"NORBERAK BILATU BEHARKO, JOLASERAKO DUEN ZENTZUA"


2007ko otsailaren 21an
Nola sortu zen liburu hau egiteko ideia?
Badira urte batzuk, ahozko literaturari leiho bat irekitzeko asmoz, Arrasateko liburutegiko arduradunak zenbait irakasle, ipuin kontalari, guraso eta abar gonbidatu zituen, geroz eta gehiago galtzen ari den tradizioaren altxorra nola zaindu aztertzeko edo. Eta niri egokitu zitzaidan han zegoen gogo hura bidera zezakeen hitzaldia ematea. Liburuaren eskakizuna gero etorri zen.

Oso zaila suertatu al zaizu berau egituratzea?
Beno, materiala baneukan, azkenengo hogei urtetan beti ibili naiz gauzak jasotzen-eta. Hura guztia nola aurkeztu izan zen arazoa. Badago liburuxka oso berezi bat, italiar batek eta libiar batek egina: italieraz hasten da, baina beste aldean arabieraz dago, liburu simetrikoa dela esango genuke. Nire asmoa, hasieran, horrelako zerbait egitea zen. Julio Cortazar-en "Rayuela"z oroitu nintzen gero, hura ere oso interaktiboa delako: hemendik hara joan, han zerbait bururatu, handik itzuli... Horrelako egitura bat eman nahi nion nik "Axa mixa zilarra"ri. Baina zailtasun handiak neuzkan, gai ezberdinak nituelako esku artean... Orduan, Elenarekin hitz egin nuen, ea berak hor zegoen Babel horretan liburua ikusten zuen, liburu batek bere balioa erabilgarritasunean bermatu behar baitu. Eta Elenak oso ondo hartu zuen nik neukan espiritua.

Zein izan beharko luke liburu honen zeregina?
Jolasa. Deskubritzen edo bilatzen joateko liburu bat da, eta norberak bilatu beharko dio jolaserako duen zentzua.

Zer esan nahi du "Axa mixa zilarra" horrek?
Berez formula ezagun bat da, haurren artean zenbatzeko edo. Baina horren esanahia ere bilatu egin behar da, ezkutuan baitago.


Azkenak
Aske geratu da Julian Assange, AEBekin akordiora iritsita

Erruduntzat joko du bere burua Euskal Herrian gauerdia denean egingo den epaiketan. Erresuma Batuan espetxean egon den denborako –bost urte eta bi hilabete– espetxe zigorra ezarriko diote. Horrela, aske geratuko da.


2024-06-25 | Gedar
Desokupazio-enpresa batek su eman dio Tenerifeko Maizterren Sindikatuaren lokalari

Besteak beste biltegi modura erabiltzen dute lokala, oinarrizko hainbat material jasotzeko eta beharra duten pertsonei emateko. Aurretik ere izan dira desokupen mehatxuak.


Turista taldeak 25 pertsonara mugatu nahi dituzte Hondarribian ere

"Kaleetatik ezin pasa", hondarribiarrak "masa turistiko honen guztiaren ondorioak pairatzen" ari direla-eta, turista taldeak 25 pertsonara mugatzeko mozioa aurkeztuko du udaleko alkatetza duen Abotsanitz alderdiak: "Azken urteetan agintariek bilatutako... [+]


EuskarAbentura hasteko astebete

Uztaila hasteko astebete falta da, astebete falta da Euskarabentura abiatzeko. Asier Guantes izan dugu telefonoaren beste aldean, espedizioko xerpa, begiralea.


Eguneraketa berriak daude