DISKO ETA DISKETXEETATIK OSTERA BAT EGINEZ

  • Skalariak, Koma, Suan Blai, Fermin Muguruza, Etsaiak, EH Sukarra, Garage H, Kukumiku,Txo, Alaitz eta Maider, Etzakit eta beste hainbat talde disko berriarekin dator. Sei disketxehautatu ditugu eta, lan berriez gain, euren lan egiteko moduaz galdetu diegu.

2021eko uztailaren 21an
Urteak igaro ahala, talde edota bakarlari berriak sortzen ari dira Euskal Herrian. Doinu batzuk zaharkiturik gelditu diren heinean, musika estiloak eraberrituz joan dira, eta azken puntako doinuak entzun ditzakegu nonahi. Hori bai, betiko euskal altxorrak atzean utzi gabe. Honen guztiaren lekuko, entzuleez gain, disketxe eta grabazio etxeak dira. Batzuk besteak baino ezagunagoak, Euskal Herrian 35 inguru daude. Zerrenda luze honetatik aukeraketa bat egin eta sei hautatu ditugu, esku artean dituzten lanekin batera, bakoitzak duen funtzionatzeko era azalduz.

AZTARNA
Gainontzeko disketxeekin alderatuz gero, lan egiteko darabilen filosofia eta formatoagatik bereizten den disketxea da Aztarna. Ez du musika komertzial bezala ezagutzen dugunarekin lan egiten, bere lan ildoa bestelakoa da. «

Aztarnan lanean gabiltzanak musikariak gara eta ondorioz musikarien aldeko ikuspegiaz aritzen gara
», azaltzen du Joxean Goikoetxea bertako arduradunak. Halaber, musikari bat aukeratzerakoan ez dute irizpide ekonomikorik jarraitzen, lanak izan dezakeen interes artistikoa baizik.
Hernaniko disketxe hau «Aurten bai» kultur fundazioaren barruan dago eta euskal musikarekin soilik egiten du lan. Bertako arduradunen arabera, disketxearen xedea «

Euskal Herriko taldeekin lanean jardun eta egitasmo bereziak aurrera eramatea
» da batik bat.
Disketxe txikia da, ez du estudio finkorik, ezta aurrekontu handirik ere. Bestalde, produkzioa martxan jartzeaz eta promozioaz beraiek arduratzen dira. Aztarnak formato berezia erabiltzen du: CDa eta CD-ROMa disko berean biltzen dituen «CD extra» deritzona. Tankera honetako CDak lau hizkuntza ezberdinetan –euskaraz, gazteleraz, ingelesez eta frantsesez– taldearen berri ematen dio erabiltzaileari. «

Formato hau erabiltzeak izugarrizko aurrerapausua suposatu du, honi esker Alboka bezalako euskal taldeak kanpoan ezagutarazi baitira
», adierazten du Joxean Goikoetxeak.
CD extra formatoan aurki ditzakegu Aztarnak orain arte kaleratutako 5 lanak. Aurrera begira, bi egitasmo dituzte eskuartean: Iñaki Salvadorrekin bata eta Bingen Mendizabalekin bestea.

GOR
Nafarroako disketxe honek batez ere Euskal Herriko rockarekin egiten du lan eta noizbehinka kanpoko taldeekin. «

Ez gaude itxita, baina hemengo harrobiarekin aski dugu bertakoei aurrera irteten laguntzeko
» azaltzen du Blanca Izkue GOReko arduradunak.
Iruñeko disketxe honek ez dauka estudiorik, baina beraiengana jotzen duten musikarien % 90ari beraiek bilatzen diote grabatzeko tokia. Honela, gutxi batzuk dira beraien kabuz grabatu eta soilik promozio lanak egiteko hurbiltzen zaizkien taldeak.
Salmentei dagokienez, GOR disketxean La Polla eta Koma bezalako heavy-metal taldeak izan dira indar gehien izan dutenak azkenaldi honetan. Izkueren esanetan, «

hizkuntzak zoritxarrez asko mugatzen du talde batek izan dezakeen indarra, eta euskaraz abesten duten taldeek oraindik kanpora irteteko orduan oztopoak dituzte
». GOReko arduradunak azaldutakoaren arabera, horren froga litzateke, kasurako, Koma taldeak kanpoan jotzeko erraztasun gehiago izatea, OST bezalako talde euskaldun batek baino, nahiz eta biek antzerako musika jo.
GOR disketxeak, berrikuntzen artean, lan hauek aurkeztu ditu: hasteko, El Drogas datorkigu Barricada mitikoarekin zerikusirik ez daukan «La venganza de la abuela»rekin. Bestalde, Skalariaken bigarren lana dugu, «Klub Ska» deritzona. Disketxekoen arabera, bigarren lan honetan indartsu datoz eta zuzenean ikusteko oso dibertigarriak dira. Ondoren, Komaren «El catador de vinagre», betiko estilo ironikoarekin jarraituz eta aurreko diskoan baino soinu kalitate hobeaz. Bukatzeko, orain grabatzen ari diren bi talde: ekainerako Hemendik Aten bigarren lana izango da kalean, eta udazkenerako Berri Txarrakena.

IZ
Sortu zenetik (duela 25 bat urte) 420 talde inguru pasatu dira Donostiako disketxe honetatik. Euskal Herriko taldeekin aritzen da gehien bat eta kanpoan ezagutarazten ditu. IZ disketxekoek diote euskaraz abestutako rockak indarra galdu duela. «

Kanpotik batez ere euskal instrumentuak jotzen dituzten taldeak eskatzen dizkigute
», azaltzen du Jama Larreburu disketxeko arduradunak. Hau dela eta, honen irtenbidea ez dago hizkuntza aldaketa baten, baizik eta estiloa berritzean. «

Berdin gertatzen da pasa den urtean hainbeste arrakasta izan zuen triki-pop estiloarekin edota berbena taldeekin
» dio Larreburuk. Hasiera baten arrakasta izan duen estiloarekin luzaro jarraitzea «

oso arriskutsua da taldearentzat, erre egiten baita
».
IZak produkzio fase guztiak betetzen ditu eta estudio bat dauka. Salmenta orokorrean azken 6 urtetan behera egin du. Talde anitz irteten ari da eta bestalde diskoen pirateria edo kopiaketa kontrolaezina da. IZtik egoera hau salatzen dute «

honek kalte egiten baitie bai disketxe eta baita musikariei ere
».
Azken lanei dagokienez, honakoak daude jadanik kalean: Suan Blai talde berriaren maxi-singlea, pop, reggae eta rock estiloko 4 abestirekin; «Lau teilatu» kantuaren bertsio bat, Afrika eta Amerikako doinuak bildu dituen Billabona Eresargi Txiki abesbatza; eta Gasteizko Kontrairo.

ESAN OZENKI
Iruneko disketxe honek Euskal Herriko euskal taldeekin egiten du lan eta bere baitan kanpoko taldeak argitaratu edo editatzeaz arduratzen den Gora Herriak zigilua du. Esan Ozenkikoen ustez «

hizkuntzak ez du mugarik suposatzen kanpora begira eta honen adibide argia Negun Gorriak taldea da
». Bertako arduradun den Iñigo Martinezek dio «

adierazgarria
» dela euskaraz abesten duen talde honek Euskal Herritik kanpo urtean 30.000 ale saldu izana.
Udara bitartean honako lanak irtengo dira: Etsaiaken «Askatasun taupada», betiko metal-punk estiloan jarraituz; EH Sukarraren bosgarren lana, «Sua urtzean» izena duena eta rock-ska ildotik dihoana; estilo berritzailean eta zuzeneko ikuskizunean oinarritzen den 2 Kate taldearen «Birziklatu». Fermin Muguruzaren «Brigadistak Sound System» lehen bakarkako lana ere kalean da. Talde askoren kolaborazioarekin burutu du, eta reggaetik abiatuz musika estilo ezberdinak jorratzen ditu. Euskal Herritik kanpo bi lan aipagarri ditu Esan Ozenkik: Garaje H talde kubatarraren «Al duro y sin guante», eguneroko bizitza islatzen duten letra latzekin; eta Motives frantziarrak, iraultza kantuen bertsioekin.
Esan Ozenkiren beste berezitasun bat taldeekin lan egiteko era da. Iñigo Martinezen esanetan, «

bizia izatea
» eskatzen diote taldeari. Bestalde, disko bakoitzaren salneurriaren batez besteko bat (% 10 kasurako) eman beharrean, lan bakoitzaren kontabilitatea eraman eta erdibana egiten dituzte etekinak musikariekin.

AGORILA
Baionan kokatua dagoen disketxe hau iparraldeko produkzioaz arduratzen da batik bat. Ez du estudiorik baina promozioa darama. Batez ere bertako musika tradizonala eta rocka jorratzen ditu. Dominique Lopepe bertako arduradunak azaldutakoaren arabera, «

urteak igaro ahala musika tradizionala indarra galtzen joan da
», baina estilo hori jorratzen duen jendea badago oraindik. Honen adibide da, besteak beste, Zuberoako Mixel Etxekopar, Mixel Arrotze eta Maggi Oihenart kantarien «Lurralde zilarra» azken lana. Halaber, rock taldeak ere indar handiz ari dira iparraldean: kalean daude Kukumiku, Txo, Zapo Zain taldeen azken lanak.

ELKARLANEAN
Donostiako disketxe honek talde euskaldunekin egiten du lan eta herri musikaren esparruan aritzen da, bai Euskal Herrian eta baita kanpoan ere. Elkarlaneaneko arduradunen arabera euskal musikak kanpoan ere oso harrera ona du. «

Euskarak beste hizkuntzek ez duten tinbrea du eta gure desberdintasunei kanpoan etekina atera behar diegu. Pozgarria da Alaitz eta Maider bezalako euskal talde batek non eta Japonian 1.400 disko saltzea
», adierazten du disketxeko arduradun Angel Valdesek. Aipatu bikotea «Inshala» beren azken lana ateratzekotan dira. Bestalde, Etzakit eta Gozategi buru belarri ari dira azken diskoa prestatzen. Valdesen esanetan, jende gazte honi esker trikitixaren mundua inoiz baino «

biziago
» dago. «

Urtean 80tik gora kontzertu eskaintzen dituzte eta hori zerbaitengatik da
» gaineratzen du Elkarlaneaneko arduradunak.
Iparraldetik Eneko Labegerie (Mixel Labegerieren semea) datorkigu «Nazio Berria» diskoarekin. Kalean dago jadanik Gatikako Ur Gabe taldearen lehen diskoa. Bestalde, hilaren bukaeran Epelde trikitilariak Angel Larrañagarekin batera burututako lana izango dugu, baita txalaparta ardatz izango duen Jesus Artzeren azkena ere: «Sakanatik Arbaila ttipira»


Azkenak
2024-06-25 | Gedar
Desokupazio-enpresa batek su eman dio Tenerifeko Maizterren Sindikatuaren lokalari

Besteak beste biltegi modura erabiltzen dute lokala, oinarrizko hainbat material jasotzeko eta beharra duten pertsonei emateko. Aurretik ere izan dira desokupen mehatxuak.


EuskarAbentura hasteko astebete

Uztaila hasteko astebete falta da, astebete falta da Euskarabentura abiatzeko. Asier Guantes izan dugu telefonoaren beste aldean, espedizioko xerpa, begiralea.


Igari eta Bidankoze arteko errepidea eraiki zuten frankismoaren esklaboei omenaldia egin diete

1939 eta 1941 bitartean Igari eta Bidankoze arteko errepidea eraikitzera behartu zituzten frankismoaren 2.400 esklaboak omendu zituzten larunbatean, Igariko gainean. Errepresaliatu antifaxista haien memoriak gure bidea izan behar duela aldarrikatu zuten omenaldia antolatu zuen... [+]


2024-06-25
Pantxoa Etxegoin
“Euskararen diagnostiko bateratu bat erdietsi nahi dugu Iparraldean euskara biziberritzeko”

Euskararen biziberritzea Ipar Euskal Herrian jardunaldia antolatzen du ostiral honetan Baionan Euskaltzaindiak. Euskararen alde egiten dena eta ez dena eztabaidatzeko mementoa izango da. Eragileak eta politikariak bilduko dira egun osoan.


Eguneraketa berriak daude