«Pianojolearen bizitza bakartiaren ihesa da gure modalitatea»

2021eko uztailaren 19an

Esther Barandiaran eta Itsaso Ariztizabal pianojoleei elkarrizketa
«Pianojolearen bizitza bakartiaren ihesa da gure modalitatea»
Esther Barandiaran eta Itsaso Ariztizabal pianoa lau eskuetara jo eta kritika onenak bilduz
Suitza, Frantzia eta Italian ibili ostean, Donostiako Musika Hamabostaldian kritikaren aipamen berezia jaso dute Interpretatzaile Gazteen Sailan. Artean, Trentoko Jaialdian; XIII. Festival Delle Valli eta Grand Concours International de Piano deritzatenean jo izan zuten. Azkenekoan, 1 Accessita saria irabazi zuten Esther Barandiaran eta Itsaso Ariztizabalek.
Nola hasi zineten musikan eta nolakoa izan da orainarteko ibilbidea?
Zortzi urte genituen eta hogei bat joan dira harrezkero. Irunen hasi ginen, eta musika bitartez ezagutu genuen elkar. Gurasoek bultzatuta hasi ginen. Nik -Itsaso mintzo da- Donostian egin nituen maila ertaineko ikasketak. Estherrek, berriz, Baionan. Irunen Ricardo Requejo genuen maisu, eta haren bitartez, Bilboko Kontserbatoriora jo genuen, goi mailako ikasketak han burutzeko. Hura bukatu ondoren, Lausanako eskolan hasi eta lau urte daramatzagu han gure prestakuntza sakontzen.
Edonoren esku al dago prestaketa hori? Laguntzarik izan al duzue?
Hau beste edozein karrera bezala -Esther ari da orain-, saiatzen denaren esku dago. Musika ibilbidea mugagabea da. Ikasketak burutu ondoren, guk geuk urratu behar izan dugu geure bidea. Inoiz ez zaizu inor etorriko hau edo beste hori duzu zuretzat esanez. Musikak ardura osoa eskatzen dizu. Gure ibilaldiaren kostuak, hasieran gurasoen patrikatik eta gero geuretatik ordaindu behar izan ditugu. Gurasoen laguntzagatik ez balitz, ez ginen garenera iritsiko. Iaz, lehen aldikotz, Lausanako 4. ikasturtean lortu genuen beka bat, Gipuzkoako Foru Aldundiak emana. Hasten direnei, aurrera egiteko beka baten zain ez daitezen gelditu esango genieke.
Musika irakasle zarete, eta kontzertista ibilbidea urratzen ari zarete aldi berean. Nola uztartzen dituzue bi egiteko hauek?
Musika ikasketak amaitu ondoren ohikoena izaten da eskolak ematen hastea. Hau da, zure buruari esaten diozu: honaino iritsi gara, musika kultura eta ofizio bat dugu, eta nahikoa. Irakasle moduan hastea da arruntena; era horretan bizitzaren beste arlo asko tartekatu al dituzu musika bizitzarekin. Gu bi gara, ordea, eta musikak hunkituta. Eta nahiz eta oso bide estutik igaro behar dugula jakin eta horrekin batera gauza asko alboan utzi beharko ditugula, aurrera egin nahi dugu.
Kontzertista izatera iristeko buru-belarri jardun behar dugu, ondo prestatu, eta kontzertuak izateko asko mugitu. Hala ere, ahalik eta gehien esperimentatu eta bizi nahi dugu musikaren bidez.
Zer da pianoa lau eskuetara? Modalitate honetarako musika berezirik jotzen al duzue?
Bi pertsona piano bakar bat jotzea esan nahi du lau eskuetara aritzeak. Pianoa modu honetan jotzeko ez dago oso errepertorio zabala. Pianojole bakarlarientzat dagoena baino mugatuagoa da, baina era berean jendeak uste duena baino gehiago dago. Autore klasikoek helburu oso zehatz batekin konposaturiko obra dezente daude. Schubertek sarritan aipatzen zuen adiskidetasuna. Pianojolearen bizitza oso zela bakartia, eta horregatik konposatu zituen lau eskuetara jotzeko obrak ere; gure modalitatea bakardade horren ihesa bailitzan. Esperientziak eta kontzertuek erakusten digute bidea, geure burua non kokatu eta zein errepertorio landu. Guk zabalik ditugu ate guztiak: Aita Donostia, Ravel, Brahms, Faur, Mussorgsky eta Schuberten obrak jotzen ari gara orain.
Zer eskaintzen dizue pianoak, musikak eta biok elkarrekin aritzeak?
Oso harreman berezia da pianoarekin duguna: zaila azaltzeko eta zaila ulertzeko. Pianoa asko ematen duen musika tresna da, baldin eta zuk ere asko eskaintzen badiozu. Musikak mundu ikuskera, berezia ematen digu. Musikaren emaria oso da aberatsa.
Zorioneko sentitzen gara. Bere aberastasun horretan ere gogorra da -Estherren iritzia da hau-. Nire kasuan bederen, nire izaeraren ezaugarri nagusia eta ia bakarra ote den inpresio daukat batzutan. Horrek aztorazten nau pixkabat. Hau da, musikak asko ematen dit, baina aldi beran beste giza ezaugarri batzuk faltan hartzen ditut.
Bikote modura aritzeak asko lagundu digu bidea egiten. Benetako adiskidetza eta harmonia sortu dugu bion artean. Pentsa, biolinjole batek, orkestra edo kamera talde batean jotzeko aukera dauka, pianojole batek ez ordea. Guk elkarrekin talde modukoa osatzen dugu.
Musika Hamabostaldian aukera handiko pianojoleak zaretela esan zen. Zer diozue?
Lehenbizi, musika emanaldiak eskaintzea oso zaila dela esan nahi dugu. Ez gara goi-mailako musikariak, hasi besterik ez dugu egin. Une honetan gure bidea zabaltzen ari gara; kanpoaldera bereziki.
Donostiako Musika Hamabostaldian gazteen zikloan jo izan dugu. Bertan jotzeko aukera, orainarte eginiko lanaren onarpen moduko bat izan da. Oso garrantzitsua izan da guretzat. Aukera bat izan da, baina jokoan ere asko genuen. Kritika faboragarria izan da, eta horrek asko laguntzen digu aurrera jarraitzen.
MIKEL ASURMENDI
40-41

GaiezKulturaMusikaMusika klasPertsonak
PertsonaiazBARANDIARA5
PertsonaiazARIZTIZABA1
EgileezASURMENDI1Kultura

Irakurrienak

Matomo erabiliz

"Zerbait gertatzen da munduan kolektiboki esaten dugunean norbait falta zaigula"

Danele Sarriugarte Mochales

“Ez ezazu indarkeria obstetrikoa salatu, ez baduzu argi galduko duzula: denbora, dirua eta osasun mentala”

June Fernández | Pikara Magazine

Onintza Enbeita: "Erasotzailea inpunitate osoz mugitzen den bitartean, biktima beldur da kalera bakarrik ateratzeko"

Mikel Garcia Idiakez

Palestina, maite zaitugu, aske

Mikel Zuloaga

Amurrioko Udalak dirulaguntza kendu dio Aiaraldea Komunikabideari

Jenofa Berhokoirigoin

"Aurreikuspen onenetan, gazteen kopurua bikoiztuko dute nagusiek eta kasurik okerrenean boskoiztu. Zaintzari buruz hausnartu behar dugu"

Aitor Aspuru Saez | Aiaraldea

Azkenak

2024-05-24 | Jenofa Berhokoirigoin

Kanaken kexua ez du eztitu Frantziako presidente Macronen bisitak

Irlan egon da maiatzaren 23an Frantziako presidente Emmanuel Macron eta loialistekin zein independentistekin, alde guztiekin bildu da. "Elkarrizketa politikoa" abiarazteko prestutasuna erakutsi die, baina independentistek diote horretarako baldintzarik ez duela jarri.

2024-05-24 | Antxeta Irratia

"Gure herrikide Jesus Carreraren figura ahanzturatik berreskuratu eta orain arte zergatik inork ez zekien ezer argitu nahi genuen"

Orreaga Filmak ekoitzitako Hondarribiko Gorria: Jesus Carrera dokumentala maiatzaren 31n estreinatuko dute alderdi komunistako Idazkari Nagusi izatera iritsi zenaren jaioterrian. Hondarribiko Itsas Etxea auditoriumean egingo dute lehen proiekzioa arratsaldeko 19:00etan, eta... [+]

2024-05-24 | June Fernández | Pikara Magazine

“Ez ezazu indarkeria obstetrikoa salatu, ez baduzu argi galduko duzula: denbora, dirua eta osasun mentala”

Nazio Batuen Erakundeak Espainiako Estatua zigortu du Nahia Alkortak bere lehen erditzean jaso zuen biolentziagatik, baina gobernuek ez dute ebazpena onartu. 'Mi parto robado' liburua idatzi du bizitakoa gizarteratzeko, eta arazo sistemikoa dela azaltzeko.

2024-05-24 | Euskal Irratiak

Peio Etxeleku, Elkargoko bere kargugabetzeaz: "Ez didate ene burua defendatzeko aukerarik eman"

Jean René Etxegaraik Peio Etxeleku baztertu du Errobi lurraldeko arduretatik. Etxeleku Kanboko hautetsia eta EAJren Ipar Buru Batzarreko lehendakaria da. Joan den astean Hirigune Elkargoko buruak jakinarazi zuen poloko hamaika auzapezetatik seik galdegin ziotela... [+]

2024-05-24 | Gedar

2.000 sinadura bildu dituzte Pasaian Escalerillaseko bizilagunentzat bizitoki-alternatiba baten alde

Pasaiako Portuak eta Euskal Trenbide Sareak etxetik bota nahi dituzte hamabi familia. Ekainaren 1ean Trintxerpen mobilizatzera deitu du Oarsoaldeko Etxebizitza Sindikatu Sozialistak.

Eguneraketa berriak daude