Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
asteazkena 2024ko maiatzaren 15an
Ezpalak
Kanpaina arkeologiko oparoa
Uda honetako kanpaina arkeologikoak emaitza interesgarriak izan ditu gurean. Arkeolanek erromatarren meatze galeria bat industu eta garbitu du Arditurrin (Oiartzun, Gipuzkoa). Erromatarren garaian penintsulako meatze garrantzitsuenetakoa izan zen Arditurrikoa eta bi mendetan zehar 200 pertsona bertan aritu zirela diote. Aranzadik, aldiz, Zestoako Irikaitzen egin du lan eta bertan Behe Paleolitoko eta Gravetienseko harrizko tresnak topatu dituzte »duela 150.000-25.000 urteko arrastoak». Euskal Herrian arrasto zaharragoak topatu badira ere, soilik Irikaitzen aurkitu dira euren jatorrizko tokian.
Euskal taldeak aurten ere Tarregan
Sei euskal antzerki konpainiak euren azken ekoizpenak aurkeztuko dituzte irailaren 9tik 12ra Tarregan egingo den Fira de Teatre al Carreren 24. aldian. Hurrenez hurren, Tanttakak, Chusmak eta T(artean) taldeek aretorako lanak eskainiko dituzte eta Hortzmuga, Gaitzerdi eta Xabi Larreak kale ikuskizunak agertuko dituzte. Euskal Teatroa zikloaren bederatzigarren edizioak eszenatokia aldatuko du, aurten ez baita Euskal Teatroa karparik izango eta euskal taldeok udal kiroldegian plazaratuko dituzte ikuskizunak. Guztira, 88 antzerki talderen 95 obra ikus ahal izango dira Lleidako herrian.
Gasteiz, rockaren hiriburu
mendizabalako zelaiguneak Gasteizko Azkena Rock Jaialdia hartuko du, irailaren 9tik 12ra bitartean. Gorputza astintzeko proposamen ugari dakar jaialdiaren hirugarren urteak. 9an ongietorri jaiaren barnean Urge Overkill eta The New York Dolls arituko dira, besteak beste,Mendizorrotza kiroldegian. 10ean eta 11n Mendizabalan izango da hitzordua eta Screamin’ Cheeta Wheelies, Turbonegro, The Flamin’Groovies nahiz Kuraia taldeak zuzenean ikusteko aukera izango da. 12an Jhonny Cashen omenez emango dute kontzertua Roger McGuinn eta Mike Farrisek.
Dantzaren Maitaldia
Dantzaren berrikuntzak bertatik bertara ikus ahal izango dituzte dantzaren maitaleek irailaren lehen hamabostaldian Miarritzen. Izan ere, irailaren 4tik 18ra arte Maitaldia dantza jaialdia egingo da Biarrizko hiria, hamalaugarrenekoz. Dantzaldiak hartu dituzte aurten ardatz, dantza jendearengana hurbiltzeko erarik egokiena delakoan. Dantza klasikoa, hip-hopa, Berpizkundeko dantzak nahiz jazz estilokoak aurkeztuko dituzte, Bellevue eta Gare du Midi aretoetan eta herriko parke nagusian. Egitarauaren baitan, Biarrizko Baletak Le sang des étoiles ikusgarria estreinatuko du.
Euskarazko zinemaren fotogramak ugaltzen
Duela hamabi urte Koldo Izagirreren Offeko maitasuna pantailaratu zenetik, ez da oraino euskarazko pelikularik filmatu. Zorionez, badirudi joera hori iraultzen hasi dela. Telmo Esnal eta Asier Altuna Aupa Etxebeste! euskara hutsezko komedia errodatzen ari dira egunotan. Pako Sagarzazu, Ramon Agirre, Elena Irureta eta Iban Garatek jokatzen dituzte rol nagusiak eta oporretan etxean geratu diren arren kanpoan dauden itxura egingo duen familia gorpuzten dute. Laster beste euskarazko film bat egingo dute Orio, Tentazioak eta REC ekoiztetxeek: literaturan eta antzerkian izugarrizko arrakasta izan duen Kutsidazu bidea, Ixabel. Datorren urteko maiatz-ekainean ekingo diote filmaketari. Oraindik aukeratzeke daude aktoreak, baina izen bat ziurra da: Anjel Alkain. Filmarekin batera, sei ataleko telesaila grabatuko dute EITBrentzat. Pozgarria da euskarazko zinema berriz abian ikustea. Ea euskal ikusleriak merezi gisan erantzuten duen.
Kameraren bisorea beste aldera begira.
Argazki Kazetaritzari buruzko II. Jardunaldiak egingo dituzte Donostian, irailaren 8tik 10era. Arrasate kaleko Kutxa kultur aretoan hitzaldi eta mahai-inguruak izango dira. Lehen saioan, Jacques Pavlosky argazkilari lapurtarrak Sygma agentzian izandako esperientziaz hitz egingo du; bigarren egunean Etika fotografikoa eta irudiaren erabilpena prentsan izango dute hizpide Daniel Vélez, Enrique Shorek, Manuel Berriopedrok eta Fermin Munarrizek. Azken egunean Associated Press agentziako kolaboratzaile Zaheeruddin Abdullahk bere argazkiak erakutsiko ditu jendaurrean. Egitarauaren osagarri, hainbat argazki erakusketa paratuko dituzte. Batetik, azken urteetan hil diren 13 argazkilariren lanak bilduko dituzte Zarauzko Torre Luzean. Bestetik, zortzi euskal argazkilariren lanak ( Gari Garaialde, Amaia Zabalo, Pablo Sanchez...) erakutsiko dituzte Donostiako zortzi tabernatan.
Feminismoa arte jardunean.
Artelekuk Sexu gunea berriro politizatzea egungo arte jardunetan izenburuko mintegia eta hitzaldi sorta antolatu ditu hil honen 8tik 15era bitartean. Duela zazpi urte Artelekun bertan feminismoaren teoriak artearekin duen lotura aztertu zen beste mintegi batean, Erreakzioa kolektiboaren eskutik; oraingoan, hari beretik tiraka, queer politiken eta feminismo kritikoaren politiken testuinguruan artean sortzen ari diren diskurtso eta proposamen berriak landuko dituzte.
Irakurrienak
Matomo erabiliz
#1
Mikel Garcia Idiakez
#2
Mikel Garcia Idiakez
#3
Gorka Peñagarikano Goikoetxea
#4
Irutxuloko Hitza
#5
Lander Arretxea
#6
dantzan.eus
|
Kattalin Agerre
Azkenak
2024-05-19
Miel Anjel Elustondo
Anne-Marie Lagarde. Matriarkatuaz (eta biziaz)
"Zukak puruki ezabatzen du sexu identitatea eta, hikak, aldiz, eraikitzen"
Matriarkatuaz doktore tesia egina da Anne-Marie Lagarde eta, gurean, gaiari buruzko espezialista egina da. Batean prima, bestean kadet, gure herrietako matriarkatua zertan zen deskribatu eta interpretatu digu, munduan diren formula matriarkalen berri emanez, eta bere historia... [+]
2024-05-19
Lander Arretxea
Musika iruditan (II)
Bideoklipak: aurpegia ala gurutzea
Musikariaren lana musika sortzea eta jotzea da. Baina soilik hori? Irudiak eta sustapenak gero eta pisu gehiago dute alor gehienetan, eta musikariak ere ez dabiltza zurrunbilo horretatik aparte. Bideoklipa bilakatu da abesti edo disko bat kaleratzeko euskarri (ia) ezinbestekoa... [+]
2024-05-19
Nagore Irazustabarrena Uranga
Australiako aborigenen buztingintza
Australiako ipar ekialdean dagoen Jiigurru uhartean duela 2.000-3.000 urteko zeramika zatiak aurkitu dituzte James Cook unibertsitateko eta Australiako Ikerketa Kontseiluko kideek. Australian orain arte aurkitutako zeramika arrastorik zaharrenak dira. Arrastoen azterketa... [+]
2024-05-19
Nagore Irazustabarrena Uranga
Erroldan zentsuratuak
Erroma, K.a. 443. Lehenengoz zentsoreak aukeratu zituzten. Handik bi mendetara Errepublikako magistraturarik garrantzitsuena izango zen zentsurarena. Bost urtean behin bi zentsore aukeratzen zituzten, kontsul izandako senatarien artean.
Erantzukizun handiko kargua zen:... [+]
Eguneraketa berriak daude