Jone Dorronsoro: «Inoiz ez naiz saiatu kamera aurrean ezer egiten»

1993ko irailaren 12an

Jone Dorronsoro kazetariari elkarrizketa
Jone Dorronsoro: «Inoiz ez naiz saiatu kamera aurrean ezer egiten»
Euskalerria irratian lan egitera joan zen Iruñera ikasketak amaitu eta gero. Ondoren, Mariano Ferrer-ekin aritu zen lanean ETB-2n. Haur programa bat eta Josetxo Lizartzaren saioa etorri ziren jarraian. Azken aldian Network produkzio enpresan aritu da lanean donostiar hau.
ARGIA. Bost urte daramatzazu komunikabideetan lanean eta kazetaritza idatzia ezik denetarik probatu duzu. Azken hilabeteetan, ordea, ekoiztetxe baten bitartez egin duzu lana «Txuri-Beltz» programako lantaldean. Zer aldatu da azken urrats honetan?
JONE DORRONSORO. Egia esan, oraindik ez daramat denbora gehiegirik produktora batean. Gehiegi menperatzen ez dudan mundu bat da. Pertsonalki, produktora batean lan egiteak dakarren aldaketa nagusia lehen telebistan bertan lan egiten zenuela da, bulego batean lan egiteko orain. Enpresa publiko edo pribatuan lan egitearen desberdintasunak. Lan baldintzak aldatzen dira batez ere. Gainontzeko lan dinamika berdintsua da, nire kasuan behintzat.
A. Beti mikrofonoaren babesean edota kameraren atzealdean egon zara. Nahita izan al da hori?
J.D. Ez naiz saiatu inoiz kamera aurrean ezer egiten. Egon izan dira deialdiak ETBn, aurkezlerako, baina ez dut gogoko. Ez dut uste balio dudanik horretarako, eta horren ondorioz, ez naiz saiatu. Zorte handia izan dut gainera atzetik lan egiteko aukera izan dudalako. Aurkezle izateko aurpegi asko, tenplea... Nik ez dauzkadan bertute batzuk behar dira. Beraz, ez naiz gehiegi saiatu.
A. Telebistan eman dituzu azken urteak. Horretan finkatuko zarela esan nahi al du horrek?
J.D. Bietan aritu naiz gustura. Telebista gustatzen zait bideoaren mundua gustatzen zaidalako. Eta irratia, bizkorragoa delako.
A. Zergatik hainbesteko garrantzia bideoari?
J.D. Iruditzen zaidalako oso gauza kreatiboak eta politak egin daitezkeela telebistarako bideoarekin. Telebistan lanean hasi arte ez nuen ezagutzen, baina edizioaren bitartez ezagutu nuen. Kazetaritzan ez genuen horrelakorik ikasteko inolako aukerarik izan.
A. Kazetari ez zarela kontsidratzen esan izan duzu...
J.D. Komunikabideen munduan lanean bost urte daramatzat, baina ez dut uste kazetaria naizenik.
Amagoia Iban
63

GaiezKomunikabidTelebistaETBTeknikoak
PertsonaiazDORRONSORO6
EgileezIBAN1Komunikabid

Irakurrienak

Matomo erabiliz

"40 landare mota ditugu oihan baratzean, urte osoan bertatik jateko eta tresna xinpleekin lantzeko"

Estitxu Eizagirre

Bizkaia: EAJren gotorlekua kolokan?

Jon Azkune Torres

Ez da zapalkuntza? Orduan, asimilazioa

Ane Ablanedo Larrion

Pribatura noa

Josune Azurmendi

Gipuzkoa: Biren arteko jokoa

Iker Iraola Arretxe

Azkenak

2024-04-21 | Asier Etxenike Ugarte

Araba: Zer isla elektoral izango du aldaketak?

2024-04-21 | Gorka Peñagarikano Goikoetxea

Apunte batzuk atarikoan

2024-04-21 | Gorka Peñagarikano Goikoetxea

'Cristóbal Balenciaga' telesaila

"Nabaritu dadila euskaldun batzuok euskaldun baten istorioa kontatu dugula"

Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]

2024-04-21 | Iker Iraola Arretxe

Gipuzkoa: Biren arteko jokoa

2024-04-21 | Jon Azkune Torres

Bizkaia: EAJren gotorlekua kolokan?

Eguneraketa berriak daude