Iñaki Alkiza, estadio berria esku batean ekipo zaharra bestean

1989ko martxoaren 12a
Errealeko presidentea den Iñaki Alkizari elkarrizketa.

Errealeko presidentea Atotxako zelaia noiz utziko desiatzen
Iñaki Alkiza, estadio berria esku batean ekipo zaharra bestean
Elkarrizketez nekatuta dagoela azaldu digu Iñaki Alkizak Errealeko aretoan sartu bezain pronto, baina Donostiako taldeak gaur egun dituen arazoei buruz bere iritzia jasotzea lortu dugu. "Estadioa" izan da elkarrizketaren ardatza, honezaz gain beste zenbait gai ere jorratu ditugularik.
Duela zortzi edo bederatzi urtetik hona, Atotxako futbol zelai zaharra uzteko ahaleginetan ari da Donostiako ekipoa, azkenik Anoetako estadioa irtenbide bakarra bilakatu delarik dirudielarik, Errealaren eritziaren aurka.
"Anoetan soilik estadioa egiteko aukera dago. Bai gobernua, bai diputazioa eta bai udaletxeko jendea estadioaren aldeko agertu dira. Guri kanpoa eraikitzea atsegingo litzaiguke, baina dirua jaso nahi badugu estadioa egin behar dugu".
Diru publikoaren erabilera
Prentsa mailan erabiltzen diren zenbakien arabera, 2.000 miloietako proiektua dugu Anoetakoa, azkenik gauzatuz gero diru publiko frango erabiliko delarik erakunde pribatu baten baitan garatuko den honelako proiektu batetan.
"Erakundeen arteko harremanak nahiko aurreratuak daude, eta gutxinaka gatxinaka akordio batetara ailatzen ari gara". Eginiko zatiketaren arabera, udaletxeak, gobernuak eta diputazioak 800 bat miloi ipiniko dituzte, CSD delakoak 700 bat miloi eta azkenik zelaiaren "jabea" izango dena, hots, Errealak 500 miloi ipiniko ditu. "Guk orain daukagun arazo nagusia, jarri behar dugun dirutzaren jatorria da, hain zuzen ere hortan gabiltzalarik".
Atotxakoa udal futbol zelaia izaki, Erreala da bertan aritzen den ekipo bakarra. Gauzatu beharreko estadioaren inguruan, atletismoaren mundutik batipat, kritika frango entzun ahal izan dira azken hilabeteotan, Errealaren baitan, kanpoaren "jabe" izatea bait da helburua.
"Gure helburua, estadioan Atotxan gauden bezala egotea da. Nik uste dut atletismoko mitinak eta burutuko direla estadioan bertan, baina ez gaude Julio Iglesias eta partidu politikoak adibidez, bertan iharduteko prest, hortik ez gara pasako".
Dakusagunez, Erreala izango da bertan arituko den futbol ekipo bakarra, dirua ordea Gipuzkoar ororen poltsikutik aterako da, nola konpreni daiteke hau?
"Arrazoi horrexegatik ez da egiten kanpoa, ez da Errealaren estadioa izango, Euskal Herriko esatadioa baizik. Atotxan ere futbol zelaia ez da gurea, udaletxearena da".
Azpiegitura kaxkarra
Ezin aipatu gabe utzi noski, Errealak duela urte batzuk Zubietako kanpoaren alde eginiko apostua, hor sartutako diru kopurua ez bait da txantxetakoa. Anoetako estadioa gauzatuz gero, Errealak ez du Zubietako ingurunea bertan behera uzteko asmoa, are gehiago, berrikuntzak egiten dihardute Donostiako ekipokoek.
"Hori ezin da bertan behera utzi ðdio Iñakikð, diru dexente sartu bait dugu, eta geinera oraindik ere hortan ari gara. Orain artean darabilzkigun kanpoez gain, bi hilabete barru beste bi kanpo berriren jabe izango gara".
Gipuzkoako futbol federakuntzaren gidaritzapean bi dira Donostiako ekipoek erabilgai dituzten zelaiak, Anoeta eta Matigoxotegikoa hain zuzen ere. Datu honen aurkezpen soilak, garbi azaltzen du Donostiak kirol mailan duen azpiegitura kaxkarra. Egoera honi jaramonik egin gabe, soilik goi mailako kirolarien probetxurako gertatuko den eraikuntza bati ekingo diote erakundeek.
"Estadioa gauzatuz gero, egoerak orain bezala jarraituko du. Dena dela esan beharra dago, estadioaren alboan beste zelai txiki bat egingo dutela, guztien erabilerarako noski".
Estadioaren arazoa saieskatuz, aurten taldeak eskeinitako kirol maila aztertzeari ekin diogu, birritan tira behar izan diogularik Iñakiri mingainetik balorazio bat eman dezan.
"Balorazio bat ematea oso zaila da. Dena den kontuan eduki behar dugu, urte hasieran hiru mutil joan zitzaizkigula, gerta zekigukenaz bildur ginelarik".
Etxekoen aldeko apostua
Nahiz eta Iñakik ez aipatu, jende artean nolabaiteko dezepzioa soma daiteke, hau errege kopan kanporatuak izan ondoren areagotu egin delarik.
"Errege kopan esperantza handiak geneuzkan, aurreko urteetan oso denboraldi bikainak egin bait ditugu honako txapelketan. Baina azken neurketan Oviedok kriston jipoia eman zigun. Europan ordea oraindik hor gaude, nahiz eta kontraesana iruditu, lehengo urtean ekipoa hobeago batekin bigarren txandan kanporatu bait ziguten. Azkenik, eta ligako txapelketari dagokionez, lehengo urtean hobeto geunden, baina garbi dago ez dugula etsi behar".
Errealeko jokalarien jaiotze datan gainbegirada bat emanez gero, desoreka nabari bat soma daiteke: sei-zazpi bat jokalarik 30 urte inguru dute, eta beste 10-11 batek 22 urtetik beherakoak dira. Orainartean etxeko jokalariak izan badira ekipoaren ardatza, taldearen bilakaera ikusiz, jokalari atzerritarrez hitzegiten hasi dira zenbait kazetari.
"Eztabaida hori, neri dagokidanez behintzat, ez da halakorik izan. Hori kazetariren batek sortutako eztabaida da. Neri oraindaino ez zait inolako bazkiderik etorri halako eskakizunik egiten".
Errealetikan pasa diren atzerritarrak, esku bakar batekin zenba daitezke, lortutako garaipenak etxeko jokalariekin lortu direlarik.
"Neretzako atzerritarrak ez dira Frantziarrak eta Britaniarrak soilik, esaten den bezala, Ebrotik berakoak baizik".
Jokalariei dagokienez aldaketarik eman ez baldin bada ere, entrenatzailearen esparruan atzerritar bat dugu Donostiako aulkian eserita azken urteotan. Entrenatzaile galesarekin, taldeak izaera berezi bat bereganatu zuelarik. Hau honela izaki, etxeko entrenatzaileei buruz galdetu diogu Alkizari:
"Duela lau urte, ekipoak Ormaetxearekin zazpi urte pasa ondoren beherakada bat pairatu beharra izan zuela ikusi genuenean, egoerari irtenbide bat aurkitu beharrean aurkitu ginen. Bi ziren garai hartan genituen aukerak: Sestao taldean aritzen zen Javi Irureta batetik eta Toshack galestarra bestetik. Irureta ez hautatzearen arrazoia, bere esperientzia eza izan zen, orduan urte bakar bat bait zeraman Sestaoko taldea gidatzen".
Orainartean entrenatzailea eta jokalarien arteko harremanak onak izan baldin badira ere, azken asteotan deseroso azaldu izan dira jokalariak entrenatzailearen zenbait adierazpenekin Madriden aurka jokatu beharreko partiduaren aurretik batipat.
"Era horretako gatazkak leku guztietan izaten dira, gehienbat ekipoa ondo ez doanean azaleratzen direlarik. Dena dela azken asteoteko gatazkak entrenatzailearen eta jokalarien artekoak izan dira, honez gero gaindituta daudelarik, entrenatzaile bera aritu bait da banan bana jokalariekin hizketan".
I.GOIKOETXEA
Iñaki Alkizak, 'sinisteko ikusi egin behar' zioen estadio benrria dela-ta.
Duela 8 hilabete pasatxo, beste lau urtetarako presidente gisa aukeratua izan da Iñaki Alkiza.
42-43


