"Guk FOPak Euskaditik Erretiratzea Eskatzen Genuena

1987ko martxoaren 08an

Karlos Garaikoetxea, EAko lehendakariari elkarrizketa
Karlos Garaikoetxea, Eusko Alkartasuna
"Guk FOPak Euskaditik Erretiratzea Eskatzen Genuena
Azkenean EAJ eta PSOEren arteko tratuarekin bukatu da azaro bukaeratik luzatu den gobernu falta. Hasieran hain posibletzat ikusten zen tripartitoa haizeak eraman zuen. Askoren ustez lehendakaritzatik gertu zirudien Karlos Garaikoetxeak azkenean bere izena atzera bota eta aspaldi Gasteizko Parlamentuan ikusitako interbentziorik mikatzena egin zuen. Beregana jo dugu.
ARGIA.– Ez al zara frustratua sentitzen azken hilabeteotan gertatu direnen ondoren?
Karlos Garaikoetxea.– Ez. Azkenengo negoziazioei buruz mintzatzen bazara, nere ustez, egin behar genuena egin dugu eta behar bada. gertatu behar zuena gertatu da. Guk egitasmo edo "programa minimo" bat proposatu genuen, gaurko posibilitateen araberan, emaitza handiena ateratzeko Euskadirantzat. Bainan PSOEk beste oportunitate merkeagoa ikusi zuen eta PNVren botere zaletasun edo beharra aprobetxatu zuen. Zoritxarrez, beren akordioak kalte izugarria egin dio gure autogobernuari.
Tripartitoaren Frakasoa
A.–EA, EE eta PSE-PSOEren arteko gobernu tripartitoaren frakasoa nola ulertzen duzu dena pasatu denean?
K.C.– Neretzako ez da frakasoa izan. Gu ez geunden prest edozein preziotan Jaurlaritza bat osatzeko.
Dakizunez, gure eskakizun batzuk historikoak ziren: adibidez, Gizarte Segurantzarako benetako kontzertu ekonomiko bat lortzea, emaitza historiko bat izango zen. Eta horrela beste gai batzuk. Alderantziz, gai hauetan amore ematea, saldukera izugarria da.
Horregatik nahiago izan genuen kanpoan gelditzea. Nahi izan bagenu, orain dela aste batzuk Ajuria-Enean egongo ginen. Baina nik beti susmatu nuen gauza bera: azkenengo uneetan PNVko buruzagiak edozein proeziotan babestu behar zutela boterea antolatu dutenen aparatoa, nahiz eta Euskadik prezioa ordaindu behar.
A.– PNV elkartu da azkenean PSOErekin, askok kalkulatzen zuten ildotik. Ez al du horrek konfirmatzen gobernu posibilitate bakarra bide horretatik zegoela eta zuen mugimendua «listoia jasatzerau bakarrik bideratua zegoela ziotenen pronostikoa?
K.G.–Ez, lehen esan dudan bezala, "hemen eta orain" dauden posibilitateen arabera aberriaren aldeko baldintza onenak ipini genituen. Gure egitasmoa posiblea zen. PSE-PSOEk berak gai zailenetako batzuk onartu zituen, baina Madrilgo agintariei konprometitu gabe... Guk ez genuen onartu, baina PNVk orduan amore eman zuen.
EA eta PNV Ezberdin
A.– Gauza batean behintzat denek emango dizute arrazoin: bitxia da kanpainan PSOEren kontrako beldurra erabili zuen EAJ izatea azkenean haiekin biltzen dena. Zuen baldintzak baino apalagoak onartu al dituzte?
K.G.–Bai, noski. Adibidez, guk eskatzen genuen Gizarte Segurantzarako itun bat, Euskadik ordaintzean oinarrituta. Honek adierazten du "Insalud', eta "lnserso", finantziatzeko ehuneko zortzi ta piko ordaindu behar ziotela Euskadiri, eta PSE prest zegoen, Madrilgo Gobernuaren konpromisorik gabe...! PNVk 6,24% onartu du, baina grabeena zera da: ez dituzte kontutan hartzen gure ordaintzak, gastuak baizik... Ertzantzari buruz, adibidez, guk eskatzen genuen FOPak Euskaditik erretiratzea; Ertzantzaren ordeko aldaketa. Edota, gobernadoreak erretiratzea... Adibide asko jar daiteke.
A.–Ez zuek eta ez EAJko buruek ez duzue sinistu benetan bion artean gobernua osatu áhal izateko posibilitatean. Zergatik?
K.G.–Lehendabizi, diferentzia handiak daudelako gure egitasmoetan. Adibidez, nazioaren antolamendua, erakundeen rola. Gure kongresuan diferentzi hauek argi ikusiko dituzue, ideologikoak baita ere. PNVko buruzagiak gero eta kontserbadore eta foralistagoak dira. Gainera, euren azpijoku eta zikinkeriak elkargaitzak dira holako projektuarekin.
A.– Orain osatuko den gobernuak luzarako bizia al du zure ustez? Zenbat iraungo duen pronostiko bat egitera ausartuko al zinateke?
K.G.–Nere ustez zaila izango da bi urte baino gehiago irautea.
Yoldi eta HB
A.–Gogorra izan zinen Juan Carlos Yoldiri emandako erantzunean.
K.G.–Ni begirune handiz hitz egiten saiatu nintzen. Bainan berak esan zizkigun gauza gogorragoak. Gainean, nik nere ideiak azaldu nituen: nik Euskadiren askatasuna lortu nahi dut. Bainan ez naiz ados bitarteko batzuekin. Euskal Herriko sektore baten ordezkaria naiz, eta Legebiltzarra gure Herriaren ordezkaritza da, eta Yoldik deskalifikatu egin gintuen.
Gainean HBri esan nion, HB ere pragmatikoa dela, Iparraldea bere egitasmoan aipatzen ez dutelako... Orduan, guk ere badugu gure eskubidea azken helburuak eta epe laburrerako egitasmoak bereizteko... Nere erantzuna, noski, HBrentzako zen. Mementu haietan Yoldiren egoera sentitzen nuen, benetan.
A.–HBren proposamena ere hor dago, abertzaleen artean akordio historiko batera iristearena alegia. Hortik urrats berririk eman al daiteke?
K.G.–Bai, behar bada bai. Bainan ez Jaurlaritza berri bat osatzeko noski erakundeak onartzen ez dituztenez gero... Gu autodeterminazioaren alde gaude, eta gure Kongresoan argi eta garbi azalduko dugu gure jarrera. Bainan aztertu beharko ditugu bakoitzaren estrategia, bitartekoak, epe luze eta epe laburrerako helburuak... Hori edozein momentutan egin genezake. Baina Jaurlaritza berri bat osatzeko momentuan egiteak ez zuen zentzu handirik...
A.–Udal hauteskundeak gainean ditugu. Ez al dizute beldurrik ematen?
K.G.– Ez, alderantziz, oso baikor edo optimista naiz. Badakit ikerketak oso baikorrak direla EArentzat. Behar bada, PSOE eta PNVk horregatik etsi-etsian egin dute euren ituna. Kontutan hartu behar duzu azaroan Eusko Alkartasuna ia sortu gabe zegoela artean...
Iñaki ZUBIONDO

