Lapurdiko Kostaldea. Glamourraren hondarrak
- Miarritze jainkoek «ukitutako» herrietako bat dela esan al daiteke? Hego Euskal Herrian Donostiarekin gertatzen den bezala, itsas ertzeko naturaren usaina alde guztietatik somatzen da Miarritzen. Hondartza luzea itsas haitzek alaitzen dute. Bertako biztanleek eta bisitari ospetsuek itsas ondoan etxeak eta jauregitxoak eraikiarazi dituzte. Jainkoak ez dakit, baina naturak eta gizakiek «ukitu» dute Miarritze.
MIARRITZE
Turismoaren hasiera XVIII. mendean izan zen, bainuetxea zabaldu zenean eta urrezko garaia Napoleon III.ak udako gortea bertaraino aldatu zuenean. Lehen pauso hauei Europako gorte askok eta pertsonaia garrantzitsu ugarik jarraitu zioten eta gero, Belle Époque garai zoroan, bestelako turismo diruduna iritsi zen kostako herri honetara. Bi garai hauen artean Miarritzeko eraikin dotore gehienak altxatu ziren.
Gaur egun, bertaratzen den turismoa masiboagoa da, batez ere udaran, baina hiriak ez du horregatik bere glamourra galdu.
Itsasorantz joan beharrean Verdun etorbidea hartu eta ezkerrerantz, lorategi batzuetan dagoen turismo bulego handitik hurbil Txokolatearen museo bitxia bisita dezakegu. Plazara Edouard VII etorbidetik itzul gaitezke, Herriko Etxe eta komisaldegi ondotik pasatuz.
Plaza ezkerrerantz zeharkatuz, Broquedis karrika dugu, eta bertan Miarritzeko Museo Historikoa, turismoa etorri aurreko hiriaren bizimodua erakusten duena. Zabalik dago egunero (astelehen eta igandetan ezik) 10:00etatik 12:00etara eta 14:30etatik 18:00etara.
Kale honek zuzenean eraikin interesgarriak dituen (Grand Hôtel esaterako) Gambetta karrikara eramango gaitu. Honek zuzenean hiri honetako bitxikerietako bateraino zuzenduko gaitu: errotonda baten atzean ikusiko duzuen horma-irudi erraldoi bezain harrigarrira. Harrigarria da zeren gerturatzen ez bazarete benetako paisajea dela pentsatuko duzue, erreala baitirudi.
Hemendik jada, surflarien gustukoa den Euskaldunen Kostaldea hondartza (Plage Côte des Basques) eta itsasoko lehen bista ederra duzue.
Antzina, baleak portu zahar txiki honetaraino ekarri ohi ziren, bertan zatitu asmoz. Gaur egun batik bat hondartza txiki eta lasaia da. Bertatik hiriko erdigunerantz jatetxe eta hotelez beteriko izen bereko kalea ateratzen da.
Itsasoaren gaineko pasealekuari jarraikiz, bi Mundu Gerretan hildakoei eskainitako monumentuaren aurrean Itsasoaren museoa dago, hiriko interesgarriena. Museo moderno honek era atseginean itsasoaren mundura hurbilduko gaitu, euskaldun eta itsasoaren gaineko harremana jorratuz, hainbat animalia eta tresna erakutsiz, itsasoaren gaineko geologia, meteorologia eta etnografiari buruzko gelak bisitarien argigarri izanik.
Baina bisitariek batik bat (bereziki haurrek) arrantzontzi handietaz gozatuko dute, zetazeoak, marrazoak eta batez ere fokak ikusteko aukera baitago. Egunero zabalik dago 9:30etatik 12:30etara eta 14:00etatik 18:00etara. Jai eta asteburuetan ere zabalik dago eta udan 24:00ak arte. Helduen sarrera 6,86 euro da.
Aurrean dugun Ama Birjinaren haitzak (Rocher de la Vierge), lurmutur honen punta zoragarria osatzen du. Lurrera 1881eko burdinazko zubitxo batek lotzen du (aurrekoa egurrezkoa zen). Haitz luzean Ama Birjin zuria nabarmentzen da, kondairaren arabera, bizitza salbatu zien bertako itsasgizon batzuek jarria. Azken muturrean itsasoaren indarra zuen oinpean sentituko duzue.
