"Gaur egun estatu mailako kirol etxerik handiena gara".

1995eko otsailaren 26an

Esteban Uribesalgo, Import-eko gerenteari elkarrizketa
"Gaur egun estatu mailako kirol etxerik handiena gara".
Esteban Uribesalgo, Astore kirol-jantziak egiten dituen Import Arra- sateko gerentea
Astore kirol jantziaren egileak, Import Arrasatek, 9Oeko abuztuan ekin zion ehungintzari. Esteban Uribesalgo arrasatearrak dioskunez, Astore egungo kirol-jantzien errealitatean indarra hartu duen marka da.
Zer egiten duzue sarraila eta hozkailuen erresuman kirol-jantziekin?
Arrasate Kirolak dendatik sortu ziren Import Arrasate eta Astore, eta guztiak dira familia-enpresak. Hura txiki gelditzen zen guztiontzat, beraz, edo beste denda batzuk zabaldu, eta orduan gure arteko konpetentziari ekingo genion, edo beste zerbait pentsatu behar zen. Aita izan dugu aholkulari eta baita ekonomi laguntza eskaini diguna ere.
Ez al zarete azkarregi hazi?
Hasieran zerbait txikiagoa pentsatu genuen, zortzi langilerekin hasi ginen eta orain Arrasateko tailerrean 44 gabiltza. Josi izan ezik, bertan egiten dugu dena. Josteko hamaika tailerrek egiten dute lan guretzat esprezki eta hauetan 200 langile ari dira. Marken artean Astore, Goshawk eta Terranova dauzkagu, besteak beste. Tyr lehiaketarako bainu-jantzi amerikarra egin eta Europan banatzeko baimena ere eskuratu dugu.
Dena den, hasieran zabalkunde handia egin dugu eta orain finkatu beharra dugu. Astore Espainia eta Europako zenbait estatutan zabaltzen dugu, Goshawk estatu mailan eta Tyr markarako oraingoz Europan banatzaileak topatzen ari gara.
Zenbat esportatzen duzue?
Oraingoz gutxi; guretzat helburu ona litzateke % 20 esportatzea. Batez ere Espainian saltzen dugu, eta iparraldean nagusiki: Katalunia, Euskadi, Kantabria, Galizia... Orain Kanadan fabrikatu eta komerzializatzeko baimena lortu dugu eta, horrez gain, Irlandan, Erresuma Batua, Beneluxen, Frantzian, Suedian... saltzen ari gara.
Iñurrategitarrak, Reala, Asegarce, Euskadiko selekzioa...
Gure produktua kalitatezkoa da, horregatik prezioa erdi- edo goi-mailakoa da. Produktu onak egiten dituzunean, beti izango dituzu bezeroak. Marka egin eta irudia lantzeko, publizitate aldetik ere ahalegin handia egin behar da.
Hasieran, beraz, dirua sartu eta etekinik ez?
Hasieran, 1990ean, ekoizpena utzikeria izan zen, eta diru asko galdu genuen; inbertsio dena egina zegoen baina sarrerarik ez. 1991ean 100.000 jantzi egin genituen eta 1994ean 650.000, hor ikusten da gure garapena. Gure puntako teknologiarekin urtean milioi bat jantzi egin dezakegu, baina ekoizpen osoa jartzea kosta egiten da.
Beste marka batzuekin ere lan egiten duzue.
Gaur egun marka gehienak ez dira fabrikatzaileak, banatzaileak baizik. Hasieran lana behar genuen, beraz % 20 Astore zen eta % 80 beste marka batzuk. Gaur egun % 78 gurea da eta gainerakoa beste marka batzuena. Apurka, beraz, gehiena gurea izango da, baina beste markei ere atea beti utziko diegu zabalik. Gaur egun Estatu mailako kirol etxerik handiena gara.
Berriak izanda, akatsetatik ere ikasiko zenuten.
Guretzat ez da samurra izan, Leintz bailaran eta, oro har, Gipuzkoan ehungintzak ez duelako sustrairik. Hemen aitzindari izan gara. Bezero ona funtsezkoa da, baina sarritan hornitzaile ona ezin duzu ordaindu. Hornitzaile onenekin ibilita ere, ehungintzaren esparruan planak betetzea oso gaitza da, eta horretaz konturatzea guri asko kostatu zitzaigun.
Hemendik aurrerako erronkak?
Gure markak finkatzea, hau da, Astore sendotzea eta Terranova merkaturatzea. Terranova kaleko jantzia da, teknikoa eta material onenez egina baina kaleko diseinu eta koloreekin, euria eta hotzerako babes maila handikoa. Jantzi hauetarako, XVI. mendean baleetara joaten ziren arrantzaleengan oinarritu gara. Horrez gain, berau egitean material ekologikoak erabiltzen ditugu, bereziak. Etorkizuneko jantzia egingo dugu.
LETONA, Xabier
18,19

GaiezEkonomiaIndustriaEhungintza
PertsonaiazURIBESALGO1
EgileezLETONA1Ekonomia

Irakurrienak

Matomo erabiliz

Lagunak, adiskideak eta beste hainbat etsai

Gorka Bereziartua

Hezkuntza komunitateak protestara deitu du Palestinako haur eta nerabeen alde

Gorka Peñagarikano Goikoetxea

2x11: Odei Barroso | Erabakiak hartzea

ARGIA

Hezkuntza publikoari buruz hitz txintik ere ez hauteskundeetan!

Nagore Iturrioz Lopez | Yolanda Porres García | Steilas sindikatua

Beste 40 urtez esperoan egon nahi ez baduzue

Iñigo Satrustegi

Azkenak

2024-04-30 | Gedar

Pertsona afroamerikar bat erail du Poliziak AEBetan, belaunarekin lepoa estutu ostean

Istripu batetik ihes egin zuela aitzakiatzat hartuta, taberna batera sartu, lurrera bota eta buruz behera lotu zuten poliziek 53 urteko gizona. Zortzi minutuz izan zuten lurrean.

2024-04-30 | Mikel Aramendi

Aranetatarrak

2024-04-30 | Axier Lopez

Hinteligentzia

2024-04-30 | Mikel Garcia Idiakez

Nola landu desirak, aniztasun sexuala edota identitatea 12-18 urteko ikasleekin?

Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan... [+]

2024-04-29 | ARGIA

2x11: Odei Barroso | Erabakiak hartzea

MULTIMEDIA - BTN

Eguneraketa berriak daude