Yoldiren hitzak gogorrak izan baziren autonomiaren erakundeentzako, Garaikoetxearen erantzuna ere zorrotza izan zen.
Garaikoetxea Manuel Irujo zenarekin,1978an Leitzan. Urteak eta istilu frango pasatu da geroztik.
16-17

GaiezPolitikaEuskal HerrTaldeakAlderdiakEA
PertsonaiazGARAIKOETX1
EgileezUBIONDO1Politika

Irakurrienak

Matomo erabiliz

Negu gorri, hondamendia iragarri

Gorka Peñagarikano Goikoetxea

Umeak, poliziak, mikrobihotzekoak

Zigor Olabarria Oleaga

Efemeridea: Lau hildakorekin egun beltza Euskal Herrian, Amnistiaren Aldeko Astean

ARGIA

Nazio ala imitazio

Gorka Bereziartua

Genozidioa gelditzeko eskatu du Gasteizko hezkuntza komunitateak Palestinaren aldeko ekimen jendetsuan

Zigor Olabarria Oleaga

Aragonesek dimisioa aurkeztu du, ERCren emaitza txarren ondoren

Gorka Peñagarikano Goikoetxea

Azkenak

2024-05-14 | ARGIA

LABek salatu du Amazonek "errepresio sindikala" egiten duela

Amazonek Trapagaranen duen lan zentroan grebalarien kontra "jazarpen eta zigorrak" darabiltzala salatu du sindikatuak

2024-05-13 | Gorka Peñagarikano Goikoetxea

Sei pertsona igo dira kapital israeldarra duen Bilboko NYX hotelera, boikota bultzatzeko

Larunbatean egin zuten ekintza, Bilbo erdigunean. Honela zioen pankartak: Bilbo Palestinarekin. Hiri antisionista. Israeli boikota. Hotelaren sarreran hamarnaka lagunek Palestinaren aldeko eta Israeli boikota egiteko deia egin dute.

2024-05-13 | ARGIA

Alternatiba ekosozial justua aldarrikatu dute Iruñean eta Bilbon

Maiatzaren 11n egin dira mobilizazioak eta Euskal Herriko Eskubide Sozialen Kartak, Emakumeen Mundu Martxak eta Gune Ekosozialistak antolatu dituzte. 60 eragile sozial baino gehiagok bat egin dute mobilizazioekin.

2024-05-13 | Jon Garagarza Arozena

"Trantsizio energetikoa nola?" izeneko mahai-inguruko partaideei

2024-05-13 | ARGIA

Beskoitzeko ikastola eraikitzeko baliatuko da Herri Urratsen jasotako dirua

Maiatzaren 12an Senpereko lakuaren inguruan egin da Herri Urrats, ohi bezala. 41. edizioan Nekane Artola Ikastolen Elkarteko lehendakariak hiru gauza galdegin ditu: baliabideak, hizkuntza politika ausartagoak eta euskararen ofizialtasuna.

Eguneraketa berriak daude