"Ez ETAk ez estatuak, euskal gizarteak erabaki behar du".

1995eko maiatzaren 14an

Karlos Rodriguez (HB)-en iritziak Euskal Herriko gatazkari buruz
"Ez ETAk ez estatuak, euskal gizarteak erabaki behar du".
Karlos Rodriguez, Bilboko Udalerako HBko alkategaia
Azken boladan han eta hemen ageri da. Mahai Nazionaleko kide, arlo sozioekonomikoko arduraduna, Bizkaiko Batzar Nagusietako kide eta Elkarri-ren Konferentzian HBko ordezkari izandakoa. 39 urtekoa, Balmasedan jaioa jadanik Bilbon zinegozi lanari ekiteko gertu daukagu.
Esan berri duzu PP eskuintiarra eta espainiarra dela. Nahikoa al da hori haien buruzagien aurka armaz jotzeko?
PPren aurkako erasoak testuinguruan kokatu behar dira, hain zuzen gatazkaren egoeran. Orain arte Euskal Herriak bere etorkizuna erabakitzeko ahalmena lortzeko bidean Ezker Abertzalea izan da kolpe eta erasoak jaso dituena. Bestaldean, irtenbide errepresiboa areagotu egin da eta polizi bidetik bakarrik jotzen dutenei gatazkaren ondorioak sufritzea egokitu zaie, areago gobernu lanetan hasiko direla aurrikusten denean.
Hilabeteotan PPk dialektikoki aldaketa handia jasan du, bere betiko aurpegia erakutsiz: Euskal Herriari begira inposatzaile, gure nazio nortasuna errespetatzen ez duena eta armen bidez, Goardia Zibila edo Armadarenak, Euskal Herriak Estatu espainiarrarekiko bizi duen menpekotasuna defenditzen duena.
Orduan, aurretik PSOEko buruzagien aurka jo beharko zen, ez?
Jotzen duenari galdetu behar hori. Baina gertatzen direnak, aldaketa testuinguru horretan eta PPk hainbat botere faktikorekin _zenbait komunikabide berezi, CESID eta Goardia Zibilaren informazio zerbitzuekin..._ dituen loturengatik gertatzen direla uste dut.
Badirudi egoera politiko berri baten hastapenean gaudela. Hauteskunde giroak eragindakoa ala benetan berritzat hartzen duzu?
Badaude oso gauza positiboak eta berriak. Batetik, sindikalgintzatik ELAk eta LABek Aberri Egunerako sinatutako agiria. Guretzat oso interesgarria da eta benetako irtenbideetara jotzen du. Bigarrena, ETAren agiria. Proposamen berriak egin ditu eta gatazka gainditzeko bideak erakutsi. Hirugarrena, honek badu hauteskunde kutsua, EAJren jarrera da. EAJren barruan osagai kontrajarriak ikusten ditugu. Ollorak eta EAJk une batean esandakoak ontzat jotzen ditugu, baina praktikak ez du mezu horrekin zerikusirik. Horregatik EAJn eztabaidaren beharra dago. EAJ Arriagako Izpirituari oso lotua dago eta ikusi beharko hauteskunde ostean zer jarrera hartzen duen. Kudeaketa hutsean murgilduta egon da eta ez nazio eraikuntzan.
Zeintzuk dira ETAren agiriaren berritasunak?
Argi azaltzen dira Euskal Herriak bere etorkizunaz erabakitzeko dauden oztopoak: sozialak, ekonomikoak, kultur arlokoak... Agirian argiena euskal gizarteak bere etorkizuna eraikitzeko duen eskubidearen aldarrikapena da, eta hori orain arteko hainbat planteamendutan ez zen oso garbi agertzen. Ez ETAk ez Estatuak, euskal gizarteak erabaki behar du Euskal Herriaren etorkizunaz. Horrez gain, orain arte elkarrizketa prozesu batean, lehenengo fasean euskal gizartearen zeregina ezkutuan geratzen zen, eta oraingo proposamenean argi ikusten da lehen unetik, agente sozial guztiek parte hartu behar dutela. Bi plano agertzen dira, biak elkarrekin eraman daitezkeenak.
Berrikuntza moduan, halaber, ETAk argi utzi du ETAren helburua sozialismoa eta independentzia dela. Baina dioenez, ekimen armatua desagertu egingo litzateke Estatuak gure etorkizuna erabakitzeko eskubidea oztopatuko ez duen garantiarik eskainiko balu. Batek daki, baina koska ez litzateke Konstituzioan autodeterminazio eskubidea onartzea, berori aurrera eramatea erabakiz gero horren aurkako debekurik ez egotea baino.
Elkarri-ren Konferentziaz ere egiten da berba. Lehenengo zatian jorratutakoez gain, zer eduki beharko luke bigarren honek ekimena arrakastaz ateratzeko?
Aurreratzeko, partehartzearena lotzea funtsezkoa da. Lehenengoan PP, PSOE eta UPN ez ziren izan eta kontuan hartuta lehenengo zatiaren helburu nagusia alderdien arteko eztabaida zela, bigarrenerako hori segurtatu egin beharko litzeteke. Gainerakoekin gauza gehienak hitz eginda daude.
PPk eta PSOEk esan dute jada ez liratekeela joango. Abertzaleen arteko bilkuran geratuko al da?
