"Sasoiko jendea dago eta desafioari gustoz egiten zaio hortzakada"

1990ko abenduaren 09an

Pello Zubiria, "Euskaldunon Egunkaria"ko zuzendariari elkarrizketa

Pello Zubiria, "Euskaldunon Egunkaria"ko zuzendari:
"Sasoiko jendea dago eta desafioari gustoz egiten zaio hortzakada"
A. Proiektuak ez al du beldurrik ematen?
P.Z Bai. Bi beldur klase bereiziko nituzke nik. Batetik proiektuak ekonomikoki eta enpresa bezala eduki dezakeen arriskua, eta horri begira, azkenengo urteotan euskal kulturan erabili diren dirulaguntza kopuruak ikusita, ez luke motiborik izan behar horrelako sentsazioa izateko. Pentsatu beharko litzateke garantia minimo batzurekin ateratzen dela. Gainera hainbeste akzionistaren diruak daude abiapuntu bezala, azpiegiturak ere antolatuta daude, kolaboratzaile ugari dugu. Hala ere, Egunkaria martxan jartzen eman dugun urte honetan ez dira erabat argitu aginte publikoarekiko harremanak. Arrisku arrazional horrekin ateratzen gara. Uste dugu konponbide batera iritsi gaitezkeela eta iritsi behar dugula.
Bigarren arriskua edo beldurra izan liteke sekulan euskarazko egunkarririk izan ez den herri batean –gerra garaiko puska txiki hura izan ezik–orain beste eremu batean sartzen garela. Hori beldurra baino gehiago desafioa da. Sasoiko jendea dago eta desafioari gustoz egiten zaio hortzakada.
A. Egunkariako kontsentsua luze mantentzea ez al da proiektu anbiziosoegia?
P.Z. Beno, batzuek aipatu nahi duten baino askoz zabalagoa da kontsentsu hori eta berriz ere errepasatu beharko litzateke Egunkaria Sortzen antolatu zuten pertsona guzti horien zerrenda, jatorria eta non ari diren, ze taldetako jendea dagoen hor. Beti egon da kontsentsu maila bat euskal kulturaren barnean, politika munduan egon ez dena, baina hitzarmen hori landu eta goxatu egin behar da. Partaideen eritziak eta ikusi den dinamika ezagututa, iruditzen zait errespontsabilitate handia dagoela denon aldetik eskuartean daukagun apustua txikikeriatan galtzen uzteko. Kontsentsuak aurrera egin behar du, hori bait da bide bakarra euskarazko egunkari batek funtziona dezan.
A. Merkatua nola ikusten duzue?
P.Z Ba, merkatua oraindik ez dugu ikusten. Agian hau publikatzerako kalean izango da Egunkaria eta orduan datu batzu izango dira. Baina hasierako datu horiek ez dira benetakoak; pentsatzen baldin bada 30.000 alerekin kaleratuko dela, hasierako emozioaren ondoren egunero Egunkaria erostera tartea doa. Merkatuak gora-behera handiak izango dituen ala estabilizatuko den eta non estabilizatuko den ikuskizun dago. Gauza txukuna eta euskalzaleekin konektatzen duena egiten badugu, egin ditugun beste gauza asko bezala, posible da bere burua duintasunez mantenduko duen merkatua, erdarazko indartsuenen aldean merkatu txikia, baina ahul batzuren ondoan oso ondrosoa. Eta gainera gure itxaropena da kristoren sorpresak gerta litezkeela.
A. Horpoz horpo segika dituzuela dirudi
P.Z. Oso eleganteak ez diren joerak ikusten ari gara, egia da, eta aipatu beharrik ez dago irakurlea horretaz jabetu dadin. Baina ez dut uste horrek gehiegi kezkatu behar gaituenik. Gure proiektuaz oso seguru gaude eta gurekin dagoen jendearen kontsentsua oso zabala da, lehen esan dudan bezala, horrekin segitzen dugu apostuan. Ez zait iruditzen polemikatan denbora gehiegi galtzeak merezi duenik Guk grure ateak zabalik dauzkagu, jende gehiago etor daiteke gure proiektura eta guri, Egunkaria produktu bezala aurrera atera behar dugunoi, dagokiguna produktu ona ateratzea da, hasieran ipinitako helburu haiek ondo betetzen ari garela zaintzea. Eta hutsuneak egiten ditugunean ez daitezela handiegiak izan, zuzentzeko ahalmena izan dezagula egun batetik bestera. Horixe da gure apostua.
Garbiñe Ubeda
25

GaiezKomunikabidPrentsaEgunkariakEgunkariaPertsonak
PertsonaiazUBIRIA2
EgileezUBEDA1Komunikabid

Irakurrienak

Matomo erabiliz

MAPA | Zer bozkatu dute zure bizilagunek?

Asier Iturralde Sarasola

Iaz gehien mailegatu zen euskarazko liburua, Nerea Ibarzabalen 'Bar Gloria'

Gorka Peñagarikano Goikoetxea

Aldaketa mugatuak eta jarraikortasuna gobernuan

Asier Blas Mendoza

Berde-Bildu hegoaldetik

Maite Díaz de Heredia Ruiz de Arbulo

Sinesmenek ez dituzte mendiak mugitzen

Mati Iturralde

Azkenak

2024-04-24 | Juan Aldaz Arregui

Athletic zuri ta gorria, zu zara nagusia, baina zertan?

Gizonezko futbol profesionalaren gaitasun (im)mobilizatzaileari buruzko hausnarketa soziologikoa (artikulu hau EHUren Campusa aldizkariak argitaratu du)

2024-04-24 | Imanol Satrustegi Andrés

Izan bedi Nurenberg berri bat

2024-04-23 | Zigor Olabarria Oleaga

Gazara bihar abiatuko dela iragarri du Askatasunaren Ontzidiak, Israel, Alemania, Erresuma Batua eta AEBen “presioen” gainetik

“Azken egunetan” hainbat herrialderen ordezkariak Turkian izan direla salatu du nazioarteko ekimenak, Erdoganen gobernua presionatzeko ontzidia ez dadin itsasoratu. Askatasunaren Ontzidiak adierazi du ez duela “onartuko” debekurik, eta apirilaren 24an,... [+]

2024-04-23 | Gorka Peñagarikano Goikoetxea

Uztailean hasi nahi du Erresuma Batuak migratzaileak Ruandara deportatzen

Rishi Sunak lehen ministroak jakinarazi du deportaziorako "baliabideak" prest dituela "legez kanpoko migratzaileak" kanporatzeko. Auzia etenda dago Auzitegi Gorenaren erabaki baten eraginez, baina parlamentuak Sunaken lege bat onartu berri du horren gainetik... [+]

2024-04-23 | Euskal Irratiak

Sexualitate askeen aldarria Atharratzen, Bekat'uros egunean

Eguneraketa berriak daude