Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
ostirala 2024ko maiatzaren 03an
Bero-beroan
Espainian torturatzea zailago ote da aurrerantzean?
M-11koaren ondoren ETAren jarduera armatua zailagoa dela entzun eta irakurri da behin baino gehiagotan, eta izan ere hala izango da seguruenik. Hala ere, eta egun bizi diren esperantza printzak deseginez gero, ETAk bere jarduerarekin jarraituko duela pentsatzeko nahiko arrazoi badago, batez ere erakunde armatuaren ibilbide historikoan oinarrituta. AEBek Iraken erabilitako tortura sistematikoaren azaleratzearen ondorioz, torturaren aurkako sentsibilitatea loratu da han-hemenka. Eta M-11 eta jarduera armatuarekin bezala, galdera berez dator: aurrerantzean, Espainian ere, torturatzaileak horren erraza izango du torturatzea? Eta, esperientzian oinarrituta, zaila da ezetz erantzutea, batez ere tortura ahalbideratzen duten bitarteko eta testuinguruak berdintsu jarraitzen duten bitartean.
Zapatero-Sanz bilera
Miguel Sanz Nafarroako Gobernuko lehendakaria maiatzaren 25ean bilduko da Jose Luis Rodriguez Zapaterorekin. Pentsatzekoa da balizko Konstituzio aldaketez mintzatuko direla, Sanzek iragarria baitu, aldaketak egotekotan UPNk Nafarroako Foru Komunitatea EAN integratzea ahalbideratzen duen xedapena indargabetu nahiko lukeela. Sanzek, halaber, gobernu nafarrak bultzatu nahi dituen hiru proiektu berrientzat laguntza eskatuko dio: nazioarte mailako aireportu berri bat eraikitzea; ura eta aisialdian oinarrituko den Parke Tematikoa eta nekazal elikagaiei buruzko Hiri Teknologikoa Erriberan.
Joseba Egibar berriz EAJren Euskadi Buru Batzarrean
Urtarrilean Josu Jon Imazekin izandako lehia galdu ondoren, EBBn partehartzeko aukera galdu zuen Joseba Egibarrek, ordura arte organo horren bozeramaile lanak egiten zituen buruzagiak. Aurreikusi bezala, bueltan dator orain, Gipuzkoako gehiengoak ahalbideratuta, baina sei hilabeteko hautaketa prozesuak alderdiaren baitan zauriak utzi dituela aitortu du, eztabaida mailak eta ika-miken doinuek aditzera ematen zuten bezala. Ezaguna zen EAJn Bizkaiak zuen indarra, baina oraingoan guztiz argi geratu da. Indar horren kudeaketa dago orain ikusgai. Bai BBBko lehendakari Iñigo Urkulluk bai Egibarrek, adierazia dute barne hautaketa prozesua aldatu beharra dagoela, baina horretarako badute denborarik.
Munduko Hizkuntzen Amarauna
Maiatzaren 20tik 23ra Bartzelonako Forum 2004ko kongresuan, besteren artean, Hizkuntza aniztasuna, euskortasuna eta bakea izeneko ekimena egingo da. Hor Munduko Hizkuntzen Amarauna egitasmoa aurkeztuko du Jaurlaritzako Kultura Sailak. Amarauna Kultura Sailak Unesco Etxearekin batera egindako egitasmoa da. Munduko 700 hizkuntzari buruzko ikerketa egin dute lau urtez eta horietako 641 hizkuntzen informazioa sarean jarri dute.
www.amarauna-languages.com
www.amarauna-languages.com
MIDASen Urteko Bilkura eta Batzar Nagusia Donostian
Midas Eremu Urriko eta Eskualdeko Hizkuntzetan Argitaratzen diren Egunkarien Europako Elkartea da eta Urteko Bilkura eta Batzar Nagusia Donostiako Kursaalean egingo ditu ekainaren 3tik 6ra. Hitzaldiak eta mahai-inguruak MIDAS elkarteak antolatu ditu Berria egunkariaren laguntzarekin. MIDASeko kide ez direnentzat ere irekiak dira hitzaldi eta solasaldiok.
Ekainaren 5erako manifestazioa deitu du Kontseiluak
Hizkuntz eskubideak! denon konpromisoa lelopean egingo da manifestazioa Iruñean, arratsaldeko 17:30ean Golem zinema aretoetatik abiatuta. Euskararen normalizazioaren eta hizkuntza eskubideen konpromisoaren aldeko deia da ekaineko hau. Hizkuntza eskubideak! Denon Konpromisoa dinamika abian jarri du Kontseiluak bi arrazoi kontuan hartuta: batetik, euskararen normalizazio bidea makaltzen ari dela ikusi duelako eta bestetik, euskararen gizarte erakundeek jazarpen larria pairatu dutelako.
Larreko Saria euskarazko irakaskuntzarentzat
Euskalerria Irratia elkarteak sortutako Larreko Sariak hamargarren edizioa izango du ekainekoa eta dagoeneko sariaren hartzaileak ezagunak dira. Aurten euskarazko irakaskuntzaren alde egindako lanagatik eta egiten ari direnagatik Nafarroako Ikastolen Elkarteari eta Sortzen Ikasbatuaz-i emango diote saria. Sari banaketa Atarrabian egingo duen afarian izango da ekainaren 11n.
Nafarroatik Bizkaira jauzia eginez, Deustuko Ikastolari ez diote saririk eman, baina ikastolak 40 urteak bete dituela-eta ospakizunetan ari dira. Dozena bat haurrekin hasi zen ikastola sare publikoan dago orain eta 755 ikasle ditu.
Nafarroatik Bizkaira jauzia eginez, Deustuko Ikastolari ez diote saririk eman, baina ikastolak 40 urteak bete dituela-eta ospakizunetan ari dira. Dozena bat haurrekin hasi zen ikastola sare publikoan dago orain eta 755 ikasle ditu.
Lehenengoan hutsegitea
HZrekiko PSOEk zer jarrera hartuko zuen argitu da prozesuaren lehenengo fasean eta izandako jarrerak etsipena sortu du Alderdien Legearen aurka agertu ziren sektore guztietan. Terrorismoaren Aurkako Itunaren bileraren aurretik PSE-EEko zenbait kidek egindako adierazpenak kontuan hartuta, halaber, alderdi honetako zenbait pertsonek ere berria etsipenez hartu dutela esan liteke. PSOEk ere bere lurreratze pista behar duela azpimarratu dute PSE-EEko kide batek baino gehiagok. Epaile espainiarrek zer dioten ikusi beharko da orain, baina esperientziak dio hauek egiten zaien presioaren arabera ere jokatzen dutela halakoetan. Iritzi publikora iragaten denaz gain, zein nolako presio mailarekin eta zein norabidetan bultzatuko dituzte epaileak? Garai berrien lehenbiziko urrats garrantzitsuan PSOEk huts egin dio esperantzari, baina hutsegitea zuzendu dezakeen esperantzak bizirik dirau oraindik.
Irakurrienak
Matomo erabiliz
#1
Xabier Letona Biteri
#3
Bilbo Hiria Irratia
#4
#5
#6
Danele Sarriugarte Mochales
Azkenak
2024-05-06
Nagore Zaldua
Arrosarioa, sexu-estrategia aurrerakoiaren adierazle
Itsaso zabalean bada izaki lirdingatsu bat, gorputz gardenekoa, bitxi bezain ezezaguna. Aitzitik, ezin esan genezake ezohikoa denik, haren banaketan munduko itsaso gehienetara zabaltzen baita, Kantauri itsasoa barne. Batzuetan bakarka topatu daitezke, besteetan aldiz lepoko edo... [+]
2024-05-06
Jakoba Errekondo
Intsusa lore edariak
Edanari emateko prest? Uda atari hau aproposa da gero berokoak etortzean ez lehortzeko edariak destilatzeko. Hezetasunari eustea garrantzitsua da gorputzari bere onenean atxikitzeko, eta etxean sortutako mamarekin bada zer esanik ez.
2024-05-06
Garazi Zabaleta
Erlauntzako airea arnastearen onurak
Eladi Balerdi erlezainaren eta Jose Manuel Atxaga erleen zale sutsuaren arteko elkarlanetik egitasmo berritzailea sortu da duela gutxi. "Arnastu erlauntzaren airea" eta "Erleen sauna" jarduerak proposatu dituzte, konbentzituta baitaude onuragarri direla... [+]
2024-05-05
Jenofa Berhokoirigoin
Adimen artifizialaren esku utzi du palestinarren hilketa Israelek
Titularra irakurri eta baten batek pentsatuko du esajerazio bat dela, neurriz kanpoko orokortze bat egin duela kazetariak. Israelgo informazio zerbitzuetako sei langile ohien lekukotasunetan oinarrituriko 'Lavender': The AI machine directing Israel's bombing spree in... [+]
Eguneraketa berriak daude