Honen inguruan lorategiz inguratutako bidezidorretan zehar ibil gaitezke. Bidezidor horietako batetik arrantzaleen portura (port de pêcheurs) jaitsiko gara. Kai txiki honek xarma berezia du, bere etxe zuri eta txikiek ez dutelako zerikusirik hirian zehar ikusgai ditugun jauregi handiosoekin. Dena den, gaur egun gehienak turistentzako jatetxe edo dendak dira.
Pixka bat harantzago, Sainte-Eugénie eliza neogotiko eta ikusgarriaren azpitik igaroz Basta haitzera iritsiko gara. Hau ere, Ama Birjinarena bezala, lurrera zubi batez lotua dago, baina oraingo honetan zubi hori higatutako itsas harrizkoa da, itxura polita hartuz. Barnealdera goazela, edozein lekutara begiratuz bistak zoragarriak dira: Hondartza Handia, itsas haitzak, Ama Birjinaren haitza, ozeano zabala, hiriko eraikinak, iparraldeko itsasargia...
Betidanik hondartza nahiko aristokratikoa eta lasaia izan bada ere, azken urteetan surflari asko ere ikus daiteke bertako uretan. Bestalde, Du Palais hoteletik aurrera Miramar hondartza izena hartzen du.
Segituan gure eskuinera, hondartzaren gainean, Bellevue kasinoa ikusiko dugu, jokoaren aspaldiko urrezko garaiak noiz itzuliko zain. Kasinoaren ondoan eta hirian pixka bat barneratuz oinezkoentzako Mazagran merkatal kale animatua dugu, zerbait erosteko leku egokia.
Hondartzaren pasealekua segituz, aurrerago eta bata bestearen alboan Udal kasinoa eta igerilekuak ditugu (bien artean ekipaien gordelekua). Azkenik, Hondartza Handiaren amaierara helduz, Hôtel du Palaisen eraikina bisitatuko dugu eta baita berau inguratzen duten lorategiak ere.
Berriz ere hirian barneratuz, hotelaren ondoko Victoria Erreginaren etorbidean laster 1864ko Guadalupeko kapera inperial neobizantiarrarekin egingo dugu topo. Ezkerrerantz eginez, oso hurbil sinagoga geratzen zaigu eta berriz ere Palais hotelerantz itzuliz, kupula urdin ikusgarria duen errusiar eliza ortodoxoa.
Hotel Palais igarota, hondartzaren alboko lorategietan Eugenia enperatrizaren beraren estatua dugu ikusgai, beste batzuen artean. Toki honetan egonda, Enperatrizaren etorbidea hartzea gomendatzen dizuegu, kalearen bi alboetan sekulako etxe eta jauregiak ikusiko baitituzue. Horietako bat aipatzearren, arreta jar ezazue Disneylandiakoen itxurako gaztelu bat irudikatzen duen eraikin horixka ikusgarrian.
Azkenik, kale osoa igo ostean San Martin muturreko itsasargira iritsiko zarete, ibilera honen azken geldiuneraino (segitzen baduzue Angelun sartuko zarete). Bertatik, zer esanik ez, ikuspegia oso ederra da, baina gainera 1834. urteko faroaren 44 metrotan 248 eskailerak igotzeko aukera baduzue. Zabalik dago maiatzaren 1etik irailaren 30era arte 10:00etatik 12:00etara eta 14:00etatik 19:00etara. Eskolako oporretan 14:00etatik 17:30ak arte dago zabalik. Sarreraren zenbatekoa borondatezkoa da.
Bere azpian, lurrean, eguzkiko erloju bitxi bat aurkituko dugu (ordua gure gorputzaren itzalak seinalatuko du), eta nahi badugu bidezidor eta eskailera batzuetatik itsasoaren gaineko haitzulo bateraino ere jaitsi gaitezke (itsaso zakarra denean kontuz ibili behar da). Itsasargiaren beste aldean, dagoeneko Angelun, Chambre d´Amour hondartza ikus dezakegu.
Biarritz Tourisme: Ixelles Plaza.
(0)5 59 22 37 10.
Herriko Etxea: Edouard VII Etorb.
(0)5 59 41 59 41.
Jendarmeria: Darritchon 4. (0)5 59 23 10 45.
Polizia: Joseph Petit Etorb.. (0)5 59 01 22 22.
Anbulantzia:
Pays Basque- (0)5 59 63 66 00.
Postetxea: Rue de la Poste 17.
Bankuak:
BNP- Edouard VII Etorbidea 2.
BBVA- Pl. Bellevue 2.
Crédit Lyonnais- Pl. Clemenceau 10.
Banque Inchauspe- Pl. Clemenceau 1.
Kotxeak alokatzeko:
Avis- Aireportua. (0)5 59 23 67 92.
Europcar- Aireportua. (0)5 59 43 80 20
Hertz- Aireportua. (0)5 59 43 92 92.
Kotxe tailerrak:
Garage Biarritz- Av. de la Marne 85.
(0)5 59 34 16 88.
Citroen- Av. de la Marne 88.
(0)5 59 41 01 30.
Peugeot- R. Loëb 4. (0)5 59 41 00 63
Arropa garbitzeko:
Laverie du Port Vieux- Perspective Côte Basques 7.
Saint Charles- Rue Bergerie 1.
Les Lavandières- Mouettes 4.
Jatorduan:
L'Operne Jatetxea- Av. Edouard VII, 17.
La Belle Époque Jatetxea- Victor Hugo 10.
Bistrot des Halles Jatetxea- Rue du Centre 1.
Croque en Bouche Jatetxea- Rue du Centre 5.
Chez Albert Jatetxea- Portu Zaharra.
Le Corsaire Jatetxea- Portu Zaharra.
Hernani Sagardotegia- Av. Maréchal Joffre 27.
Cantina Tex-Mex Zapata Grill- Guy Petit karrika 1.
Le Majestic Jatetxe-Pizzeria- Victoria Erregina Etorb. 5.
Jan eta lo egiteko:
****Hôtel du Palais- Av. Enperatriz 1. (0)5 59 41 64 00. Logela bikoitza 228,67-434,48 euro.
***Hôtel du Cafe de Paris- Pl. Bellevue 5. (0)5 59 24 19 53. Logela bikoitza 106,71-175,32 euro.
***Hôtel Florida- Pl. St. Eugénie 3. (0)5 59 24 01 76. Logela bikoitza 57,93-106,71 euro.
***Hôtel Windsor- Grand Plage. (0)5 59 24 08 52. Logela bikoitza 45,73-121,96 euro.
***Hôtel Marbella- Port Vieux 11. (0)5 59 24 04 06. Logela bikoitza 45,73-64,03 euro.
**Hôtel Val Flores- Av. de la Marne 48. (0)5 59 24 07 94. Logela bikoitza 37,35-57,17 euro.
**Hôtel Atlantic- Rue Port Vieux 10. (0)5 59 24 34 08. Logela bikoitza 34,30-46,50 euro.
**Auberge du Relais- Av. de la Marne 44. (0)5 59 24 85 90. Logela bikoitza 32-54,88 euro.
Lo egiteko:
***Hôtel Le President- Pl. Clemenceau. (0)5 59 24 66 40. Logela bikoitza 59,46-105,19 euro
***Hostellerie Victoria- Av. reina Victoria 12. (0)5 59 24 08 21.
Logela bikoitza 36,59-76,22 euro.
**Hôtel d'Anjou- Gambetta 18. (0)5 59 24 00 93. Log. bikoitza 42,69-48,78 euro.
**Hôtel Beaulieu- Espl. du Port Vieux 3. (0)5 59 24 23 59. Logela bikoitza 41,92-57,93 euro.
**Hôtel Palacito- Gambetta 1. (0)5 59 24 04 89. Logela bikoitza 33,54-56,41 euro.
**Hôtel Christina- Av. Verdun 38. (0)5 59 24 26 17. Logela bikoitza 42,69-64,03 euro.
**Hôtel Etche Gorria- Av. Foch 19-21. (0)5 59 24 00 74. Logela bikoitza 22,87-60,98 euro.
**Hôtel du Rocher de la Vierge- Rue Port Vieux 13. (0)5 59 24 11 74.
Logela bikoitza 25,92-44,97 euro.
*Hôtel Palym- Rue Port Vieux 7. (0)5 59 24 16 56. Logela bikoitza 33,54-48,78 euro.
TSEHôtel La Marine- Rue des Goëlands 1. (0)5 59 24 34 09. Logela bikoitza 30,49-33,54 euro.
***Camping Biarritz- Rue Harcet 28.
(0)5 59 23 50 12.
Bideokonferentzia bidez deklaratu dute Euskal Iheslari Politikoen Kolektibo sei kideak, astelehen goizean. Zitazioetan adierazten zenez, 2013ko gertakarietan oinarrituta ireki dira eginbideak. Sumarioa sekretupean dago.
