Izan Ere: "Geure kantetan kitarrek ezartzen dute pauta"

1989ko urriaren 29an

Izan Ere musika taldekoekin elkarrizketa.

MAKETA-DUN TALDEAK EZ DITU INORK GELDI ERAZIKO (5)
Izan Ere: "Geure kantetan kitarrek ezartzen dute pauta"
Aktuazio mailan eskas ibili badira ere, dagoeneko bi maketa kaleratu ditu gipuzkoar seikote honek, "Musikarte"n grabatuak biak. Orain zuzeneko ekitaldiei eutsi nahi diete, eta maketa berria grabatzeko asmoa dute "Tsunami"n. Kitarra hotsa nagusi da beraien musikan.
Aurretik Alex eta Ferminek kitarra jotzen bazuten ere, 85ean kanta batzu egiten hasi ziren eta hortik sortu zen taldea. Rock konkurtsotara sarri aurkeztu izan dira, eta aurrera zihoazen heinean aldaketak eta nolabaiteko trasbasea eman zen taldean. Gaur egun Fermin kitarra solista gisan aritzen da, Patxi kitarra erritmikoan, Manu baxuan, Hector baterian eta Alexek ahotsa ipintzen du; bigarren maketa grabatzeko zerbait gehiago behar zela ikusi zuten, eta Isaac saxoa elkartu zitzaien.
Lehen maketa intimista
87ko gabonetan grabatu zuten Ilunaren babesean maketa, eta konposizio mailan kanta txukunak badira ere, agertzen dena baino joku haundiagoa ematen zuten
"Jende askok ez dakien kontua da, baina maketa hau Fermin eta biok bakarrik grabatu genuen",
mintzo zaigu Alex.
"Berak bateria, kitarra eta baxua jotzen ditu, eta nik ahotsa ipintzen dut. Kanta nahiko intimistak dira, baina nahiko light geratu zen maketa, ze ezinezkoa zen Ferminek instrumento guztiak menderatzea. Kanta onak direla esan digute, baina zerbait falta zaiela, deskafeinatu xamarrak omen".
Kanta guztiak beraiek sortzen dituzte, eta musika egitea pastela egitea balitz, esan daiteke Alexek osagaiak prestatzen dituela eta Ferminek hauekin pastela egiten duela. Taldekideek Fermin nahiko heavy-a dela diote, eta honen eraginez kitarrak oso gogor entzuten dira.
"Geure kantak rockeroak dira, kitarrak beti egon dira lehenengo mailan, eta hauei laguntzen baxu eta bateria potenteak; baina ahotsa sartzean apaldu egiten dira oso".
Nahasketa berezia suertatzen da dudarik gabe, zail gertatzen delarik inoren antzarik nabarmentzea.
Barietate haundiagoaren bila
Bigarren maketan ordea, Hiriko argian, teknika aldetik gauza berriak egiten saiatu ziren, estribilo-estrofa eskema errepikatua apurtu nahian, honek ez bait zuen ezer berririk ekartzen. Kantaz kanta aldaketa haundiagoak daude, aurrekoan falta zen barietatea eskaintzen dute, betiere kitarrek pauta ezarriz.
"Jendeak esaten dizunaren arabera funtzionatzen duzu neurri batetan; kanten egitura eta erritmoa beti oso antzerakoa zela aipatzen ziguten, eta aldaketak egiten hasi ginen, saxo gehiago sartuz eta kitarrak lasaiago agertuz".
Ikasketak direla medio, ez diote denbora gehiegi eskaini taldeari; aktuazio mailan ere ez dute sorterik izan, ez bait dute zuzenean apenas jo,
baina aritu garenean erantzun ona jaso izan dugu"
Aurrera begira taldea ganora haundiagoz hartzeko gogoa dutela adierazi digute, denbora gehiago izango bait dute kontzertuak lotzeko eta entsaiatzeko. Kanta berriak ere prestatzen ari dira,
"eta maketa berria grabatu nahi genuke Tsunami-n".
Musikari buruz zalantza piloa dutela onartzen dute;
"estiloz aldatzea ere pentsatu dugu; bestalde, euskaraz kantatzen jarraituko badugu ere, hau ez dugu militantismoz egiten, euskara bultzatu behar delako. Ez gaude erdararen kontra, eta ingelesez kantatzen hastea ere pasa zaigu burutik".
XABIN MAKAZAGA
49

Gaiez\Kultura\Musika\Musika mode\Taldeak\IZAN ERE
Egileez\MAKAZAGA2\Kultura

Irakurrienak

Matomo erabiliz

Ertzaintzak herritar bati Irunen egindako erasoak haserrea eragin du

Lander Arbelaitz Mitxelena

54 urteko espetxe eskaera sei pertsonarentzat presoen ongi etorriak antolatzea egotzita

Xabier Letona Biteri

"Zenbat dugun kontatzeko!" Euskal Herriko mapa sortu dute

Euskal Irratiak

Efemeridea: Joxepa Antoni Aranberri ‘Xenpelar’ bertsolariak neskazaharrren defentsan bertso sorta argitaratu zuen

ARGIA

Israel ahulduta eta Iran boterea hartuta

Asier Blas Mendoza

"Nire burua duela 20 urte bezain indartsu ikusten dut"

Euskalerria irratia | Miren Mindegia

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude