HIES ez da «izurri» berri bat. HIES kutsatzeko bideak ondo zainduz gero biztanlegoaren parte murritz bat baino ez dago arriskuan gaitza harrapatzeko. Arriskudun talde horietan zenbait neurri hartzen baldin badira are eta zailagoa da HIES gizartean zabaltzea.
Gaitza berria bada ere, eta HIV birusa orain artean ezezaguna bazen ere, ezda inolaz ere izurria.
OMS (Osasunaren Munduko Erakundea) delakoak argitara eman duenez 38.000 HIESdun ezagutu dira munduan barrena. Horietatik 29.000 Estatu Batuetan eman dira Frantzia delarik bigarren agertzen dena 997 kasurekin. Estatu espainolean 201 kasu deklaratu dira.
Bada kontraesan bat OMS erakundeak emandako zifren eta Madrilgo egunkari ospetsu batek emandako beste batzuren artean. Egunkari honen arauera 250.000 lagun dira Afrikan dagoeneko hil direnak HIES-en eraginez, 5 milioi afrikar HIESdun bezala aipatzen zituelarik.
1991. urterako HIES delakoak eragindako 270.000 lagun espero dira munduan barrena. Zifra handiak izanik ere begibistan dauzkagunak, bere testuinguruan ulertu behar dira, sentsazionalismoan eta alarmismoan erori gabe.