Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
asteazkena 2024ko apirilaren 24an
Argitalpenak
Buda zoriontsuen etxea
Joao Ubaldo Ribeiro
Txalaparta
184 orrialde
14 euro
Peleo
Iñaki Irasizabal
Hiria
129 orrialde
11 euro
Izuaren eskifaia
Pau Joan Hernàndez
Giltza
212 orrialde
7,80 euro
Euskerazaintza
Batzuen artean
Euskeraren erri akademia
64 orrialde
borondatea
Jony eta Lagunak
Yon Suinaga
Yon Suinaga, Bergarako Udalaren Euskara Batzordea
80 orrialde
5,80 euro
Hiruko
Itxaro Borda
Alberdania
158 orrialde
13 euro
Bilbo dub
kronikak
Paddy Rekalde
Susa
77 orrialde
10 euro
Joao Ubaldo Ribeiro
Txalaparta
184 orrialde
14 euro
Bizitza larrua jotzea da
Horixe dio Karlos Zabala Oiartzabalek euskaratu duen Joao Ubaldo Ribeiro idazle blasildarraren liburu erotiko bakarraren narratzaileak, bizitza larrua jotzea dela. Izan ere, bizitza libertinoa izan duen hirurogeita zortzi urteko emakume brasildar honek argi eta garbi uzten du desira piztu nahi liokeela bere oroitzapenak irakurtzen dituen orori, masturba dadila gutxienez. Sexuaren suak emakume guztiak harrapa ditzan nahi luke ere, eta beren buruari debekatu dizkioten guztiekin larrua jo dezaten. Horiek nahi ditu batik bat kitzikatu, txortan egin arazi. Zer esanik ez dago, bide batez senarrak, senargaiak eta aitak beldurrez airean jarri nahi ditu ere. Berari dagokionez, aitortzen du deus apartekorik ez duela liburuan egiten, egia kontatu, besterik ez.
Peleo
Iñaki Irasizabal
Hiria
129 orrialde
11 euro
Iñaki Irasizabalen Borrokaren baitan gaztelaniaz
Iñaki Irasizabalek berak itzuli du gaztelaniara 2002. urtean euskaraz argitaratu zuen nobela: Borrokaren baitan. ETA erakundeko kide baten bilakaera pertsonala eta emozionala islatzen duen narrazio hau Lizarrako Itunaren garaietan kokaturik dago, ETAk bere su-etena aldarrikatu zuen azkenengo aldian. Gazte hori Madrilen zebilen komando bateko partaidea zen, baina ETAk su-etena aldarrikatzerakoan, Bilbora etorri ziren komandokoak, han ezkutaturik kieto egoteko. Bakoitza bere aldetik ezkutatu zen, eta gazte horrek hilabete mordoa pasa zuen bera baino zaharxeagoa zen erakundeko beste emakume batekin, ahalik eta erarik arruntenean agertuz auzokoen aurrean, nahiz eta beti ez zuten horrela izatea lortuko.
Izuaren eskifaia
Pau Joan Hernàndez
Giltza
212 orrialde
7,80 euro
Edebé Gazte Nobela saria
Karlos del Olmo Serrak euskaratu duen Pau Joan Hernàndezen Izuaren eskifaiak Edebé Gazte Nobela saria jaso zuen. Benetako pirata baten ondorengoa du protagonista nagusia, lan eskaintza harrigarri baten ondorioz Atlantikoaren erdian bere bizitzako esperientziarik izugarriena biziz aurkituko den hamasei urteko gaztea. Dominikar Errepublikan jaiotako ikasle hau Bartzelonan bizi zen lasai, bere ametsik handiena aberastuko zuen lan on bat topatzea izanik. Ez bere arbaso pirataren bizitza, ez harena bezalako beste itsaslapurrena ez zituen sekula begi onez ikusi. Aldiz, bere lagun Ferranek asko maite ditu, bera ere nahikoa pirata delako Interneteko ozeano mugagabean. Baina hain zuzen ere bere adiskidearen zaletasun honek bizia salbatuko dio dominikarrari.
Euskerazaintza
Batzuen artean
Euskeraren erri akademia
64 orrialde
borondatea
Euskerazaintzaren azken alea
Dagoeneko kalean da Euskeraren Erri Akademiak plazaratzen duen Euskerazaintza aldizkariaren azkenengo zenbakia. Bertan azaltzen diren lanen artean, honakoak aipa genitzake: aldizkariaren gaur egungo idazleen nondik norakoak, bertako idazlea izandako Jesus Gaztañaga zenak bere garaian azaldu zuen Akatsak eta erderakadak idazlana, Euskerazaintza-Euskaltzaindia eta euskerea errian, 2004. urteko jardueraren azalpena, Hugh Tomas historialari ingelesak 1936ko gudan euskaldunak jasandako kalteen gainean azaldutakoari buruz Olazar’tar Martinek egiten duen azterketa, Euskerea ta japonera Azkue’ren ustez eta Latiegi’tar Bixentek Aragoiko Erdi Aroko eskuizkribu zaharretan aurkitutako euskal izenen gaia jorratuz eskaintzen duen ekarmena.
