Orio eta Oxford estropadetan berriz


1989ko maiatzaren 07an
Orioko Arraun Elkarteko Iñaki Sarasuari elkarrizketa

Iñaki Sarasua, Orio elkarteko presidentea, herriak bizi duen aparteko giroaren lekuko
Orio eta Oxford estropadetan berriz
Maiatzaren 6an nazioartelo estropadak izango dira Orion, bertan izango direlarik Oxford-elo arraunlari ingeles famatuak, besteak beste. Arestian ospatzen ziren nazioarteko txapelketen berpiztea izango den aurtengo honek aukera bitxia eskainiko digu benetan gure itsasotik landa dabiltzan beste hainbat batel ikuskatzeko. Iñaki Sarasua, Orio elkarteko presidentea, aritu zaigu honetaz.
ARGIA: Ez da lehenengo aldia Oxford Oriora datorrela ezta?
IÑAKI SARASUA: Ez, 1968an antolatu genituen Orion lehenengo aldiz nazioarteko estropadak eta 1977an azkenekoz, eta tarte horretan behin bakarrik irabazi digu Oxford-ek, baina irabazle desberdinak egon dira, Orio, Cambrigde, alemaniarrak eta amerikarrak.
A.: Nolako antolaketa izan zenuten eta zer giro izan zen estropada haietan?
I.S.: Oso herrikoia, herriak erabat lagundu zigun gauzak ondo atera zitezen, eta oso giro jatorra izen zen. Herria gainezka zegoen kotxez eta jendez eta Oriorako jai haundia bihurtu ziren estropada haiek.
A.: Eta aurtengorako zer giro espero duzue eta nolako itxaropena deukazue?
I.S.: Ba nik uste dut aurten ere giro ezin hobea izango dugula. Batetik, Oxford-ek oso tripulazio ona dakarrela uste dut, Cambridge-ri behintzat ederki irabazi dio beraien arteko urteroko estropadan. Eta beste klub guztien artean ere erantzun ona jaso du gure deialdiak. Zazpi estropada izango dira, nagusia zortzikoan Oxford eta Orioren artean, beste guztietan Alemaniako klub indartsu bat izango da, euskaldun onenak eta estatuko talde batzuk ere.
A.: Askotan esaten da Orion beste inon ez bezala sentitzen dela arrauna. Hala al da?
I.S.: Bai, hori argi dago, beste herrietan ere emaitza onak direnean eta jendea ibiltzen da, baina hemen bezala ez da inon sentitzen, Orion jendeak barren barrenean darama arraunarekiko grina hori, eta hau aspaldiko kontua da gainera, tradizio haundia dago.
Arraunlariak eta liskarrak
A.: Azken urteotan arraunlari onak sortu dira Orion. Horietarik bik, Urbietak eta Agirrek Seulgo olinpiadetan parte hartu zuten, hemen izango al dituzue orain?
I.S.: Ba ez, oraintxe bertan Italian dira lehiaketa batean, orain arte berriz Mexikon izan dira kontzertatuta eta ia urte guztia Españako selekzioan pasatzen dute. Guretzat hau galera haundia da, izan ere beste taldeetan bezala, zazpi edo zortzi arraunlari izaten dira punta puntakoak eta bi kenduz gero maila jeitsi egiten da. Espainiako Federazioak ez die parte hartzen uzten klubean eta euskal Federazioaren selekzioan ere ez.
Hau dela eta, duela bi urte izan zen iskanbila Orioko arraunlari batzuk Espainiako Federazioaren fitxa izenpetu zutelako. Pertsona batzuk bultzatu zuten hura garbi asko, hain zuzen ere oraintxe españolan agintzen dauden euskaldunek. Izan ere, orduan euskal Federazioan zeuden eta berauek sortu zituzten españolaren kontrako tirabirak, baina ikusten denez helburu bakar batekin, berak iristea españolan agintzera, eta orain bost axola zaie euskal federakundea.
Garbi dago pertsona gutxi batzuren helburu makur batzurekin klub bateko arraunlari guztiak atera zirela kaltetuak, estropadak jokatu ezinik geratu bait ziren beste kluben boikota zela medio, espoñalako oraingo agintariek bultzatutako boikota, jendea erabili egin zuten beren interesetarako.
Bi filosofia desberdin arraunarekiko
