Fikzioaren aldeko apustu sendoa egin nahi du ETBk. Jakin badaki, albistegiekin batera, dramatikoak direla telebista baten ikur bereizgarriak. Halaxe, udazkeneko parrilari begira, litekeena da Goenkalez gain, astero «sitcom» berri bat euskaraz egitea. Antza, egitasmo interesgarriak jaso dituzte, eta orain bideragarriak ote diren ikusi behar

Horren kontura, esan dezagun iritzi kontrajarriak sortzen dituela «El Señorio de Larrea» telesailak. Alde batetik, gidoia bera, tiradizoko planteamendua duen arren, zeharo mengela iruditzen zaigu. Aktoreak ere zurrun daude. Baina bestetik, laudatzekoa da erabili duten produkzio sistema, kanpoaldeak taxuz erabiliz

Errege Kopako futbol partiduak gazteleraz ematen hasia da ETB, etekin ekonomikoa handiagoa izango baita, bidenabar ETB-1eko parrilari finkatzeko aukera emanez. Oso litekeena da halaber, saskibaloia ere gazteleraz eskaintzea. Futbolik onena baina, ETB-1erako gorde nahi da, baita pilota eta txirrindularitza ere