Jony eta Lagunak
Yon Suinaga
Yon Suinaga, Bergarako Udalaren Euskara Batzordea
80 orrialde
5,80 euro
Komiki-zerrendaz osatutako liburua
Yon Suinaga Landak Bergarako Udalaren Euskara Batzordearen laguntzaz plazaratu duen komiki-zerrendaz osatutako liburu honek Jony eta Lagunak du izena euskaraz, Jony & Konpis, berriz, gaztelaniaz. Euskal Herriko fauna ageri da bertan: Jony mutil jatorra, Txuko eta Patxi adiskideak, Pirata zakurtxoa, beste galaxia batetik gizakiok aztertzera etorritako lagunarekin harreman estua duen aitona, Jony txora-txora eginda daukan Estitxu, titi pare ederraren jabe den bere lagun Pitu, Bitxor tabernaria eta abar. Bizitzako gorabeherez dihardu komikiak, gizon-emakumeen arteko harreman korapilotsu samarrak eta gizarte kapitalista honi egiten zaion kritika agertzea ahaztu gabe.
Hiruko
Itxaro Borda
Alberdania
158 orrialde
13 euro
Itxaro Borda borroka armatuari aurre eginez
Narrazioa, saiakera eta antzerkia erabili ditu Itxaro Bordak Hirukon askapen borrokaren mistikari aurre egiteko orduan. Herriak bizi behar dun Iparraldean borroka armatuan murgildutako gazte batzuen bilakaera azaltzen du. Harpe ilunetik ateratzeko saioan dio uste duela Euskal Herriak mendeetan jasan eta jasanarazi duen bortizkeria politikoaren eritasunaren sendatzeko puntura helduak garela, eta Elpides antzerkian gerra handi eta gerra txikiko sofista solas ironikoa hedatzen du.
Bilbo dub
kronikak
Paddy Rekalde
Susa
77 orrialde
10 euro
Paddy Rekalde Bilbo latz horri kantari
Paddy Rekalderen azken poema liburuan agertzen den Bilbo hiria eta bere kale aldiz hotz aldiz beroetatik dabiltzanak ez dira bidaia agentzietako publizitateetan turismoa erakartzeko ohiz aldarrikatzen diren «bertuteen» jabeak izango, baina guztiz errealak direla ezin uka. Infernutik azken irribarrea atzematen saiatzen da olerkaria, emakume eta gizon zaurituen mina bereganatzen, langileriaren borrokak bergogoratuz, urrutitik bertaratutako etorkinen amets izoztuak igarriz, zainetatik zein eztarritik sua sartuz bizitzari zentzua aurkitu nahian heriotzari agurka dabiltzanen oinazea islatuz osatu baititu Paddy Rekaldek Bilbo dub kronikak. Jende xehearen urrats baldarrei erreparatzen die, betiko galtzaileen norabideari, haiek dituelako aberkide. Mila gatazka galdutakoak, bizitza luze baten ondoren bere amodio desirak betetzeko gai izan ez direla ohartzen diren lesbianak, Cortes kalean edo La Najako arkupeetan biltzen diren giza hondarrak, bezero bila etengabe ahalegintzen diren prostitutak, kontainer baten kontra ikusten duen jonkia, La Salveko zubi azpiko bazter batean bihotzaren erlojua betiko gelditu zaion gizarajoa...
Irakurrienak
Matomo erabiliz
#1
Juan Aldaz Arregi
#2
#3
Imanol Satrustegi Andrés
#4
Jenofa Berhokoirigoin
#5
Azkenak
2024-04-28
Jenofa Berhokoirigoin
BOLLOTOPAKETAK
Bollera subjektua erdigunean jartzera datorren hitzordua
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
2024-04-28
Olaia L. Garaialde
Gorputz hotsak
"Pianoa da konpainia izatea bezala, ez zara inoiz bakarrik sentitzen"
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]
2024-04-28
Axier Lopez
Dronea, munduko botere harreman desorekatuen ikur eta eragile
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
2024-04-28
Miel Anjel Elustondo
Iñaki Soto. Erredakzioko kazetaritza ardatz
"Gure Herriaren etorkizuna eta hizkuntzarena batera joango dira"
25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]
2024-04-28
Urko Apaolaza Avila
Migrazio eta Asilo ituna: Europaren legatu kolonialista denon begien bistan
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Eguneraketa berriak daude