Ez luke horrela izan behar. Helburua alderdi guztien partehartzea da, baina PP eta PSOE erakusten ari diren jarrera gatazka konpontzeko duten jarrera eskasaren adierazle da. Euskal gizartean gero eta argiago dago irtenbidea elkarrizketa politikotik datorrela.
Orduan, mereziko al luke joateak? Eta joanez gero balio lezake guneak alderdi abertzaleen gutxieneko akordioa lortzeko?
Antolatuz gero, ikusi egin behar nortzuk doazen, eta zer eduki eta metodologia izango lituzkeen. Bigarrenari dagokionez, abertzaleez gain UA eta IU ere hor daude. Uneotan gaitza da EAJ eta EArekin akordiorik lortzea, konferentzian proposamen zehatza egin baikenuen eta ez baitzuten onartu. EAJk aspaldian beste apustu bat egin zuen: errepresio bidez Ezker Abertzalearekin amaitzea, eta bide horretatik zaila da akordioetara heltzea. Guretzat LAB eta ELArena da bidea; haietako bakoitzak ez dio bere helburu eta izaeari utzi, baina bien artean aurrera eraman ditzaketen gauza garrantzitsuak ikusi dituzte.
Zer deritzozu Patxi Zabaletaren pentsamendu korronteari?
HBko militantziak «Oldartzen»eko oinarrizko txostena gehiengo handiz onartu du eta prozesu honetatik indartsu ateratzen gara. Orain Patxik berak jakingo du zer egiten duen, baina HBko militantziak erabaki du jada eta ilusioz dago horrekin aurrera jotzeko. Dena den, informazio guztia prentsatik jaso dut eta ikusiko dugu zer proposatzen duen.
HBn orain arte ez da korronte antolaturik egon.
Koherenteak izan behar dugu. Ezin gara egon hiru hilabete eztabaida sakonekin eta bihar aldaketak pentsatzen ibili. HBn ez dago barne korronte antolaturik, horrela erabaki dugulako. Pentsamendu korronte bat? Ez dakit ondo zer den, baina dakidanez momentuz HBko militanteek ez dugu telepatiaz komunikatzeko ahalmenik. Nahiko zaila ikusten dut bildu gabe pentsamendu korronterik antolatzea.
EAJk eta PSE-EEk 2000. urterako Bilborako aurrikusi duten hiria kritikatu izan duzue...
EAJ eta PSE-EEren jarduerarekin Bilboko Udala eskuintiar eta espainol gisa agertu da. Berdin Bizkaiko Batzar Nagusietan. Bilbo «Ardatz Atlantikoa» edo «Espainiako iparraldeko hiriburu» eta antzerakoekin definitu dute eta horren arabera datoz beren lehentasunak: Guggenheim, metroa, Kongresu eta Musikaren jauregia... Bitartean, Bilboko auzoetan egoera gero eta kaskarragoa da: Bilbo Zaharra-San Francisco-Zabalan, Txurdinaga-Otxarkoagan... Ez ei dago dirurik azpiegituretarako, kiroldegietarako, proiektu kultural deszentralizatuetarako... Baina etxebizitza pribatu eta garestietarako eta proiektu megalomano horietarako badago. Bilbo bide okerretik sartu dute, eta urte askotarako gainera.
Azken hauteskundeetako joera ikusita, HBk beherantz egin du Bilbon. Batipat komunikabideen eraginez dela irakurri dizut; soilik horregatik?
Azkenekoetan europarrekiko igo egin ginen, baina bestela egia da. Komunikabide gehienak ez dira gure oso lagunak, eta hainbaten aldetik, gainera, eraso gogorrak jasotzen ditugu. Biolentzia eta, oro har, gauza negatiboekin lotzen gaituzte. Joera horren eragina hortik datorkigu.
Zer eskaintzen die HBk bilbotarrei azken urteetako atzeranzko joerari buelta emateko?
Bilbok Udaletxe herrikoia, abertzalea eta ezkertiarra behar du. Herritarra, bilbotarrei begira eta ez Gasteizko Gobernuari, partehartzea eta presio soziala bultzatuko duena. Abertzalea, gure sinboloak, hizkuntza eta kultura defenditzeko. Eta ezkertiarra, gero eta nabarmenagoa den dualizazioa geldiarazteko: Bilbon txiroak gero eta txiroago dira, eta alderantziz; eta batzuk gero eta zerbitzu gehiago dituzte eta besteek gero eta gutxiago.
LETONA, Xabier
8-10,11

GaiezPolitikaEuskal HerrTaldeakAlderdiakHB
GaiezPolitikaEuskal HerrBozketakHauteskunUdal
PertsonaiazRODRIGUEZ6
EgileezLETONA1Politika

Irakurrienak

Matomo erabiliz

Zapaterok dio Ostiral Santukoaren gisako akordio bat egon zela ETAren amaieran

Xabier Letona Biteri

Lurra taupaka hasiko da

Estitxu Eizagirre

Kanpaldien lehen garaipenak iristen hasi dira Israelekiko boikot akordioekin

Jon Hidalgo Gereñu

“Maite dut Iparraldean antzerkia egitea, uste baitut hemen kodeak ulertzen direla”

Gorka Peñagarikano Goikoetxea

Efemeridea: Espainiarenak ziren lurraldeetan, "gaztelania ez beste hizkuntza guztiak desagerrarazteko" agindu zuen Carlos III.a Borboikoak

ARGIA

Efemeridea: Almeria Kasua: Guardia Zibilak hiru gazte espainiar torturatu eta hil zituen, ETAkoak zirelakoan

ARGIA

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude