Zuhur bezain bizkor ari dira jokatzen ETB barruan; aukera guztiak taxutzen zuzendaritza berria ahal den anitzena izan dadin. Horren haritik, Mari Karmen Garmendia Kultura sailburuak jakinarazi duenez, EITB-ko zuzendari berria hautatzeko deialdia apirilaren 20an argitaratuko da Estatuko Boletin Ofizialean. Halaxe, zuzendari nagusiaren izendapena euskal legebiltzarraren gehiengo osoz onartu beharko da, horretarako EAJ eta EAk EHren botoa beharko dutelarik. Alabaina, Garmendiak ohartarazi du erronka berriei aurre egin ahal izateko funtsezkoa dela aurrekontua gehitzea. Izan ere, iaz 11.038 milioi pezeta jaso zituen ETBk Jaurlaritzatik, 1991n baino gutxiago. Aurrekontu franko handiagoa behar luke, (gaur egungo 14.000 milioi pezeta ingurukoa), tresna eta instalakuntzak zaharkituak geratu baitira.

» gehitu du.

Azken boladan, informazioaren trataera ETBn orekatuagoa dela ikusiz, PP eta PSE urduri jarri eta ETBko profesionalen tutore bihurtu nahian ari dira. Azken salaketa Julio Ibarra kazetariaren kontra izan da.

» dio ETBko 125 langilek sinatu agiriak, Ibarrari beren babes osoa adierazteko. Iñaki Zarraoa EITB-ko zuzendariaren irudiko,

». Halaber, ETBren beherakada audientzian horren ondorio izatea ukatu du,

».

Zurrunbilo honen erdian, profesional multzo batek manifestu baliotsua plazaratu du ETB benetako zerbitzu publikoa izan dadin. Kritikoa baina maitasunez egina. Idatzia sinatzen dutenek –Bernardo Atxaga, David Barbero, Ramon Zallo, Hasier Etxeberria, Mariano Ferrer, Carmelo Garitaonaindia, Petxo Idoiaga eta Luis Mendizabal, besteak beste– zuzendari nagusiaren hautatzea ustiatu behar dela diote, ETB sortu zuten helburu eta egitekoen berbideratzeko. Manifestuaren arabera, nahiz eta ETBk beste hainbat katek baino informazio eta kultura trataera hobea egiten duen, satelite bidez ere urruneko lurraldeetara hedatuz, zer hobetu franko dago. Izan ere, EITBren ekinbiderako sortze oinarriak ez dira betetzen ari. Hauexek dira akatsetako batzuk:

Nabarmenena, ETB1en eraldaketa izan da; testuan esaten denez,

Egungo telebista «entertainment business» bihurtu den arren, zerbitzu publiko baten berezko zeregina, lehenbizi, programazioaren nortasuna eta kalitatea zaintzea da, eta bigarren lekuan, audientziari erreparatzea. Horren kariaz,

(jarraitzen du testuak)

».

Nortasun bereziko programazio generalista da hauturik onena, entretenimendua eskainiko duena, bertako produkzioa bultzatuz. Haur programazioa entretenigarria izan dadila, baina indarkeriarik gabea, jarrera osasungarri eta baketsuen aldekoa. Euskal Herriak bizi duen une zehatz honetan, ETBk ahaleginak eginen ditu bakebidea eta distentsio dinamikak lantzeko, beti ere gertatzen den guztia islatuz.

», azpimarratu nahi dute testuegileek.

Euskara suspertzeko, ETB2ren morroi izateari utzi beharko dio ETB1ek, programazio bateragilea eginez eta haur eta gazte ikuslegoa berariaz zainduz. Euskara hizkuntza gutxitua izaki, geroari begira ETB1ek zaila izango badu ere, bere zirrikitua atzemango duelakoan dago Ramon Zallo EHU-ko Informazio Zientzietako irakaslea:

Nolanahi ere, kablearen mehatxua ez da hain larria,

Epe erdira, atzerrian antzera, orain arte izaera alderdikoia erakutsi duen antolaketa, hein handi batean bederen, Goi Agintaritza Independiente batek ordezkatu beharko luke, gizartearen aniztasuna, interes soziokulturalak eta iritzizkoak hobeki ustiatzeko. Azkenik, sinatzaileen aburuz, entea eta bere administrazio kontseilua zuzenduko duen pertsona aukeratzeko, honakook hartu beharko lirateke kontuan: izan dadila independientea eta inongo alderdiren morrontzatik aske, kulturalki eraginkorra eta gure gizartearen baloreak lañoki bultzatuko dituena. Halaber, EITBren izaera elebiduna aintzat harturik, euskalduna beharko du izan. Ramon Zalloren ustez,