Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
osteguna 2024ko maiatzaren 02an
Ezpalak
Ikus-entzunezkoen Jaialdia
Munduko 33 herrialdetatik etorritako 130 ikus-entzunezko lan ikusi ahal izango dira aurten 17. ekitaldia duen Miarritzeko Ikus-Entzunezko Programen Nazioarteko Jaialdian (FIPAn). Hilaren 20tik 25era sei alorretan banatutako lehiaketan parte hartuko dute lan horiek. Bestalde, gero eta arrakasta gehiago du FITAPEL izeneko sailak, non kazetari eta profesionalek lehiatik kanpo geratu diren lanak eta beste urte batzuetakoak ikusi ahal izango dituzten. Horrez gain, hilaren 22an William Karel dokumental errealizatzaile eta gidoilari eta erreportari grafikoa omenduko dute. Hitzaldi, topaketa eta mahai-inguruak ere ez dira faltako.
Hamar mendetako artea
Orain arte arreta berezirik eskaini ez zaion arren, Erdi Aroko arteari buruzko lan garrantzitsua burutu dute Arte y arquitectura en el País Vasco. El patrimonio del Románico al siglo XX (Nerea argitaletxea) liburua osatu duten profesionalek. Izan ere Erdi Arotik hasi baitira Gipuzkoa, Bizkaia eta Araban dagoen artearen ondarea arakatzen. Arkitektura, eskultura eta pintura bildu dituzte argitalpen honetan eta bertan Erdi Arotik abiatuta, Arte Modernoa eta Garaikidea ere jorratu dituzte. Xesqui Castañer Artearen Historiako irakasleak gidatutako lana izan da hau, eta bertan bost lagunen talde batek parte hartu du, guztiak aditu eta irakasleak. 200 argazki inguruko liburua da eta bertan, egileek diotenez, emakume artisten lana ere kontuan izan dute. Liburua edozeinentzat ulergarri izateko moduan egin dute.
Zaharrak berri
Lehenago egiten zen moduan egin nahi dute bertsotan Fredi Paia, Jokin Uranga eta Xabier Silveirak; gai-jartzailerik gabe, aurrez prestatutako bertsorik gabe eta oholtzara igo gabe, alegia. Horretarako jarri dute martxan Zaharrak berri Tour izeneko egitasmoa. Tabernetan egingo dituzte saio gehienak, norekin eta non bertsotan egin hautatuz. Egitasmo honekin gazteak bertsozale bezala hezi nahi dituzte. Horretarako urtarrilaren 23an Bilbon ariko dira, otsailaren 6an Donibane Garazin, 13an Algortan, 20an Lesakan eta martxoaren 27an Aulestin. Eta ondoren, Bartzelonara ere joatekoak dira. Guztia bertsolaritza galtzen ari den filosofia hori berreskuratu nahian.
Museoetako hezkuntza
Gasteizko artium museoa aukeratu dute datorren udazkenean New Yorken hasiko den Open Exchange (Truke Irekia) izeneko mintegian parte hartzeko. New Yorkeko Arte Garaikideko Museoak eta Columbiako Unibertsitateak aukeratu dute Gasteizko museoa eta berarekin batera munduko beste hamaika. Hezkuntza egitarauei buruz mintzatuko dira. Izan ere, nazioarteko museo horien hezkuntza sailen artean harremana sortzea da mintegiaren xedea. Artiumek hezkuntza proiektu berezia jarri zuen abian sortu zenetik, eta ez da horrelako ekimenetan parte hartzen duen lehen aldia.
Orfeoia barrutik
Alderdi artistikotik behin baino gehiagotan aztertu izan da Donostiako Orfeoia, ez ordea giza ikuspegitik. Horixe egin du hain zuen Carmen de las Cuevasek zuzendu duen Donostiako Orfeoia; mugarik gabeko harmonia 1897-1997 liburuak. Mende batean zehar giza talde horrek izandako bilakabidea aztertu du Carmen Ruiz de Garibay eta Izaskun Medranoren laguntzaz. Argazkiak eta pasadizoak dira liburuaren oinarriak. Dokumentazio lan handi baten ondorioz eginiko liburua da. Orfeoiaren historia (hasierako zailtasunak eta izandako gailurrak), barne funtzionamendua eta egitura, izan dituen arauak, hiriarekin duen lotura, munduan zehar eginiko emanaldiak... arakatu dituzte kantari talde bat baino gehiago den elkarte hau barrutik aztertuz.
