Luis Herrera promotoreak adierazia Deian: «Jendeak gutxiago erosten du, baina musika gehiago kontsumitzen du eskuratzeko aukera gehiago duelako. Sarritan, doan. Gainera, kontzertu batera joan zaitezke edo ez, baina ezin da pirateatu. Interneteko deskargek jendea musikara gehiago zaletzea ekarri dute».

Asier Sarasuak zera zioen Goienkarian: «Iparraldeko kultura oso aberagarria da, baina oso lokala. Kultura egiteak dauka garrantzia, eta ez horrenbeste kultura hartzaile izateak. Hegoaldean erakustea da gehiago».

Imuntzo eta Belokik Zazpikan: «Egun, trikitixa beste erritmoekin nahastea kritikatu egiten dute hainbatek, hori trikitixa ez dela esanez, baina garai hartan (50-60ko hamarkadetan) ere berdin egiten zen».

Jose Miguel Iribarren Popi pailazoak esanak Berrian: «Iruditzen zait mundu honetan intrusismo handia dagoela. Jendeak edozertarako janzten du sudur gorria, eta edozein da pailazo. Eta ez da hala».