ALTZOTIK ALTZORAKO BIDEA


2007ko otsailaren 21an
Kalamu landare batzuen egoeraz arduratuta dei egin zidan aurreko batean lagun batek, ontzen denean ez da gogoratuko, baina tira... Arrabeteko kalamuen ondoan landare tiki arraro bat ikusi nuen, galduta bazter batean. Hurbildu, eskuan hartu eta hagintxo bat zen (

Taxus baccata
) yogur poto batean landatua. Hura poza eman zidana aurretik bi edo hiru mila urteko bizitza duen landaretxo hark. On-beharrez, kalamuen amua utzi eta nere bixta guztia haginari lotu nion. Sustraien eta hostoen arnasarentzako ontzi egokiago batean landatzeko, hemendik bi mila urteko bizitza ezagutuko duen hori indartsu eta osasuntsu haz dadin zein lur komeni zaion eta inguruko zein tokitan hartu beharko lukeen, hazten dihoan eran lagunaren eta haginaren artean zer nolako tratua jo beharko duten, aldaketa horietarako prest izateko, eta abar, amari seme-alabak ekartzeak bizitzan zer nolako aldaketak eta gorabeherak dakarzkion aritzen den eran saiatu nintzen.
Han non etortzen zaidan lagun xelebrea handik egun pare batera hagina lorontzi egoki batean landatu duela, baina... hagina lehengo aldean gaizki zegoela eta gero eta itxura pattalagoa zuela gajoak. Errezeneko hanka-sartzeren bat egingo zuelakoan bekainak altxatzeko keinua egin eta ea ontzia non zeukan galdetu nion. Kalamuen altzo gozoan, eguzki galdatan omen zuen. Hostoa galtzen ez duen hagin amaren altzoa iluna, ospela, eguzki-urruti zela esan nion eta gaztetan basoko zuhaitz gehienek bezala, itzala nahiago zuela eta ontzia kalamu hotxen ondotik mugitzeko mesedea egiteko, lehenbailehen, hotx horrek!


Azkenak
Zahartzaroak

Zahartzearekin aldaketa fisiologiko, emozional eta psikologikoak gertatzea unibertsala bada ere, horiek lurreratzeko modu materialak, sozialak eta pertsonalak ez. Maiz zahartzaroa singularrean deklinatzen da baina elikadura, energia, ura, hezkuntza edo osasun zerbitzuetara... [+]


2024-05-27 | Garazi Zabaleta
Arsue zerbitzua
Ardi suhiltzaileak Lizarran

Lehen begi kolpean, ohiko artaldea dirudi argazkikoak, ezta? Bada, ez… ardi horiek suhiltzaile ere badira eta. Nafarroako Zunbeltz Nekazaritzako Test Guneak zerbitzu berria eta berritzailea jarri du martxan Lizarraldean: Arsue, edo artalde suhiltzaile estentsiboa... [+]


Udan datorren buztingilea

Hego luze eta zorrotzak eta v formako urkila-itxuradun buztana duen hegazti hau ikustean badakigu Euskal Herrira uda heltzear dagoela. Bizkarraldea eta buztana beltzak ditu, distira urdinxkekin, papar gorria eta azpialdea, aldiz, zurixka. Euskaldunon sinesmenetan presentzia... [+]


2024-05-27 | Jakoba Errekondo
Bertan bertan... erlesemeari

Maiatzak 4 zituen, larunbatarekin. Ez zen giro bereziki beroa, baina bai, hotzik ez behintzat. Halako batean burrunda, burrunda galanta, aspaldi entzun gabekoa. Hor azaltzen da etxeko atarian erle pila, milaka erle hegan, hegada sinkronizatu dotorean, dunbots batean. Erlesemea.


Eguneraketa berriak daude