Gay, lesbiana eta transexualen inguruko filmak egon badaude
Eta erakutsi egingo dituzte hilaren 22tik 25era bitartean Bilboko Bilborock aretoan, Zinegoak jaialdiaren baitan. Euskal Herriko Gay eta Lesbianen Hegoak elkarteak antolatu du. Eta bertan 25 lan ikusi ahal izango dira, horietako bat bera ere ez da oraindik Euskal Herrian estreinatu. Gehienek maitasuna dute oinarri, beti ere genero ezberdinetatik jorratua. Film luzeak, laburrak eta dokumentalak ikusi ahal izango dira, eta sail bakoitzean onena sarituko da azken egunean. Bestalde, Eloy de la Iglesiari emango diote aurten ohorezko saria. Baina batez ere, nazioarteko jaialdi honek zinemagintzan alor honetan dagoen hutsunea bete nahiko luke.
Interneten irakurtzeko
Horretarako jotzen du jendeak Borraska Interneteko literatura aldizkarira. Izan ere, 25.000 pertsona baino gehiagoren bisita izan baitute web gunean. Ale berria prestatu dute eta bertan 35 autore inguruk hartu du parte. Ipuinak, poemak edota erreportajeak aurki daitezke mundu guztiko idazleek idatziak. Patxi Irurzunen La vida privada de Adolf Hitler, Paddy Rekalde eta Diego Martiarturen euskarazko poemak eta Rubén Plaren katalanezkoak, José Ovejero idazle eta biadaiariaren ipuin berri bat... guztiak borraska.gueb.net helbidean irakur daitezke.
Irakurrienak
Matomo erabiliz
#1
Xabier Letona Biteri
#2
Aimar Gutierrez Bidarte
|
Aiaraldea
#3
Mikel Garcia Idiakez
#4
Gorka Bereziartua
#5
Azkenak
2024-05-05
Ainize Madariaga
Maskaraden hegaletan
Lehentze franko ditu Pagolako maskaradak: lehentze da Pagola herriak maskaradak ematen dituela; lehentze ere da Kabana pertsonaia neska batek jokatzen duela; lehentze ere da maskaradako txirulariak oro neskak izan direla, Urdiñarbeko barrikaden denboran; lehentze da... [+]
2024-05-05
Nerea Menor
Ghayath Almadhoun
"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"
Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]
2024-05-05
Zigor Olabarria Oleaga
Pertson(alismo)en politika
Sánchez Sánchez Sánchez Sánchez Sánchez. Bost egun errepikaren errepikaz. Enpatxura arte eztabaidatu da “hausnarketa” egun batzuk hartzeak zenbat duen zintzotik eta zenbat jokaldi politikotik. Baina deus ez bere egiteko... [+]
2024-05-05
Maria Ortega Zubiate
Alejandra Burgos eta Karla Guevara, El Salvadorko trans aktibistak:
"LGTBI komunitatea eta emakumeak beti egon gara salbuespen egoeran"
Pasa den otsailaren 24an Egia, Justizia eta Erreparaziorako ekitaldi bat antolatu zuten Bilbon, Mugarik Gabe erakundeak, Bizitu Elkarteak, Feministaldek, Mujeres del Mundok, Zehar Errefuxiatuekin elkarteak eta Colectiva Feminista Para el Desarrollok. Hiru indarkeriak ardaztu... [+]
2024-05-05
Olaia L. Garaialde
Euskara okupatu, marisolasteko
Urtez urte eta belaunaldiz belaunaldi hitzak aldatzen doaz, eta horiekin batera hitzen esanahia. Modu asko daude norbere burua izendatzeko: soropil, biziosa, marioker, ez-binario, maritxu, eta beste. Pertsona sexu-genero disidenteen beharrak asetzeko euskara zikintzeaz eta... [+]
Eguneraketa berriak daude