"Arrazoin duen Herriari ezin dio inork kontra egin".

1990ko ekainaren 10an

Joseba Elosegirekin elkarrizketan.
Joseba Elosegi, Eusko Alkartasunako senatore
"Arrazoin duen Herriari ezin dio inork kontra egin".
Heriotzea gertutik ezagutzen duen abertzale honek gaisotasun larri batetik irten berri dela Donostiako bere etxean hartu gaitu. Makal mintzo beda ere, Euskal Herriko politikagintza zein unetan eta ingurunean dagoen argi dauka Joseba Elosegik. Bestalde, eskertzekoa galdera erantzunez gain, Madarilgo Senateko partaide den Eusko Alkertasunako politikari honek eskaini digun solasaldia.
Legealdi honetako PNV PSOE arteko hitzarmena amaitzear dagoenean gertutik ezagutzen duzun PNVren jokaera ulertzen al duzu?
Joseba Elosegi.–Ni ez naiz PSOEren kontra. Eta espainolistak badira arrazoia dute postura hori defendatzeko, baina abertzale bezala, arrisku handikoa iruditzen zait horiei jokua egitea. Sozialistek, espainolista hauek, indar handia dute. Horregatik ez da APrekin bezala. AP frankista bezala azaldu zen, eta frankista bezala agertzen da oraindik. 50 urte dira jada.
Gaur egun komeni dena demokrata bezala azaltzea da. Bestela ez dago tokirik, horregatik PSOEk horrekin nahikoa du, espainolistak direlako.
Baina zein da espainolista orain? Fraga Iritarne beti izan da zentralista, baina orain, nonbait, estatutista dela adierazi du.
A.–Eskuindarren artean batez ere, itxura aldaketa batzu aipatu dituzu, azalduko al zeniguke hauen zergatia?
J.E.–Fragak eta bere lagunek, espainolismo huts hutsa defendatu izan dute beti. Baina konturatu dira jendea nazionalista dela, Estatutuek funtzionatzen dutela. Orduan eskuindarrek nahi dutena da, momentua iristen denean, orain edo hemendik urte batzuetara, honi buelta emateko bidea bilatzea. Eta hori beti izan da mugimendu arriskutsua
A.–Garai batean, Garaikoetxea gobernuan zegoenean, Madrilekin negoziatu behar zela zioen, amore eman gabe, baina era berean «itxi» gabe. Orain ikusi dugunez,.PNVk bestelako taktika erabili du: gogor jo beharrean PSOErekin negoziatzen du, paktuak eginez...
J.E.–PNVk hori egiten du PSOE Espainiako gobernuan dagoelako, fuerte delako, zentralista delako.
A.–Zu orain geibernuan bazina ze taktika erabiliko zenuke?
J.E.–Ni abertzalea naiz, eta abertzale bezala benetaio politika egingo nuke. Arzalluz, zer esango nizuke, hemen abertzalea da, baina atzetik ez. Bi paper jokatzen ari da, bata hemen eta bestea Madrilen, hau da, hemen gauza bat esaten du eta han bestea. Aurrean duenaren arabera bi aurpegi ditu. Ni Arzalluzeki urte luzeetan egon naiz eta nik ez dut uste egiarekin jokatzen duenik.
A.–Hor bada gai bat, soldaduzkare. na, pil pilean dagoena eta zuk ongi ezagutzen duzuna. Egun hauetan, Joseba Azkarragak, zure alderdiko diputatuak, gazte euskaldunak ez duela gudaloste espainolera joan beharrik esan du. Hala uste al duzu zuk?
J.E.–Ez da inor ausartzen gauzak behar bezala egiten. Ni profugoa naiz. Nik gerra garaian ez nuen soldaduskarik egin. Lehenengo egunetik sartu nintzen boluntario bezala, gerra egiteko. Ez ejerzito espainolean, gudari bezala. Niri espainol bezala deitu zidaten baina gudari egin nintzen. Gero preso egin ninduten. Orain profugoak ez dira profugo, kontzientzia eragozle baizik. Nik galdetzen dut: zer esan nahi du horrek?
A.–Eman dezagun orain hemezortzi urte dituzula, zu, euskaldun eta abertzale bezala, joango al zinateke derrigortua gudaloste espainolera?
J.E.–Ez. Ez nintzateke joango. Sentsibilitatea aurkituko nuke Eusko Jaurlaritzaren aldetik ihes egiteko. Ni gerrara joan nintzen, baina ez dut sekula koartel bat ikusi. Ez dut nik fusila hartu eta martxarik egin... ez eta antzekorik ere egin.
A.–Ez dituzu armak atsegin?
J.E.–Ez, baina nire Herria defendatzeagatik hartuko nituzke. Ni borrokalari bezala agertu izan naiz beti. Horrek ez du esan nahi ETAn sartuko nintzatekeenik. Nik uste dut ETAko jendea nahaspilatu egin zela, ez zuen indar nahikoa; ez du indar nahikoa beste guztiak eraman ahal izateko, indar gehiago izango du beti ejerzito espainolak. Horrengatik ez dut sinesten esaten den zera hau: "si todos los vascos nos levantáramos, con nosotros no podria ni el ejército español".
Ez dut horrelakorik uste, euskaldunok ez bait dugu aurrean Espainia bakarrik, Estatu frantsesa ere hortxe dugu. Gu ez gara jende nahikoa horri aurre egiteko. Ohar zaitez gure aurrean bi ejerizito ditugula beti Horiek bi ejertzito erregular dira: frantsesa eta espainola. Horien aurka ez dago joaterik, ezin dugu-ezer egin. Gerra beti irabaz lezakete, eta aitzakia, "terrorismo", "sublevación" edo horrelako hitzak dira. Baina beraiek gazteak hiltzeko, jendea hiltzeko prest daude. Horiek ez dira gartzelera joaten. Horregatik gerra egiteko ez gara nahikoa ausart.
A.–Beraz, nola ikusten duzu gure etorkizuna? Zer egin behar dugu euskaldunok gure eskubideak izateko, zein da gure alternatiba?
J.E.–Alternatiba..., ez ausartzea. Baldintzarik gabeko errendatzea ez baina errebeldia bai. Nekatuko dira horiek, eta bestalde, bi mutiko hilko dira gauean, hurrengoan beste sei gartzelara,... ez dira nekatzen.
A.–Baina denbora noren alde jokatzen du? Zein nekatuko dira lehenago euskaldunak ala espainolak?
J.E.–Ez dut uste atentatu eta horiek kalte handirik egingo dietenik daramagu horretan eta zenbat urte falta da oraindik?
A.–Gerra luzea da euskaldunona? Borroka luzea?
J.E.–Gure bizitza osoa. Ni, jaio nintzenetik, 1915ez geroztik beti gerran ibili naiz.
A.– Gaiso egon zaren bitartean, gaurkotasuna izan duen eta orain duen beste gai bat, iruzarrak izan dira, Juan Guerra-ren kasua, PP eta Naseiro... saltsa ugari kaleratu da. Zein irakurketa egiten diozu guzti honi?
J.E.–Hau atera da beste asunto garrantzitsuagorik ez zegoelako, bestela ez ziren azaldu ere egingo. Marketing politikoa baino ez da. Nik uste dut nekatzen ari direla, baina hala ere azkenengo ostikadak izugarrizkoa izan behar du.
A.– Sarritan Euskadi eta bere etsaiez mintzo izan zara. Zein da euskaldunen egungo etsai handiena?
J.E.–Garai batean karlistak, espainolistak zirela esango nizukeen. Orain, ordea, hauek gure aldean dabiltza. Baina solialistekin kontuz ibili behar dugu, sozialistak batzuekin behitzat. PSOE da neurri batean gure etsaietariko bat. PSOEko batzuk, espainolistak bait dira, antinazionalistak era bat. Hauek gogor egingo digute eta duten postua galtzea komeni litzaiguke.
A,–Asko ikusitako abertzalea zara. Gaur egun Euskal Herria nori dagoen ikusirik, zer esango zenuke?
J.E.–Nik uste dut herri hau bere bidean zahartuko dela. Alde.batetik, pistolek ez dute irtentiderik aurkituko, haiek, Frantzia eta Espainia, askoz indartsuagoak direlako. Eta ez ahaztu frantziarrak gerra kontutan espainolak baino gaiztoagoak direla.
Ederki ezagutzen ditut frantsesak. Alemaniarren denboran ni han bizi nintzen, Frantzian, eta alemanen eta frantsesen kontra nengoen. Hala ere, aukeran izatekotan nahiago dut alemaniarra aurrean eduki frantsesa baino. Azkarrak dira frantsesak. Alemaniarrekin ez naiz inoiz konpondu, baina egia esan, ezagutu nituen ofizial alemaniarrak. Ni euskalduna nintzela jakinda, Miarritzen atxilotu ninduten batean, ofizial aleman bat euskaraz etorri zitzaidan niri. Hala preparatuta zegoen, eta bazekiten gure kezka zer zen. Halaxe esan zidan ofizial hark burua altxata: "euskaraz ba al dakizu?"
Gure asuntoez eta gure abertzaletasunaz nik baino gehiago zekien hark. Oso ondo portatu zen nirekin. Eskerrak hari ni ez ninduten Alemaniara eraman.
A.–Pistolekin ez dela ezer konponduko esan duzu. Zer behar da orduan, batasuna, elkar hizketa...?
J.E.–Batasuna. Aurpegia erakutsi eta batasuna. Nekatuko dira, herrien kontra ezin liteke ibili. Baina herriak batuta egon behar du derrigorrez. Arrazoin duen Herriari ezin dio inork kontra egin. Europan halako zenbat adibide dugu? Oraintxe bertan Sobiet Batasunean irabazten ari dira herri txikiaka. Herriak arrazoi duenean herriak irabazten du ehuneko 99,9an.
XABIER LEKUONA B.ARTOLA.

