ANDER ITURRIOTZ: "HOMEROREN ALDE POLITIKOA AZTERTU DUT"


2003ko apirilaren 13an
Laburbilduko al zeniguke zure lan honen mamia?
Boterearen azterketa bat da. Eta boterea aztertzeko, asko maite dudan testuinguru bat erabili dut, hain zuzen ere gizarte homerikoa.

Eta zer ikertu duzu?
Homerok badu alde literario bat, baina baita alde politiko bat ere, eta Homeroren alde politiko hori aztertzen saiatu naiz lan honetan. Homero unibertsala baino gehiago delakoan nago. «Guztion irakasle» deitu zion Platonek, eta halaxe dela uste dut, ez bakarrik greziar klasikoentzat, Mendebalde guztiarentzat ere bai. Pentsa "Iliada" eta "Odisea" zer diren! Eta horietan aztertu dut gizarte aristokratikoa nolakoa zen, nolatan ziren gerrariak aristokrata homeriko haiek, nolako eredu hezitzaileak zeuzkaten, nolako nortasuna eta klase barruko elkartasun sareak zeuzkaten... Eta hori guztia aztertu eta gero, irakurketa politiko bat egiten dut, adieraziz Homerok Tucididesek edota Maquiavelok bezain argi erakusten digula boterea zer den eta nola funtzionatzen duen.

Horretan ahalegindu zara batik bat?
Bai. Baina ez bakarrik gizarte klasiko hura aztertu nahi izan dudalako, edo irakurlea helendar zibilizazioarekin harremanetan jartzeko asmo hutsean. Beste bat izan da nire arrazoi nagusia. Izan ere, nire ustez gizarte klasiko hura argazki edo erradiografia ezinhobea da gaur eguneko boterea, botere jolasak eta erakunde politikoen azterketarako. «Odisea»n ere bai, baina batik bat «Iliada»n erregeek hartzen dituzten erabaki guztiak biltzarrean hartzen dira, herriaren aurrean. Hor dago herri nortasuna!



Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude