekin batera bizi izan direnei eskainia dago, Adanoko haurrei bereziki. Gaixotasun anker horrekin borrokan ari den neskato bat du protagonista. Ospitalean dago, eta hango psikologoak oparitu dion egunkarian biltzen ditu hainbat istorio, hemen agertzen dena bezain kilikagarriak guztiak. Bosgarren kimioterapia saioa jasan eta gero idatzi zuen animoa suspertuko zion abentura zoragarri hau.
Kearen truke
Aritz Gorrotxategi
Alberdania
133 orrialde 12,50 euro
Aritz Gorrotxategiren bigarren intriga nobela
Edadeko gizon baten hilketarekin ekiten dio Aritz Gorrotxategik azkenengo intriga nobelari. Liburuzale amorratua izaki hildakoa, bere heriotzak liburu zaharren lapurretarekin zerikusia izan dezakeela uste da, eta haren etxeraino joaten diren poliziei Samuel Elizalde gehitzen zaie, Polizian nahikoa bazterturik daukaten arren, sei urte lehenago liburu zaharrekin erlazionatutako beste kasu bat argitu zuen ikerlaria. Porrot dezente ezagutu ditu Elizaldek bizitzan azken garaian: emazteak utzi du, bere alabatxoarekin egoteko aukerak murriztu zaizkio, eta zerbaitetan aukera egiteko gai dela bere buruari erakusteko otu zaion bakarra zigarroak erretzeari uztea izan da. Baina bere lana zintzoki betetzen ahalegintzen den profesionala izaten jarraitzen du, horrek lagun baino etsai gehiago egitea ekarri badio ere lankide beharko lituzkeen zenbaiten artean, eta, oztopoak oztopo »Fosas komisarioa bezalakoak jartzen dizkioten zangotrabak zein beren bilduman liburu zahar bat edukitzeagatik edozein gauza egiteko prest daudenen ekintzak saihestuz», saiatuko da agurearen hilketaren errudun nor den argitzen eta Axularren Gerok ea bigarren parte bat izan zuen eta non dagoen jakiten.
Irakurrienak
Matomo erabiliz
#1
Zigor Olabarria Oleaga
#2
#4
#5
Ahoztar Zelaieta
Azkenak
2024-04-22
Garbiñe Larrea Iturralde
Intsusaren bigarrena
Joan urteko udaberrian idatzi nuen intsusari eskainitako aurreneko artikulua eta orduan iragarri nuen bezala, testu sorta baten aurrenekoa izan zen. Sendabelar honen emana eta jakintza agortzen ez den iturriaren parekoa dela nioen eta uste dut udaberriro artikulu bat idazteko... [+]
2024-04-22
Eneko Bachiller Otamendi
Arrain-zoparako, besterik ezean, itsasoko igela
Amonak sarritan aipatu zidan badela arrain bat, garai batean kostaldeko herrietako sukalde askotan ohikoa zena. Arrain-zopa egiteko bereziki ezaguna omen zen, oso zaporetsua baita labean erreta jateko ere. Beti platerean oroitzen dut, eta beraz, orain gutxira arte oharkabeko... [+]
2024-04-22
Jakoba Errekondo
Lurra elikatu, guk jan
Lurrari begira jartzea zaila da. Kosta egiten da. Landareekin lan egiten duenak maiz haiek bakarrik ikusten ditu. Etekina, uzta, ekoizpena, mozkina, errebenioa, emana, azken zurienean “porru-hazia” bezalako hitzak dira nagusi lur-langileen hizkuntzan.
2024-04-22
Garazi Zabaleta
Txaramela
Pasta ekologikoa, ortuko barazki eta espezieekin egina
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]
2024-04-21
Gorka Peñagarikano Goikoetxea
'Cristóbal Balenciaga' telesaila
"Nabaritu dadila euskaldun batzuok euskaldun baten istorioa kontatu dugula"
Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]
Eguneraketa berriak daude