I.Azkona: "Bi diputazioen desinformazioa argitu nahi dugu"

1987ko otsailaren 22an

Autobiaren Aurkako Koordinakundeko Iñaki Azkonari elkarrizketa.

I.Azkona: "Bi diputazioen desinformazioa argitu nahi dugu"
Alkate, zinegotzi, ekologista eta herritarrez osatutako Autobiaren Aurkako Koordinakundekoa dugu Iñaki.
ARGIA.- Sarrera gisa, projektuaren azken orduko egoera juridiko eta adminitratiboaren laburpen bat eskatuko nizuke...
IÑAKI AZKONA.- Jakina denez, guk presentatu genituen alegazio guztiak besterik gabe baztertuak izan dira bi Diputazioen aldetik. Beraz, projektuaren tramitazioak aurrera jarraitzen du. Orain, aldez aurretik pentsatua geneukan baza bat jokatuko dugu: gure ustez projektua Konstituzioaren aurkakoa dela eta, babes errekurtso bat aurkeztera goaz. Bada Konstituzioan artikulu bat esaten duena honelako obrak, bi edo elkarte autonomiko gehiago ukitzen dituztenak, Estatuaren konpetentzi direla eta, Gorteetan onartuak behar direla izan. Beraz, Nafar Gobernuak eta Gipuzkoako Diputazioak ez dute ahalmenik projektua bultzatzeko, eta hortan oinarritzen gara errekurtsoa prestatzeko. Noski, esan beharrik ez dago ez dugula adierazten pauso honekin Konstituzioa onartu eta errespetatzen dugunik, edo honelako zerbait. Gure asmoa alor juridiko honetan ahalik eta gehien zirikatzea da, eta ez besterik.
A.- Oraintxe hastear duzuen kanpainaren berri emango zeniguke?
I.A.- Alde batetik, Gipuzkoa eta Nafarroa arteko komunikazioa erosoa eta egokia izan dadin jendeak daukan gogoa aprobetxatuz bi Diputazioek zabaldu duten desinformazioa, argitu nahi dugu. Horretarako, erakusketa bat antolatu dugu, zenbait elementuz osaturik. Adibidez, maketa bat egin dugu, nahiko polita, eta bertan ikusten da Irurtzun eta Donostia bitarteko zabalgunea, Aralar eta Sakana hartzen dituelarik ere. Maketa horretan ederki ikus ahalko da autobiak egingo lukeen kaltea. Panelak, argazkiak eta kuadroak lagunduko dute maketa, eta ikus-entzuteko bat ere prestatu dugu. Eta, noski, triptikoak eta aldizkari bat ere, gure argudioak ahalik eta hobekien zabaltzeko.
Beste aldetik, eta erakusketan oinarriturik, herriz herri egingo dira hitzaldiak, "txiste afariak", kantaldiak, eta baita ekintzak ere. Adibidez, Lekumberrin kantaldi bat egingo da seguraski Kortaturekin; Leitzan berriz,manifestazioa egin nahi da, eta bertan Areso, Gorriti eta Azpiroz interes sozialeko lekuak bezela izendatuak izanen dira. Andoain, Leitzaran bailararen irteera denez Gipuzkoa aldetik, ekintza puntu bat izanen da. Donostian egingo da kantaldi haundi eta manifaren bat ere, eta Nafarroari dagokionez, kanpaina amaitu nahi dugu Apirilaren 12rako pentsaturik dugun manifestazio batekin.
Manifa hau, orain Nafarroan martxan dauden hainbat projektuen aurkako ekintza bateratua izan dadila nahi dugu, eta ez bakarrik autobidearen aurkakoa. Hau da, autobideaz gain, El Perdon kuartela, Itoitzko urtegia, Buñueleko arma fabrika, Aezkoako pista, eta beste zenbait erasoen aurkakoa.
A.- Iruditzen zaizu ardatz honen aurkako mobida izan daitekeela indar alternatibo eta borrokalarientzat erreferentzi puntu bat, nolabait esateko, Lemoiz bere momentuan izan zen antzekoa?
I.A.- Bai, uste dut hori honela izan daitekeela, eta ekintzetan probatzen hasia dela gainera. Hain zuzen, Nafarroa osoan ari dira sortzen iniziatiba berriak eta baterakoiak eraso hauen aurka. Baita Gipuzkoan ere. Giro bat badago, eta horren eskutik herri mogimendua indar berritzen ari da. Noraino zabalduko den oposizio ekintza zaila da esatea, baina bai aurreratu daiteke sensibilizazioa egunetik egunera gorantz doala.
J.M. GOGORZA
22

GaiezGizarteaAzpiegituraGarraiobidAutobiakBesteak
PertsonaiazAZKONA3
EgileezGOGORZA1Gizartea

Irakurrienak

Matomo erabiliz

Lagunak, adiskideak eta beste hainbat etsai

Gorka Bereziartua

Nola landu desirak, aniztasun sexuala edota identitatea 12-18 urteko ikasleekin?

Mikel Garcia Idiakez

Manifestazio eta aldarri ugari Maiatzaren Lehenerako

Gorka Peñagarikano Goikoetxea

Hezkuntza komunitateak protestara deitu du Palestinako haur eta nerabeen alde

Gorka Peñagarikano Goikoetxea

2x11: Odei Barroso | Erabakiak hartzea

ARGIA

Azkenak

2024-04-30 | ARGIA

Netanyahuk dio Rafah inbadituko dutela su-eten akordioa "egon zein ez egon”

34.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.

2024-04-30 | Zigor Olabarria Oleaga

Netanyahuk dio Rafah inbadituko dutela su-eten akordioa "egon zein ez egon”

Israelek 40 eguneko su-etena eta preso trukea eskaini dio Gazari, baina akordioa lortu edo ez Rafah inbadituko dutela adierazi du Netanyahu lehen ministroak. AEBk eta Erresuma Batuak Hamas presionatzen ari dira Israelen eskaintza onar dezan. Astelehenean 47 palestinar hil zituen... [+]

2024-04-30 | ARGIA | ARGIA

Hil egin da Artzentalesen zauritu zen basogintzako langilea

Langilea larri zauritu zen apirilaren 24an, eta astelehenean, hilak 29, hil da. 22 urte zituen eta sektorean bi hilabete soilik zeramatzan lanean. 2024 urtean hildako 22. langilea da.

2024-04-30 | ARGIA

Eneko Bidegainen 'Bichta éder' eleberriak jaso du 111 Akademiaren Saria

Karmele Jaioren Maitasun kapitala-rekin lehiatu da finalean. 2023ko “libururik gogokoen” izendatu dute Bidegainen “bihurgune askotako” thriller politikoa 111 Akademia osatzen duten literaturazaleek.

2024-04-30 | Bitor Abarzuza Fontellas

Sustapen sozialeko etxebizitzak herritar guztiontzat orain!

Eguneraketa berriak daude