"Erantzukizun publikoa hartzeko ordua" dela esan du Euskal Herriko Torturatuen Sareak, Auzitegi Nazionalak Iratxe Sorzabal Guardia Zibilak torturatu zuela onartu eta horregatik errugabetu ostean. Eusko Jaurlaritzari eskatu dio EAEko aitortza eta erreparaziorako... [+]
Aste osoan ARGIAko kazetari bat dedikazio osoz izango da auzitegi barruan gertatzen denaren berri ematen, baita kanpoan Aroztegiko Elkartasun Komiteak auzipetuen absoluzioa eskatzeko antolatutako egitarau zabala jarraitzen ere. Argia.eus-en aurkituko duzue informazio guztia... [+]
Iruñean eginen da lehen saioa, maiatzaren 23an, eta Jauntsaratsen bigarrena, maiatzaren 30ean. 12 bertsolarik hartuko dute parte, aurreko txapelketan aritu ez zirenak. Horietatik, sei sailkatuko dira urrian hasiko den txapelketara.
Bukaresteko alkate Nicusor Dan-ek eskuin muturraren hautagai George Simion garaitu du bigarren itzulian. Danek bozen %55 eskuratu du, Simionek %45. Hala ere, eskuin muturra hazi egin da lehen itzuliarekin alderatuta. Errusiaren "esku hartze" polemikan... [+]
Maiatzaren hasieran iragarri ostean, Gaza erabat okupatzeko eta hango palestinarrak kanporatzeko plana martxan jarri du Israelgo armadak. Zerrendan jada hasiak dira ofentsibaren ondorioak pairatzen: azken 24 orduetan eginiko erasoetan, Israelek gutxienez 150 palestinar hil ditu... [+]
Bridgestone Japoniako pneumatikoen multinazionalak Basauriko eta Puente San Migueleko (Kantabria) fabriketan dituen 420 langileri eragingo die CCOO, UGT eta BuB sindikatuek astelehenean sinatuko duten erregulazio espedienteak. Ostiralean egindako bozketan, Basauriko plantan... [+]
Larunbat gauean gizon batek Bilboko Zorrotzaurreko pabiloi bat erre zuen, bertan bizi diren etxegabetutako pertsona batzuen kontra egiteko. Lekukoen arabera, 33 urteko gizonak errezelei su eman zien bertan zeuden batzuekin eztabaidatu ondoren. Bestetik, pasa den astean... [+]
Lehiaketan parte hartu izan duten 72 artistak iazko edizioa "historiko politizatuena eta desatseginena" izan zela salatu dute, eta aurtengoa ere ez da salbuespena izan. Online botoari esker gertu izan du garaipena Yuval Raphael Israelgo ordezkariak. Polemikaz beteriko... [+]
Sentimenduak izan da gaia Galdera Basatiak podcastaren seigarren atalean, eta horren bueltan zeharkatu dituzte Iñigo Martinezek eta Gari Moyak maitasuna, gorrotoa, tristura, haserrea... Hitz egin dezagun sentimenduen eta emozioen inguruan, baina gogoetatu ere, gogoetatu... [+]
Lehen ministro Luis Montenegro buru duen AD koalizio kontserbadorea gailendu da Portugalgo Legebiltzarrerako hauteskundeetan, bozen %61 lortuta –iaz %51 eskuratu zituen–. Irabazleen artean Chega eskuin muturreko alderdiko hautagai André Ventura ere badago,... [+]
Gasteizko Alde Zaharreko Pintore kalean, atari bateko lau etxebizitzen jabe da Luxury Rental Apartments enpresa. Horietako bi etxebizitza turistiko gisa alokatzeko Jaurlaritzaren beharrezko baimena eskuratu du enpresak, eskuratu aurretik ere alokatu baditu ere, baina Turismo... [+]
Hirigintza Sailak Luxury Rental Apartments SL enpresa zigortu du 2025eko urtarrilean, Pintore kaleko etxebizitza batean obra “klandestinoak” egitea egotzita. Enpresako partaidetzen %50 Gustavo Antépararena da, eta administratzailea bere bikotekidea... [+]
Galdera horri erantzun dio hainbat irakasle ez-heterok, eta gogoetarako gako ugari utzi dituzte. Mundua deskubritzen eta identitate(sexual)a eraikitzen ari diren haur eta gazteek erreferente anitzak izatea eta eskolan denok espazio seguru eta erosoa aurkitzea ederra baita.