Gaiez\Kirola\Futbola\Taldeak\Real Socied
Gaiez\Kirola\Futbola\Lehendakari
Pertsonaiaz\ALKIZA2
Egileez\GOIKOETXEA5\Kirola
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
2019-03-26 | ARGIA
Emakumeen presentzia nabarmenarekin herriz herri dabil euskarazko film laburren Laburbira zirkuitua

Martxoaren 20an Bergaran hasi zen hamaseigarren Laburbira zirkuitua eta Valentzian amaituko da apirilaren 13an. Aurten bederatzi film labur ikusteko aukera emango du eta datu bat nabarmentzen da: bederatzi lan horietatik zazpi emakumeek zuzendu dituzte.


2019-03-26 | ARGIA
Dilma Ferreira Silva aktibista hil dute Brasilen

Brasilgo iparraldean dagoen Pará estatuan hilketa bortitz bat gertatu zen joan den astean. Dilma Ferreira Silva, presek kaltetutako pertsonen mugimenduko koordinatzailea eta beste bi pertsona hil zituzten. Albisteak berriz ere lehen lerrora ekarri du Brasilen mota horretako azpiegiturek milaka herritarrei eragiten dizkieten kalteak.


2019-03-26 | ARGIA
Franco fundazioak Vox finantzatzen du... baina nork finantzatzen du Franco fundazioa?

Francisco Franco fundazioak Vox alderdi ultraeskuindarra ekonomikoki bultzatzen duela agerian geratu ostean, galdera automatikoki pizten da: nondik ateratzen du dirua Espainiako diktadore faxista goresten duen elkarte horrek? Azken hamarkadetan erakunde publikoetatik jaso dituen laguntzak dira finantzazio iturrietako bat.


Desarmons-les kolektiboko kide bat atxilotu dute Euskal Herritik Pariserako trenean

Oldartu gazte dinamikak antolatuta hitzaldia eman zuen igandean Itsasun. Elkarretaratzea eginen dute atxiloketa salatzeko, gaur 18:30ean, Baionako San Leon itzulgunean.


2019-03-26 | ARGIA
Ertzaintzaren azken promozioa 200 lanpostutan handitzea erabaki du Jaurlaritzak, hautaketa-prozesua martxan dela

Ertzaintzako lanpostuen promozioa aurreikusitakoa baino handiagoa izango dela iragarri du Eusko Jaurlaritzak. “Ertzain berriak hautatzeko 28. deialdia zabaldu egingo dugu, 500 izan ordez, 700 izango dira eskainiko ditugun plazak”, adierazi du Estefania Beltran de Heredia Jaurlaritzako Segurtasun sailburuak.


2019-03-26 | ARGIA
Kristau Eskolako eta IZEAko langileak, greba egun gehiagoren ataritan

Kristau Eskolako ordezkariekin negoziazio bilera egin zuten sindikatuek astelehenean. Atzokoaz gaindi patronalak beste proposamenik egin ezean, greba egun gehiagori ekingo diete astelehenean.


Etxe kaleratze bat salatu du Aranzadik Irueko Donibane auzoan

Alokairuan zen bikote baten kaleratzea salatu du Aranzadik.


Argazki bilduma
Bizitza, justizia eta bakearen alde errepideak moztu dituzte 15 egunez Kolonbiako hego-mendebaldeko indigenek

Martxoaren 10ean hasi zen Kolonbiako Cauca eskualdean Bizitzaren, Lurraldearen, Demokraziaren, Justiziaren eta Bakearen aldeko minga (auzolana). 15.000 indigena mobilizatu eta errepideak moztu dituzte, hainbat nekazari elkarte eta mugimendu sozial eta zibilekin batera. Poliziarekin izandako istiluetan 10 lagun hil eta dozenaka zauritu izan dira. Andoni Barreña eta Julen Larrañaga Garabideko kideak han dira eta gertatutakoaren berri eman dute.


2019-03-26 | ARGIA
Errepresioa eta protesta sozialen kriminalizazioa jo-puntu, Bilbon burutuko diren jardunaldietan

Martxoaren 29tik 31ra bitartean Bilbon egingo diren “Errepresioaren eta protesta sozialen kriminalizazioaren kontrako jardunaldiak” aurkeztu dituzte asteartean.


2019-03-26 | Eric Dicharry
Jupiter versus Janus

Poesia-errealitatea artifiziorik gabe errealitatera doa. Poetak Estatuaren ekipamenduak idazten ditu. Kaskoa: 800 euro. Defentsa bala jaurtitzailea : 650 euro. Defentsa bala: 30 euro. Gorputzaren babesa: 2.500 euro. Ezkutua: 350 euro. Borra teleskopikoa 70: euro. Granada lakrimogenoen jaurtitzailea: 2.500 euro. Borra Tonfa: 30 euro. Granada lakrimogenoa klasikoa: 15 euro. Granada lakrimogenoa GLI-F4 soinu efektuekin: 25 euro. Granada jaurtitzailea: 900 euro. Granada desinguratzerako: 20 euro.


Azkenak
EGILEA
Eguneraketa berriak daude