Xirika: gazte informazioaren saltsan


2004ko otsailaren 22an
Euskarazko komunikabideen esparruan aldizkari berri bat agertu da, Xirika aldizkaria; ostegunetan kioskoetan izango da eta ostiraletan Gara aldizkariarekin batera banatuko da. Proiektu berriaren bultzatzailea gazte talde bat da, batzuk aldizkariaren lan taldea osatzen duten langile finkoen artean daude. Ekimenaren bultzatzaileek diotenez, egun merkatuan dauden egunkari eta aldizkariek ez dituzte gazteen beharrak asetzen eta horregatik murgildu ziren lan berri horretan. «Produktu zabalago baten beharra ikusten genuen, gazteen ikuspegitik gazteen kezkak plazaratzeko eta gogoko gauzak jasotzeko egina. Hizkera ere ez da egunkariek erabiltzen dutena bezain serioa izango, informalagoa izango da», dio Yves Machicote aldizkariko marrazkilari eta maketatzaileak. 0 eta 1 zenbakien 7.500 ale argitaratu dituzten arren, aurreikuspenen arabera 5.000 aleko tirada izango du astero.

Xirikaren egoitza Senperen dago. Lan taldea lau langile finkok eta 30 kolaboratzailek osatzen dute. Langile finkoak Amets Arzallus, Yves Machicote, Garikoitz Mujika eta Goizeder Taberna dira, eta kolaboratzaileetako batzuk Gorka Vierge, Egoitz Garmendia eta Belgika, Flandia eta Mexikon bizi diren euskaldunak. Zuzendaria eta argitaratzaile arduraduna Goizeder Taberna da. Bestetik, publizitateaz arduratzen den pertsona bat ere badago.

Machicotek aitortutakoaren arabera, proiektua bultzatzeko kapitala lortzea izan da gogorrena. Taldea independentea dela dio eta aldizkaria argitaratzeko Zezengorri izeneko argitaletxea ere antolatu behar izan dutela. Beraz, diru iturriak ezinbestekoak dira aurrerantzean egin nahi dituzten produktu berriengatik aurrekontua zehaztu ez duten arren.

Batetik, proiektuaren bultzatzaileek jarritako dirua dute. Bestetik, hainbat komunikabideri, besteak beste Berria egunkariari, Xirika aldizkaria saltzen saiatu dira. Gara egunkaria izan da taldearekin adostasun batera iritsi dena. «Garak aldizkariaren maketa erostea onartu zuen. Beraz, gure bezeroa da eta gure diru sarreratako bat», dio Machicotek. Iragarkiak ere diru iturri garrantzitsua izango dira, baina erosleen laguntza «beharrezkoa» izango da. 35 euroren truke harpidedun egin daiteke irakurlea, eta astero kioskoetan erosten dutenek, berriz, 0,50 zentimo ordainduko dituzte. Denborarekin ikastetxeetan eta unibertsitateetan Xirika zabaltzeko sare «alternatiboa» antolatu nahi dute ezaugarri ezberdinetako gazteenganaino iristeko. «Gazteek erosteko zailtasunik izan ez dezaten jarri dugu aldizkaria hain merke. Batek erosi eta denek hura erabiltzen badute, agian ezinezkoa izango da aldizkaria argitaratzen jarraitzea».

24 orri izango ditu ale bakoitzak eta edukiak lau ataletan banatuak daude. Larrugorritan atalean erreportaiak idatziko dituzte, gazteriarekin harreman zuzena duten eta gazteei kezkatzen dieten gaiekin. Aktualitatea atalean informazioa eskainiko da; «gazteen artean irakurtzeko ohiturarik ez dagoela begi-bistakoa da, prentsa ez da batere irakurtzen. Prentsa irakurtzeko ohitura bultzatu nahi dugu», dio Machicotek. Agendan Euskal Herriko txokoetan egingo diren kontzertuei, erakusketei, hitzaldiei... buruzko informazioa emango da. Azken atala, Ilargirantz izenekoa da. Hamaika azpiataletan (Zer Suma, Bertso Sortzaileen Ganbara, Leihatila Beltza...) aisialdia eta kulturarekin lotutako kontuak aipatuko dira.

Taldearen azken helburua Xirika.com web gunea abian jartzea da. Hala ere, bultzatzaileek beraien helburua paperezko produktua egitea zela diote: «Ez dugu sekulako apustua egin web orria egiteko».


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude