Jaime Otamendi: «Sakontze lan bat egin behar dugu eta horretan ari gara»

1992ko abenduaren 06an

Jaime Otamendi, Euskadi irratiko programazio arduradunari elkarrizketa
Jaime Otamendi: «Sakontze lan bat egin behar dugu eta horretan ari gara»
Azkenean iritsi da zorioneko abestiak aspaldi iragarritako unea: ElTBk hamar urte bete ditu. Denbora tarte dexentea, baina askozaz luzeagoa da–hala nahi genuke bederen– betetzeko gelditzen zaion bidea. Urteurren honetaz eta Euskadi Irratiak dauzkan kezka eta egitasmoez mintzatu gara programazio arduradun den Jaime Otamendirekin.
ARGIA. Denon ahotan dabil egunotan zuen hamargarren urteurrena. Programazio arduraduna zaren aldetik, zer aldaketa egin duzue hamargarren urteurrenari begira?
J. OTAMENDI. Aldaketa gutxi. Hamargarren urteurrena ospatzeko euskarari buruzko gogoeta izan nahi luketen bost mahainguru antolatu ditugu, Euskal Herriko toki desberdinetan egingo direnak. Gero gure fonoteka eta artxiboa astindu ditugu eta garai bateko grabaketa zaharrak atera, baina gainontzean ezer berezirik ez.
A. Jendeak zergatik entzuten zaituztela uste duzu: euskaraz jarduten duzuelako edota bere beharrak asetzeko gai zaretelako?
J.O. Nik bigarrenagatik izatea nahi nuke. Izango da oraindik orain euskara hutsean ari garelako entzuten gaituenik, baina iruditzen zait gaur egun jende asko dagoela gure irratia balekoa delako entzuten duena. Horixe litzateke gure helburua: jendeak Euskadi Irratia balekoa delako entzutea.
A. Zer asmo daukazue etorkizun hurbilari begira?
J.O. Nik uste bagoazela bidean. Sakontze lan bat egin behar dugu eta horretan ari gara. Alegia, bide bati heldu diogu, hor dago bide hori, eta eguneroko lanean benetan saiatu beharra daukagu. Egunero-egunero egin behar izaten da lana hemen, eta horrek nahikoa zeregin ematen digu. Jarritako bide horretan sakontze lanetan aritzen gara, eta hori da daukagun egin beharra.
A. Zuk pertsonalki, "Goizean behin"en jarraitzeko asmoa daukazu?
J.O. Aurtengo ikasturtean behintzat bai. Hortik aurrera nekez esan nezake zerbait; bostgarren urtea betetzera goazelako batetik; bestetik irratian urteka lan egiten delako. Ikasturte amaieran balantzea egiten da eta horren ostean egindakoa, animoak eta egin litezkeenak neurtzen dira. Hori ikasturte amaieran pentsatzeko zerbait da. Nik nahiago dut hurrengo eguneko programan pentsatzea.
AITOR ZUBEROGOITIA
71

GaiezKomunikabidIrratiaEuskadi irrEsatariak
PertsonaiazOTAMENDI4
EgileezUBEROGOIT1Komunikabid

Irakurrienak

Matomo erabiliz

Bizkaia: EAJren gotorlekua kolokan?

Jon Azkune Torres

Ezin da basakeriaren monumenturik mantendu!

Txema Landa Aizkorbe

"40 landare mota ditugu oihan baratzean, urte osoan bertatik jateko eta tresna xinpleekin lantzeko"

Estitxu Eizagirre

PPk euskararen irakaskuntza presentziala ezabatu du Valentzian, EAEko hauteskunde kanpaina betean

El Salto | Raquel Andrés Durà

Pribatura noa

Josune Azurmendi

Azkenak

2024-04-21 | Asier Etxenike Ugarte

Araba: Zer isla elektoral izango du aldaketak?

2024-04-21 | Gorka Peñagarikano Goikoetxea

Apunte batzuk atarikoan

2024-04-21 | Gorka Peñagarikano Goikoetxea

'Cristóbal Balenciaga' telesaila

"Nabaritu dadila euskaldun batzuok euskaldun baten istorioa kontatu dugula"

Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]

2024-04-21 | Iker Iraola Arretxe

Gipuzkoa: Biren arteko jokoa

2024-04-21 | Jon Azkune Torres

Bizkaia: EAJren gotorlekua kolokan?

Eguneraketa berriak daude