Joseba Elosegi,Eusko Alkartasuneko senatore Madrilen.
Jose Elosegiren ustetan, aldameneko bi estatuak nekatuko dira, herrien kontra ezin bait liteke ibili. "Baina herriak batuta egon behar du derrigorrez" gaineratzen du.
"Ni, jaio nintzenetik, 1915ez gerostik, beti gerran ibili naiz."
8-10

GaiezPolitikaEuskal HerrTaldeakAlderdiakEA
GaiezPolitikaEstatuakEspainiaErakundeakSenatua
PertsonaiazELOSEGI2
EgileezARTOLA3Politika
EgileezLEKUONA6Politika

Irakurrienak

Matomo erabiliz

Ertzaintzak herritar bati Irunen egindako erasoak haserrea eragin du

Lander Arbelaitz Mitxelena

"Nire burua duela 20 urte bezain indartsu ikusten dut"

Euskalerria irratia | Miren Mindegia

Zapaterok dio Ostiral Santukoaren gisako akordio bat egon zela ETAren amaieran

Xabier Letona Biteri

54 urteko espetxe eskaera sei pertsonarentzat presoen ongi etorriak antolatzea egotzita

Xabier Letona Biteri

"Zenbat dugun kontatzeko!" Euskal Herriko mapa sortu dute

Euskal Irratiak

Lurra taupaka hasiko da

Estitxu Eizagirre

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude