Elena Amezaga: «Errealitatean eta pantalan lan bera egiten dut»

1992ko urtarrilaren 12an

Elena Amezagarekin ETBko "Zurekin zuzenean" saioaz eta bere lanaz
Elena Amezaga: «Errealitatean eta pantalan lan bera egiten dut»
Tarteka marteka ibili da Elena ETBn lanean, baina bere aurpegia ez zen pantallan agertzen, bera idazkaria bait da. Bertako hainbat karguren idazkari moduan aritu ondoren Amatiñorekin hasi da lanean. Beronek izan zuen Elena pantailaratzeko ideia eta azkenik Elena telebistan dugu. Bere esperientzia berriaz aritu gara solasean.
ARGIA. Nolatan hasi zinen "Zurekin zuzenean" saioan lanean?
ELENA AMEZAGA. Proposamena zuzendariak berak egin zidan, saioa ahalik eta errealena egin nahi zuela esanez eta nik parte hartzea eskatuaz. Nik hasieran ezezkoa eman nion baina froga bat egiteko eskatu zidaten. Froga egin eta desastre bat izan zen, baina beste bat egin nuen eta azkenik nere burua pantailan ikusi nuen.
A. Zein da zuk saio honetan egiten duzun lana, bai pantallan ikusten dena eta baita ezkututoa?
E.A. Ni Amatiñoren idazkaria naiz eta ondorioz idazkari lana egiten dut. Saioan agertzen denaz gain idazkari arrunt batek egiten dituen lanak betetzen ditut, besteak beste, makinaz idaztea eta eskutitzak hartzea. Pantailan agertzen dena errealitatean egiten dudan lan bera da.
A. Ez al duzu uste gai gatazkatsuenak ez dituzuela era zabal batean jorratzen?
E.A. Saioa denon artean egiten dugunez berari buruz dugun iritzia ona da. Baina bestalde Amatiño zuzendaria denez berak egiten ditu gai aukeraketak. Guk gaiak bideratu egiten ditugu, baina saioaren edukiari dagokion erabakia berea da.
A. Zer lortu nahi duzue saio honen bidez?
E.A. ETBk enpresa soziologiko bati ikerketa bat eskatu zion telebista hau besteekin alderatuz zertan bereizten den jakin ahal izateko eta emaitzarik nabarmenena hurbiltasuna izan zen, ETB beste telebistak baino gertuago sentitzen zuen jendeak. Honen ondorioz Mikel Lejartzaren ideia izan zen. Jendearekiko hurbiltasuna kapitalizatzeko hain zuzen ere.
A. Zertan egin nahiko zenute lan aurrerantzean?
E.A. Nere lana idazkari lana da, oraingo hau saiakera bat izan da eta ikusiko dugu, baina nere lanarekin gustora nago. Hala ere ez litzaidake atsegingo beti lan bera egitea.
AITZIBER YARZA
61

GaiezKomunikabidTelebistaETBSaioak
GaiezKomunikabidTelebistaETBAurkezleak
PertsonaiazAMEZAGA2
EgileezYARZA1Komunikabid

Irakurrienak

Matomo erabiliz

"Gazteok zutik eta mugimenduan gaude, errealitate gordin baten aurrean"

June Fernández | Pikara Magazine

"Gure Herriaren etorkizuna eta hizkuntzarena batera joango dira"

Miel Anjel Elustondo

"Badugu frustrazioa bueltatzeagatik, baina pozik gaude ere Palestinaz pentsarazi diogulako gizarteari"

Askatasunaren Ontzidiko euskal aktibistak

Kukutza gaztetxearen ondorengoa okupatu dute Bilbon

Axier Lopez

Bollera subjektua erdigunean jartzera datorren hitzordua

Jenofa Berhokoirigoin

Azkenak

2024-04-29 | Euskalerria irratia | Maialen Huarte Arano

Olaia Beroiz: "Emakume errepresaliatuen kemena gogoratzea ezinbestekoa da"

Iruñeko Txantrea auzoko kale-izendegian frankismoan errepresaliatuak izan ziren hamar emakume gogoratuko dituzte. Ekitaldia egin zuten atzo eta auzoaren hegoaldean dagoen plaza bat oroimen gune ere izendatu zuten. "Garrantzitsua da historian gertatutakoa gogoratzea;... [+]

2024-04-29 | Nagore Iturrioz Lopez | Yolanda Porres García | Steilas sindikatua

Hezkuntza publikoari buruz hitz txintik ere ez hauteskundeetan!

2024-04-29 | Rober Gutiérrez

Errenta aitorpena, euskaraz

2024-04-29 | Iñigo Satrustegi

Beste 40 urtez esperoan egon nahi ez baduzue

2024-04-29 | Askatasunaren Ontzidiko euskal aktibistak

"Badugu frustrazioa bueltatzeagatik, baina pozik gaude ere Palestinaz pentsarazi diogulako gizarteari"

Eguneraketa berriak daude