BARATZERA BUELTAXKA BAT


2007ko otsailaren 21an
Aspaldiko partez, hiztegi, bidaietako ikusmira eta abar utzi eta baratza aldera bueltaxka bat egin beharko dugu... Neguko nagikeriak utzi eta benetan lanean hasi beharra dago udaberrian goizeko barazki goxoak nahi baldin baditugu.
Azaroa edo abenduko ilbeherapenean landatutako baratzuri begi laru haiek hosto puntta berde eder dira, honez gero. Azkarrago eta handiago hazteko inorkin xehea zabaldu ilada artean.
Egun luzeetan sukaldeko errege-erreginak diren ilarrak eta babak ereiteko garai aproposa da hemendik aurrerako hau. Iaz ez babarruna, ez leka, ez ilarra edo baba bera erein ez ziren baratz-mutturra aukeratu, lurra gozo-gozo jiratu, simaur zaharra gehitu eta erein. Biltzekoak fruituak izaki ilgorapenean, noski. Ilarra arbatzeko ere hurritza, zumalikarra, sahatsa eta zumearen adarrak begiz jota edukitzea komeni da, konturatzerako arra-bete igo eta makurtzen hasiko baita.
Ahosapaien gozagarrien artean punta-puntako tipula eta tipulin-landareak ere mintegi eta azokak bisitatzen hasiak dira dagoenerako. Etxerako nahi izanez gero lur harro eta arinena dagoen txokoa aukeratu, erroilak egin eta landareak jarri ondoren baratzurien artean zabaltzeko erabili dugun inorkin zahar eta xehe berarekin zuloa bete eta lurrarekin estali. Ilberrian edo ilbeheran?


Azkenak
Zahartzaroak

Zahartzearekin aldaketa fisiologiko, emozional eta psikologikoak gertatzea unibertsala bada ere, horiek lurreratzeko modu materialak, sozialak eta pertsonalak ez. Maiz zahartzaroa singularrean deklinatzen da baina elikadura, energia, ura, hezkuntza edo osasun zerbitzuetara... [+]


2024-05-27 | Garazi Zabaleta
Arsue zerbitzua
Ardi suhiltzaileak Lizarran

Lehen begi kolpean, ohiko artaldea dirudi argazkikoak, ezta? Bada, ez… ardi horiek suhiltzaile ere badira eta. Nafarroako Zunbeltz Nekazaritzako Test Guneak zerbitzu berria eta berritzailea jarri du martxan Lizarraldean: Arsue, edo artalde suhiltzaile estentsiboa... [+]


Udan datorren buztingilea

Hego luze eta zorrotzak eta v formako urkila-itxuradun buztana duen hegazti hau ikustean badakigu Euskal Herrira uda heltzear dagoela. Bizkarraldea eta buztana beltzak ditu, distira urdinxkekin, papar gorria eta azpialdea, aldiz, zurixka. Euskaldunon sinesmenetan presentzia... [+]


2024-05-27 | Jakoba Errekondo
Bertan bertan... erlesemeari

Maiatzak 4 zituen, larunbatarekin. Ez zen giro bereziki beroa, baina bai, hotzik ez behintzat. Halako batean burrunda, burrunda galanta, aspaldi entzun gabekoa. Hor azaltzen da etxeko atarian erle pila, milaka erle hegan, hegada sinkronizatu dotorean, dunbots batean. Erlesemea.


Eguneraketa berriak daude