Gripe-pandemia handi baten arriskua


2004ko azaroaren 07an

Ikertzaile eta nazioarteko erakunde sanitarioetako adituen galdera jada ez da ea munduan gripe-pandemia bat egongo den ala ez, noiz gertatuko den baizik. Mundu osoan zehar lanean diharduten birologoak etsi-etsita daude gripe-pandemia ikaragarri batek joko gaituela, eta berandu baino lehen, gainera.
Zer da pandemia bat? Jende guztia harrapatzen duen epidemia bat, »panek oro esan nahi du, dena, guztia; eta demosek jendea». Joan zen mendean hiru pandemia bizi izan zituzten eta 1918-19 urteetan hedatu zen gripeak, adibidez, milioi bat pertsona baino gehiago hil zituen. Adituak seko beldurtuta daude, beraien ustez horrelako pandemia bat izango dugulako espero baino lehen. Okerrena ez da hori, "horrelako bati aurre egiteko ez gaudela prest" baizik. Hori ez dio edonork, Rotterdameko Erasmus Unibertsitatean Birologia Institutuko zuzendari den Albert Osterhaus doktoreak baizik. Madrilen egin berri den Europako II. Birologia Kongresuan gripearen birusak, aldaera eta mutazio ugarien eraginez ekar ditzakeen arriskuez ohartarazi gintuen. "Kontua da, munduan ez dagoela herrialde bat bakarra ere, gripearen hurrengo eraso masiboari aurre egiteko prest", dio Osterhausek. Birus erasotzailearen andui zehatzaren kontra eraginkorra izango den txertoa edukitzeko, eta behar adina dosi merkaturatzeko urtebete beharko litzateke, gutxienez. Estatu eta herrialdeen arteko koordinazioak kale egiten du, baita osasun-publikoko politikek ere, gripearen birusak ez baitauka mugarik, ez geografikorik, ezta politikorik ere. Antibiralek huts egiten dute, ez baitira aski, ez kopuruz, ezta barietatez ere. Eta, azkenik, txertoek ere kale egiten dute, "konpainia farmazeutiko guztiak batera arituz ere, Suitzako lurraldearen premiak estaltzeko beste gaitasunik ez daukatelako", Osterhausen hitzetan. Kezkatzeko moduko iragarpenak, bai horixe!


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude