ARGIA.eus

Egin ARGIAkoa
Oparitu ARGIA
Gizartea Ingurumena Politika Ekonomia Kultura Euskara Feminismoa Hezkuntza Nazioartea Iritzia
igandea 2025eko ekainaren 08an

«Bizkorrak balira, alderdi guztiek beteko lukete Itunaren azken agiria»

Mikel Jauregi
1996ko otsailaren 04an
Begoña Lasagabaster EAko politikariari egindako elkarrizketa
«Bizkorrak balira, alderdi guztiek beteko lukete Itunaren azken agiria»
Begoña Lasagabaster, Eusko Alkartasunako zerrendaburua Gipuzkoatik
Martxoaren 3ko hauteskundeetan diputatu aukeratuz gero, ostera berriro, Madrileko lanak amitutakoan, bere abokatu lanbidera itzuliko da. 1992az geroztik, EAko batzorde eragileko kide, Nazioarteko Harremanetan lanean. Irundarra, 33 urte ditu.
EAk Gipuzkoan diputatu bat lortuz gero, Kongresuan ikusiko zaitugu. Zer eman diezaioke Begoña Lasagabasterrek Madrilgo Kongresuari?
Batetik, alderdi baten ordezkari gisa, alderdiak dituen proposamen, ekimen eta pentsamoldeak eramango ditut. Hauetako batzuk ezagunak dira, azken urteetan eraman ditugunak baitira, eta beste batzuk berriak, aurkitzen dugun egoeraren araberakoak.
Bestetik, Begoña Lasagabaster pertsonalki saiatuko da, bizitza politikoan kargu publikorik izan ez duen pertsona bezala, jendeak kalean nahi eta eskatzen duena eramaten, herri honetan jende askok pentsatzen duena eraman eta zer nahi dugun ezagutarazten.
EAk Manuel Ibarrondo eta Koldo Amezketarekin kontatzen du berriro. Zer interpretazio eman diezaiokegu honi?
Bere garaian oinarriko afiliazioarekin asko identifikatzen ziren pertsonak dira, eta hori esanguratsua da. Karisma duten pertsonak beharrezkoak badira ere, beste batzuei lekua utzi zien. Orain oinarriko afiliazioak biok berriz zerrendagai izatea garrantzitsua dela erabaki du, oso langileak direlako, nolabaiteko karisma dutelako eta egin dituzten gauzetan ilusio handia jarri izan dutelako.
Ez da izango, bada, oinarriko afiliazioak ez duelako ikusten pertsona berri karismatikorik?
Ez da horrela. Alderdiaren batzar edo beste edozein bilkuretan jende berri ugari ikus daiteke. Baina ez politikoki edo estrategikoki interesatzen delako, oinarrian ere jende berri asko dagoelako baino. Elkartetxeetara joaten bazara, udal batzordea eta jende gehiena berriak dira. Hala ere, pertsona baten oroitzapen ona izanez gero, bere lana ondo bete bazuen eta langile fina izan bazen, itzuli nahi duenean jende guztiak horiek hartu nahi ditu. Bizitza honetan lan egin nahi duen eta lan egiteaz arduratzen den jende gutxi aurki baitaiteke.
Jende askok galdetzen du ea abertzaleak Madrilgo Parlamentura zertara doazen...
Erabaki guztiak guk har ditzakegun unera arte, eta kontuan hartuz egunero guregan eragina duen legegintzaren zati handi bat han egiten dela, interesgarria da gai eta kontu guztiak landu edo egosten diren lekuan egotea. Badakit ez didatela kasu handiegirik egingo, batik bat Euskal Herriari dagozkion gaietan, baina lanari, ingurugiroari, osasun publikoari, komertzioari eta abarren legeei buruz hemen jendeak zer nahi duen nahikoa garbi dugu. Interesgarria da, gutxienez, hori plazaratu eta hala agertzea.
Euskal Herriko gai zehatzetan sartuz gero, hil ala bizikoa da Madrilera joatea. Hala Euskal Herriko errealitatearen berri eman baikenezake. Guztion artean herritarren portzentaia handi bat ordezkatzen dugu, eta horien iritziaren berri eman genezake.
Baina ez al du atsekabetzen Madrilen aldarrikapen abertzaleen alde lanean jardun eta inork kasurik ez egiteak?
Bai, baina zuk egindako lana hor geratuko da, eta agian noiz bait aterako da lan hori argitara eta kontuan hartuko dute. Nahiz eta askotan basamortuan oihuka ari zarela dirudien, hor egoteak, esan beharrekoak esateak eta lan egiteak zenbait gauza ez ahaztea eragiten du. Hor egon behar da.
Martxoaren 4tik aurrera, Xabier Albisturrekin izan duzuen esperientzia txarra atzean utziko duzue...
Oso gogorra izan da. Nik beste pertsona batzuk ordezkatzen ditut, ordezkatuko ditudan konfiantza duten pertsonak. Bestelako irizpideak baldin baditut, badira beste bide batzuk planteatu ahal izateko. Nik nere jendearen babesa dut eta errespetu osoa zor diet. Zentzu horretan, politikoki, Albisturren jarrera ez da zuzena izan.
EAk ERC eta BNGrekin talde parlamentarioa osa dezakeela zabaldu da, eta hauek lotua dagoenik ukatu egin dute.
Hauteskundeetan ezik, beti konpondu izan gara ondo beraiekin. Orain arte Europako Parlamentuan soilik gauzatzen ziren EA eta ERCren arteko akordioak beste foro batzuetara eramatea ona zen ala ez aztertu genuen. Bakoitzak bere ideia eta programa propioak ditu, baina zenbait gai garrantzitsu baditugu amankomunean. Beraz, botoemaileek nahikoa boto eta diputatu emanez gero, eta Kongresuko araudiak baimentzen baldin badu, talde parlamentario bat osatzea pentsatu genuen. Modu horretan koordinazio maila handiagoa izango dugu, eta amankomunean ditugun gai batzuk iritzi publikora hobeto helarazteko modua izango.
