URDIN, MUSKER, HEZE...


2021eko uztailaren 28an
Belardi urdin eta baso hezeen zaleok ezin kexatuko gara aurtengo udaren koloreekin. Udaberria harro etorri zen, epel eta tamainan bustia, eta fruituen urte oparoa dantzatu du atzetik. Intxaurrondoaren gisan eguzkizale amorratuak diren arbolak hezur hezearen kezko lainopean larri dabiltza, ito beharrean. Besteek, ordea, nik ezagutu dudan uzta katerik emankorrena osatzen ari dira. Hau dugu hau pagotxa!

Eguzkipean erre ezinik espaloietan gori dabiltzan kaletarren suak ketzen ditu lainoak. Kazetariak ere, zeregin handirik gabe, hor ari dira, egiten duen eguraldia egiten duela urtero lez, garra bizitzeko haizeak harrotzen. Hondartza minbizi sortzailearentzako soilik eskasa den eguraldiari txarra deitzen zaion bitartean paisaia sekula baino… modernoon berdea nola esanda asmatuko dudan ez dakidanez hemen datozkidanak: gordinago, urdinago, muskerrago, hezeago, finean biziago.
Lurralde atlantiarretako eguraldiaren ederraren zenbaterainokoaren adierazle onena den sagarrondoari begiratu: indarrez lepo eta fruituz mukuru abailduta. Eta perretxikoetan aurten gibelurdin berdea nagusi…


Azkenak
2024-05-24 | Antxeta Irratia
"Gure herrikide Jesus Carreraren figura ahanzturatik berreskuratu eta orain arte zergatik inork ez zekien ezer argitu nahi genuen"

Orreaga Filmak ekoitzitako Hondarribiko Gorria: Jesus Carrera dokumentala maiatzaren 31n estreinatuko dute alderdi komunistako Idazkari Nagusi izatera iritsi zenaren jaioterrian. Hondarribiko Itsas Etxea auditoriumean egingo dute lehen proiekzioa arratsaldeko 19:00etan, eta... [+]


“Ez ezazu indarkeria obstetrikoa salatu, ez baduzu argi galduko duzula: denbora, dirua eta osasun mentala”

Nazio Batuen Erakundeak Espainiako Estatua zigortu du Nahia Alkortak bere lehen erditzean jaso zuen biolentziagatik, baina gobernuek ez dute ebazpena onartu. 'Mi parto robado' liburua idatzi du bizitakoa gizarteratzeko, eta arazo sistemikoa dela azaltzeko.


2024-05-24 | Euskal Irratiak
Peio Etxeleku, Elkargoko bere kargugabetzeaz: "Ez didate ene burua defendatzeko aukerarik eman"

Jean René Etxegaraik Peio Etxeleku baztertu du Errobi lurraldeko arduretatik. Etxeleku Kanboko hautetsia eta EAJren Ipar Buru Batzarreko lehendakaria da. Joan den astean Hirigune Elkargoko buruak jakinarazi zuen poloko hamaika auzapezetatik seik galdegin ziotela... [+]


2024-05-24 | Gedar
2.000 sinadura bildu dituzte Pasaian Escalerillaseko bizilagunentzat bizitoki-alternatiba baten alde

Pasaiako Portuak eta Euskal Trenbide Sareak etxetik bota nahi dituzte hamabi familia. Ekainaren 1ean Trintxerpen mobilizatzera deitu du Oarsoaldeko Etxebizitza Sindikatu Sozialistak.


Mañeruibarko haur euskaldunak sarituko dituzte Iruñeko Komunikabideak Fundazioak eta Euskaltzindiak

Euskara galdua zen eremu mistoko eta ez-euskalduneko herrietako familien ahaleginak aitortuko dituzte ekitaldian. Oskar Alegria zinemagilearen bideoak emango dio hasiera ekitaldiari 11:30ean udaletxean.


Eguneraketa berriak daude