DONOSTIA GERO ETA JANTZIAGO KULTUR ARLOAN

  • Egun, kulturaren aldeko apostua handia da: Kursaal Entzutegia, Zientzia Museoa, Aquariuma handitzeko lanak, Victoria Eugenia berritzeko proiektua... Lan erraldoi hauen inguruan oihartzun txikiagoa dutenak ere badaude; auzoetan eginikoak, esaterako.

2017ko azaroaren 28an
Donostiak aspalditik eskaini dio arreta berezia kulturarekin zerikusia duen guztiari. Hiri turistikoa ezezik, hiri kulturala da: Zinemaldia eta Jazzaldia, kasu, urtero milaka lagun erakartzen dituzten ekitaldiak dira.
Donostiako kulturak ere, aro berriei aurre egin nahi die eta horregatik proiektu modernoak burutu eta burutzen ari dira, esaterako, urtean zehar musika eta kultura ekitaldiak hartuko dituen Kursaal Jauregia amaitzear dago. Bestalde, duela 70 urte zabaldu zen Aquariuma handitu eta berritu egin dute.
Proiektu hauekin batera, Donostiako Udal Patronatuaren apustua kulturaren atal ezberdinetako eskaintza sakontzea, orekatzea eta baliabideei etekin onenak ateratzea izan da.
Eskatzen duten lana eta diru kopuruarengatik, garrantzi handiko proiektuak ditu egun Kultur Udal Patronatuak eskuartean: San Telmo eta Victoria Eugeniaren zaharberritze lanak. San Telmoren berrikuntzaren aurrekontua 3.000 milioitik gorakoa da eta dagoeneko, azken lau urteetan 600 inbertitu dira premia handieneko lanetan.
Victoria Eugenia antzokiaren berrikuntza berriz 700 eta 800 milioi pezeta ingurukoa izango da. Aurten, betidanik bertan ospatu den Zinemaldiak Kursaalera egingo du salto eta antzokia itxi eta zaharberritu egingo dute. Victoria Eugenia, berriro irekitzen dutenean, antzerkia soilik eskainiko duen antzokia izango da.


Kultura auzoetan ere

Proiektu handi hauen ondoan, Patronatuak kultura hiriko auzoetara zabaltzeko ahaleginak egin ditu. Burutu dituen ekintzen artean Egiako Kultur Etxea eta Altzako Auzoetxea ditugu. Lehenak, 4.000 metro karratuko gainazalera du eta bertan elkarteentzako bilera gelak, haur eta helduentzako liburutegia, ikastaro ezberdinak emateko azpiegitura eta Udal Musika Eskola daude, besteak beste.
Altzako Auzoetxea ireki berria den 400 metro karratuko ekipamendu balioanitza duen eraikina da. Auzoko elkarte eta biztanleek erabiltzeko egina da eta 50 milioi pezetako inbertsioa izan du.
Egiako Kultur Etxea eta Altzako Auzoetxea ireki berriak dira eta dagoeneko arrakasta handia dute, auzolagunek asko erabiltzen baitute bata zein bestea.
Aipatu bi lan hauez gain, Kultur Udal Patronatuak beste motatako ekintza bat (baina kulturarekin zerikusia duena) burutu du: ikuskizunetarako sarreren informatizazioa. Ikuskizun guztietarako sarreren salmenta bateratu egin dute eta horri esker, kutxazain automatikoen bidez eros daitezke sarrera txartelak. Patronatuak berak izena eta itxura aldatu egin du, orain ekintza guztiak Donostia Kulturaren izenpean biltzen dira eta Patronatuko zentru guztiak informatizatu dituzte, beren artean Internet bidez lotuz.
Victoria Eugenia eta San Telmoren lanak mende berrian bukatuko dituzte eta baita amaitzear dagoen Kursaalekoak ere. Hauez gain, mende hasierarako beste proiektu garrantzitsuak daude: Udal Liburutegi Nagusia, Goi Mailako Musika Kontserbatorioa eta Zientzia Museoa. Azken proiektua garrantzitsuenen artean dago. Kutxa Fundazioak babesturiko museoa da eta Miramongo poligonoan eraikiko da, aurrerago azaltzen dugun moduan


Azkenak
La Salle jakitun zen Patxi Ezkiagak adin txikikoei egindako sexu abusuez, eta ez zuten neurririk hartu

El Paísek 24 testigantza jaso ditu idazle eta elizgizon legorretarrak egindako sexu-abusuak berresten dituztenak. Erasoak 8-9 urtetik 17 urtera bitarteko adin txikikoei egin zizkien. 1990. hamarkadan erasoez jakitun ziren Ezkiagaren lankideak, baina zituzten ekintzak... [+]


Nola desaktibatu Googlek Chromen txertatu duen jarraipena

Urteak dira Firefoxek eta Safarik jarraipena egiteko erabiltzen diren hirugarrenen cookieak blokeatzen dituztela. Chromek ere gauza bera egingo du 2025ean, baina publizitatearen negozioan duten nagusitasuna handitzeko aprobetxatu nahi dute, jarraipena nabigatzailean bertan... [+]


Eguneraketa berriak daude