Iñaki Anasagastik orain gutxi esan du EAJ-EA hauteskunde-plataforma batek Gipuzkoan nagusitasuna kenduko liokeela HBri. Pentsatu al du EAk aukera hori aurrera eramaterik?
Edozein politikarik edo alderdik planteatzen dizkigun ideiak pentsatu egiten ditugu. Baina uneotan horrelakorik ez dela komuni iruditzen zaigu. Gainera, beste alderdi politiko bat «izorratzeko» plataforma bat planteatzea ez da oso serioa. Akordio edo plataforma bat planteatzen baduzu, amankomunean dituzun gai eta helburu zehatz batzuk bideratzeko da. Hori da nik ulertzen dudana elkar-laguntza akordioaz. Baina akordioa beste norbaiti oztopoa jartzeko bada soilik, ez zait gustatzen, ez da positiboa. Positiboa litzateke ahaleginen bateratze horri esker herriarentzat praktikoak, zuzenak eta onak diren gauzak aterako balira.
Horrelako eskaintzak beti prentsaren bitartez eta bi egun lehenago egiten dira. Oso kutsu elektoralista dute, zera esanez bezala: «Ikusten, guk proposamena luzatu genien, baina beraiek ez zuten nahi izan». Gauzak serioski egin behar dira, bestela ez egin eta kitto.
Nola daude uneotan EA eta HBren arteko harremanak iazko bilera motz eta gatazkatsuaren ostean?
Ez dute aurrera egin. Eta horrek tristezia eragiten dit, herri honetan ezin baitugu orain gauden moduan segitu. Legealdi honek erabakigarria izan behar du arazo hau gainditzeko.
Guztiok egin behar ditugu ahaleginak, eta are gehiago gizarteak eskatzen dituen joko arauak betetzen ez dituenak. Baina horrek ez du esan nahi beste alderdi politikoek gatazkaren irtenbidea gauzatzeko arduran erantzukizunik ez dugunik. Guztiok mugitu beharra daukagu, bere horretan egotea, geldi, astakeria bailitzateke.
Euskal Herriko baketze prozesuan aurrerapausoren bat emateko aukerarik ikusi zenuen pasa den urtean?
Oso zaila da jakitea zer egosten ari den HBren barruan. Baliteke aurrera egiteko moduko giroa egon izana iaz, baina gero atzera egin dugu berriro. Askotan gertatu izan da hori.
Argi dagoena da antzeko beste gatazka batzuk elkarrizketaren bidera heltzen ari direla: Irlanda, Kortsika, El Salvador... Eta hori da konponbide bakarra. Egia da giro bat sortu beharra dagoela, baina egia da baita ere une batean estrategia zehatz batek geratu egin behar duela. Beraiek ezin dute jarraitu orain bezala.
Jende askoren irudipena da beste aukera bat galdu dela. Noren erruz?
Irudipen hori badago, baina aukera berriak eman eta eragin behar ditugu. Hori da gure ardura. Noren erruz galdu den aukera hori? Guztien erruz. Baina erabakia herriaren esku utziko duen giroa sortu behar da. Behin aukera hori badagoela ikusi eta hitz egiteko konpromezua hartzen dugun unean, beste aldeko erantzunak su-etena izan behar du.
Ajuria Eneko Itunaren azken bileran egon da mugimendu bat, une zehatz baten herriak esaten duena errespetatuko dela onartu zen neurrian. Horra urratsa. Beraz, giro hori ari da sortzen. Orain, ahaleginetan jarri dezagun, eman diezagutela beraiek zerbait: ezin dira bi bahitu eduki...
Noiz eta nola hitz egin behar da ETArekin?
Bi elkarrizketa mota daude: elkarrizketaren zati bat isilekoa da, eta bestea publikoagoa, jada zer negoziatu nahi dugun dakigunean gauzatu beharrekoa. Gainera, ETAk zehazki bereak diren arazoak negoziatu beharko lituzke, nahiz eta denoi eragiten diguten gaiak izan. Beste kontu bat da herri honi dagozkion gaiei buruzko negoziaketa orokorra. Hori ez da ETAren edo Gobernuaren kontua soilik.
Baina beraiek ahalegin handiagoa egin beharko dute, aurrera daramaten estrategiarengatik. Hots, nik ondo edo gaizki hitz egin dezaket, eta kaltea eragin; baina kalte hori konpontzeko modukoa da. Aitzitik, ETAk aurrera daramatzan ekintzen ondorioak eta kalteak konponezinak dira.
Joan den apirileko ETAren agiria, armen presiorik gabe, edozein mahaitan jartzeko modukoa dela esan zion Gorka Agirrek iragan astean ARGIAri.
Eztabaidatu, edozer eztabaida daiteke. Baina pistola bat eskuan duzula mintzo bazatzaizkit, horrela ezin dudala hitz egin esango dizut. Hitz egiteko eseri eta hiru hanka baino ez dituen aulkia jartzen badidazu, ez gaude berdintasun egoeran. Ez balego presio eta estrategia hori, zergatik ez da hitz egingo?
Zein sentsazio utzi dizu Ajuria Eneko Itunaren azken bilerak?
Lehenengo sentsazioa poz handiarena izan nuen. Ikusita aurreko egunetako adierazpenak eta zenbaiten jarrerak, bilera ez zela oso ona izango zirudien. Baina gero alderdi politikoek herriak dioena errespetatuko dutela azaltzen duen agiria onartzea, Konstituzioaren pasarte famatu horri aipamenik egin gabe, oso adierazgarria da.
Zer ekar dezake hitzarmen horrek?
Ikusteke dago, baina idatzia dagoena idatzia dago. Hori bai, agiria sinatu zuten jaunei eta beraien alderdiei esan behar zaie konpromezuak betetzeko direla. Beteko duten? Zalantza handiak ditut. Baina bizkorrak balira, herri honentzat ona zer den ikusiz, bete egin beharko lukete.
MIKEL JAUREGI
8-10,11

GaiezPolitikaEuskal HerrTaldeakAlderdiakEA
PertsonaiazLASAGABAST2
EgileezJAUREGI5Politika
ASTEKARIA
1563. zenbakia
1996ko otsailaren 04a
ASTEKARIA PDF-an
Irakurrienak
Matomo erabiliz
#1
“Galdera da lan batek noiz balio digun, ez geuk distira egiteko, baizik eta kolektibo gisa”
Lander Arretxea
#2
Bihotzetik berriz pasatzea
Uxue Gutierrez Lorenzo
#3
“Zaurgarritasun Indizea”, Jaurlaritzak nahi duena egiteko koartada
Ordiziako Euskal Eskola Publikoaren komunitatea
#4
Efemeridea: Iruñea eta Durango batu zituen giza kate erraldoiak, erabakitzeko eskubidearen alde
ARGIA
#5
“Ez nintzateke ase sentituko, lau urteren ostean, hemengo kulturaz eta hizkuntzaz ezertxo ere ez baneki”
Danele Sarriugarte Mochales
Azoka
Azkenak
2025-06-08 | Basilika
Kairos #02: Haragiaz, Maialen Sagues eta Lorea Floresekin
MULTIMEDIA - Basilika
2025-06-07 | ARGIA
Euskara hutsezko plaza bete dute Ziburuko Azokan

1.000 euskaltzale eta kulturazale baino gehiago giro goxoan ibili dira Ziburuko liburu eta disko azokan, eta larunbat goiz eta arratsaldez gozatu dute hitzaldi, kontzertu eta liburu aurkezpenez. 33 argitaletxe eta 10 diskoetxeren lanak ezagutzeko eta erosteko aukera probestu... [+]

2025-06-06 | Jon Fernández González
EAEko euskaltegietan A2 mailan matrikulatzea oraingoaren laurdena kostako da

Datorren ikasturtetik aurrera, euskaltegietan A2 mailan matrikulatzen direnek orain arte bezala 310 euro ordaindu beharrean, 70 euro ordainduko dituzte. Maila gaindituz gero, ordaindutakoa itzuliko zaie ikasleei. 

2025-06-06 | Jon Fernández González
Guardia Zibilak “hemendik fan egiteko” eskatuko dute ekainaren 14an Oñatin

Kuartela herrixantzat lelopean indar okupatzaileek Euskal Herritik irten behar dutela aldarrikatzen du Fan Hemendik taldeak.
 

2025-06-06 | Beranduegi
5x19: Kevin Auschwitzen
MULTIMEDIA - Beranduegi
2025-06-06 | Maria Ortega Zubiate
Gure haurrak ere badira ekimenak mobilizazioa egingo du ekainaren 12an, Gasteizen

Rafah-ra doan nazioarteko martxarekin bat eginez, Gasteizen mobilizatzera deitu du plataformak, baita ikasgeletan ere. Palestinar haurrekiko elkartasun argazkiak ateratzeko eskatu du.

2025-06-06 | Xabier Letona Biteri
Bake Bideak eta Bakegileak bide amaierara iritsi dira

Aieteko Nazioarteko Bake Konferentzia 2011n egin zen Donostian eta ondoren sortu zen Bake Bideak, Ipar Euskal Herritik bake prozesua sustatzeko. Bakegileen zeregina ETA armagabetzeko ekinbide zibila antolatzea izan zen. Orain, desegingo direla iragarri dute bi ekimenek.

2025-06-06 | Gedar
EAEko kartzelariak greba egitera deitu ditu ELAk

Espetxeetako funtzionarioek lanuzte partzial bat egingo dute ekainaren 9tik 15era bitartean.

2025-06-06 | Uxue Gutierrez Lorenzo
Idoia Asurmendi
Bihotzetik berriz pasatzea

IDOIA ASURMENDI
Non: Bilboko Kafe Antzokian.
Noiz: maiatzaren 29an.

----------------------------------------------------
 
Termometroak 30 gradutik gora markatzen ditu, uda giroa nagusi da eta Bilboko kaleak herritar aztoratuz beteta daude. Horrelako egun... [+]
2025-06-06 | Jon Fernández González
Torturaren 21 biktima berri aitortu ditu Nafarroako Gobernuak

21 pertsona “giza eskubideen urraketen biktima” gisa aitortu dituzte ofizialki. Espainiako Estatuko funtzionarioek eta eskuin muturreko taldeek torturatutako pertsonak dira eta biolentzia horren lagin txikia baino ez direla dio Egiaren Garaia Da ekimenak.

2025-06-06 | Maria Ortega Zubiate
111 Akademiak banatuko duen azken saria jaso du Miren Amurizak

Ostegunean banatu dute saria, Amasa-Villabonako Hika txakolindegian. Bertan jakinarazi dute 2024koa izan dela 111 Akademiak banatuko duen azken saria.

2025-06-06 | Hainbat sinatzaile*
Non daude kaparrak?

Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]

2025-06-06 | Florence Lazar
Hostopean
MULTIMEDIA - dokumentala
2025-06-06 | Ordiziako Euskal Eskola Publikoaren komunitatea
“Zaurgarritasun Indizea”, Jaurlaritzak nahi duena egiteko koartada

Nork sinesten du urtebetean Ordiziako errealitatea goitik behera aldatu dela eta desorekak desagertu direla?

Udaberriko oporren ataritan egunkarietan Begoña Pedrosak eman zigun titularra: Ordiziak ez du desorekei aurre egiteko plan berezirik behar... [+]

2025-06-06 | Xabier Letona Biteri
GALen biktimei barkamena eskatu die Alonsok, Gogora Institutuko zuzendariak

Datorren irailaren 25ean 40 urte beteko dira GALek Baionako Monbar hotelean egindako atentatutik, non lau euskal errefuxiatu hil zituen. Horren karietara, Gogora Memoria, Elkarbizitza eta Giza Eskubideen Institutuak oroimen ekitaldi bat egingo du udazkenean.

Eguneraketa berriak daude