Itziar Lazkanok jokatu du Paquitaren papera Txalo S.L konpainiak joan den asteburuan Getxon estreinatu zuen «Paquita» monologoan. Ernesto Caballerok idatzi eta zuzendutako lanak ezkongabe baten bizi grisa du ardatz. Hilabete batzuen buruan ikusi ahal izango da euskaraz.

Juan Jose Akerretak jasoko du Vianako Printzea saria. Nafarroako Kultura Kontseiluak bere obraren kalitatea eta ibilbide emankorra azpimarratu du. Saria ekainean jasoko du.

Jexux Artze txalapartaria omendu zuten lehengo asteburuan Hernanin egin zen 17. Txalaparta Festan.

Joseba Sarrionandiaren «Narrazioak» ipuin liburua eta Edorta Jimenezen «Baleen berbaroa» plazaratu ditu Milango Tranchida argitaletxeak italieraz.

Unax Ugaldek «The rulse luper suitcase» ingelesezko filmaren errodajean parte hartuko du laster. Aktoreak aurten jasoko du Aisge saria.