A.: 86an berriz, arazoak herrian bertan izan ziren, Orioko bi bandoen artean. Hori zergatik gertatu zen?
I.S.: Orion bi filosofia desberdin daude arraunarekiko, badira batzuk banko fijoko arraunketa bultzatu nahi dutenak buru belarri, eta guk berriz ez diogu utzi nahi arraunketa olinpikoari, uste dugu biak konpatibleak direla eta ibil daitekeela "outriger"ean eta udan traineruan, baina bateletan eta ez dugu parte hartu nahi.
Iritziz iritzi, kontua da ez dela beharko litzatekeen laguntza ematen bi konzepzio ezberdin hauek dauzkagunon artean, eta azken finean herria bera gertatzen dela galtzaile. Oriotik kanpo ere ematen dira arraunketa ulertzeko bi mota ezberdin horiek, Pasai San Juaneko Koxtape esate baterako eta Donostiako klubak ere gu bezalakoak dira honetan, arraun olinpikoa egiten dute da urtean eta udan trainerua. Bestelakoak ere badira noski, Zumaia eta San Pedro adibidez.
A.: Badirudi azken urte hauetan tosta fijoko arraunketak gorakada haundia izan duela, arraunketa olinpikoaren kaltetan behar bada?
I.S.: Ezta gutxiagorik ere, egia da gero eta klub eta arraunlari gehiago dabilela bateletan eta traineriletan, baina "outriger"ean ere bai. Gainera oker ez banago behintzat, San Pedro eta Zumaia bera ere arraunketa olinpikoan hastekotan dira. Arraunean ikasteko egokiagoa da mobila, askoz ere arraunketa teknikoagoa da eta arraunlariarentzat politagoa eta erasoagoa. Dena dela nik uste dut arraunketaren bi modalidade hauek biak ari direla goraka, eta hori oso garai ona bizi duela oraintxe bertan arraunak.
Sozioen laguntza oinarri
A.: Zuek zenbat arraualari dauzkazue eta zein da arraun elkartearen egoera?
I.S.: Ba seniorretan gizonezkoak 22 dira, baina beheko mailatan dabiltzan neska mutilak kontatuta 80tik gora arraunlari darabilkigu. Eta hori herri txiki batentzat asko da. Aurten berria dugun gaia zera da medikuarena, beste kiroletan bezala arraunean ere gero eta gehiago begiratzen dira arraunlariaren teknikari eta osasunari dagozkion alor guztiak, eta horretarako beharrezkoa dugu laguntza medikoa, arraunlariaren preparazioaren segizioa egiteko eta aurten kontratoa egina daukagu mediku batekin, hain zuzen eskubalaiko Elgorriaga-Bidasoak ere darabilen medikuarekin. Gure beste borroka bat ontzi gehiago lortzea izaten da beti, arraunlari guzti horiek egunero entrenatu ahal daitezen.
A.: Hori dena aurrera ateratzeko diru asko beharko da; nondik ateratzen duzue?
I.S.: Orain arte oinarria sozioen diru laguntza izan da, eta oso pozik gaude alde horretatik. Gero herri mailak erakundeek ere laguntzen dute, batez ere udalak. Baina hala ere ez da nahikoa izaten eta aurten sponsor berri bat lortzera jo behar izan dugu eta Cinzano-rekin egin dugu tratua, hau laguntza haundia izango da denboraldia aurrera atera ahal izateko. Gainera honen bitartez lortu dugun Orion traineru estropada bat izatea, abuztuaren 17an jokatuko dena.
A.: Bukatzeko, nola dakusazu aurtengo traineru denboraldia?
I.S.: Aurten faborito pasaitarrak aterako dira, bai San Juan, bai San Pedro, lehengo urteko tripulazio bera dute eta zalantzarik gabe, puntan ibiliko dira baina guk itxaropena daukagu hauekin bateratsu ibiltzeko. Oso tripulazio gaztea daukagu, eta aurten ez bada ere, nik uste zer esana emango duela.
IÑAKI ITURAIN
Oxford-eko arraunlarink Tamesis ibaitik Oriora etorri zai entrenatzen ari dira gogor oriotarrak.
Iñaki Sarasua, Orioko Arraun Elkarteko presidentea.
22-23


GaiezKirolaArraunaBesteak
PertsonaiazSARASUA3
EgileezITURAIN1Kirola

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude