Rock Kontzertua Ezterenzubin... Berandu Xamar!

1987ko otsailaren 01an

Baxenafarroako Uharten Ere Badira Punkiak
Rock Kontzertua Ezterenzubin... Berandu Xamar!
Abenduaren 20a: euria, nasaiki, Iparraldean, funtsean, aro-ikerleek hitzeman ziguten denbora. Garaziko xoko batean rock kontzertu bat.
Ezterenzubin izan zen kontzertua, hain zuzen ere. Iparraldean, rockaren inguruko magida, kostaldetik barnekaldera desplazatzen ari da, zorionez. Orain arte kontzertu gehienak, Lapurdin edo errefuxiatuen aldeko komiteek, edo Patxako gazteek antolatzen zituzten. Barnekaldean, orokorki, herrietako festa-batasunetakoek muntatzen dituzte. Gure kasuan, Eiheralarreko eta Ezterenzubikoek.
Kontzertua bukatu eta, herriko ezkilek goizeko lauak markatzen zituztela, gau euritsu osoaren giro optimistaren hildotik, joan gara, antolatzale bateain hitz egitera, Xupet izeneko batekin:
ARGIA.–Ze bilan egingo zenuke gaurko gauaz?
XUPET.–Ba, bilana fite egina da: bon, orai bukatu da hemengo kontzertua, eta izan dira 350 bat sartze pagatuz, eta bai, uste dut denentzat ontsa pasatu dela. Izanki ere ezker pareta batean, biziki arrabotsakin, ontsa iragan da. Izan zitekeen kalitate txarragoko kantaldi bat...
A.–Zenbat talde ziren?
X.–Izan dira lau talde, normalean bost jin beharrak ziren. Eta nola ZEIN EREkoak ez ziren etortzen ahal, bon, lau talderekin egin dugu. Bi baziren Iruñekoak: Tijuana in blue eta Fiebre, bat Baionakoa eta Bardozekoa, Marodeur heavilariak, eta bestea aldiz, hemengoa bertakoa, Uharteko punkak...
A.–Ikusi dugunaren arabera, Uharteko Punkek badute segitzale ainitz?
X.–Bai, uste dut honara jin gehienak, Uharteko punkak entzutera etorriak zirela. Zeren eta Ezterenzubi herri ttipia da, arrunt barnekaldeko herri ttipi bat, zoko batean dagoena, ez dut erraiten horregatik itsusia dela, baina segur aski honaraino jiteko, gainera denbora txarrarekin, hemengotarrak izan behar dira...
A.–Ez zaizu iduri lau edo bost talde programan ezartzea sobera dela?
X.–Ez dut uste. Talde bakoitzak egiten du oren bat, gehienez oren bat eta laurden kontzertu. Orduan, nahi bada gau bat ontsa betea izan dadin, behar dira lau edo bost talde.
A.–Zergatik rock kantaldi bat Ezterenzubin, beste kantaldi trankilagoak ezagutu ditugularik?
X.–Bon, izan dira kantaldi trankilak, hala nola Benito Lertxundirekin, edo Imanolekin ere. Baina pentsatu dugu, rock gau horietan, bazirela gazte frango ateratzen zirenak, eta ikusiz, nola eguberriko bakantzak zirela, bai, iduritu-zaigu rock saio baten egitea ez zela ideia txarra, Eiheralartar gazteekin batera...
A.–Rock musika, sartzen ari da eskualde hauetako gazteen usaietan?
X.–Bai, baina ez dira ahantzi behar ere beste taldeak, nola gure klasikoak diren biziki onak eta haiek berdin beharrezkoak dira. Gazteek ordea, barnekaldean, gero eta gehiago entzuten dute rock musika. Rockak gaurkoan badu bere moda, bere bolada hemengaindi, eta haren kontsumitzaleak biziki gazteak dira. Beste kantaldi klasikoago bat eginez, beste klientela bat heldu da. Hori da betiko klientela...
A.–Kontent zarete hunat etorri den klientelarekin?
X.–Bai ez da sobera kritika egin behar, zeren eta badira zenbait gazte pagatu nahi ez dutenak, beti, ez dugu soberarik gendarmearena egin behar ere. Denek esaten digute dirurik ez dutela eta ezin dugu horiei trabarik egin...
A.–Ezterenzubi bezalako herri batean, kontzertuak eta antolatuz, barnekaldekoen eta kostaldekoen artean, zerbait harreman sakonago sortzen ahal da?
X.–Hori ez dakit, beti, jende berarekin egiten ditugu ekintzak. Ordea, rock kantaldi bat antolatzen tada, barnekaldean, kostaldetik ere etortzen dira entzuleak, ez baita egia, beste kantaldi motentzat. Egia esan, kostaldean, hemen baino gehiago ezagutzen dituzte rock taldeak, eta behar dugu, atsulutuki, haiekin harremana ukan gauzen antolatzeko etab.
A.–Hurrengo Ezterenzubi-Eiheralarreko programa, musika mailan?
X.–Musika mailan? Bon, oraino ez dakigu soberarik. Lehendik behar ditugu diru konduak egin, ez dakit nola aterako garen eta, gero forma aldetik ere ikusi zer egiten ahal dugun. Guk hemen Ezterenzubin, ba, festen komiteek pentsatu dugu, aldatzeko pixkat berriz, beste kantaldi klasikoago baten muntatzea
A.–Esker mila Xupet
Itxaro BORDA
Lebenbiziko aldiz Iparraldeko barnekaldean rock kontzerturik izan da.
45-46

GaiezKulturaMusikaMusika modeKontzertuak
EgileezBORDA1Kultura

Irakurrienak

Matomo erabiliz

"Elkarren berririk izan gabe lelo berdina hautatu dugu, 'Palestinako umeak gureak ere badira': esanguratsua da"

Zigor Olabarria Oleaga

"Batasun estrategikoa lantzen ari gara Europako Alderdi Komunista sortzeko"

Xabier Letona Biteri

Txakur bat

Cira Crespo

4x16: Sarasua bueyeroa da

Beranduegi | ARGIA

"Gure gizartean desira gutxi dago, eta obedientzia asko agindu neoliberalei"

Danele Sarriugarte Mochales

Erabakiei buruzko esaldi ponpoxo hauek, nork esan ditu?

ARGIA

Azkenak

2024-05-06 | Marije Manterola | Ander Trigos

Esperientziaren gelak euskaraz ere

2024-05-06 | Jon Hidalgo Gereñu

Gazaren aldeko kanpaldiak hasiko dituzte Hego Euskal Herrian ere

Mundu osoan zehar unibertsitateko ikasleek Palestinaren alde antolatzen ari diren protestetara batzeko deia egin du Ikasle Abertzaleak antolakundeak. Olatua AEBetan abiatu bazen ere, bost kontinenteetan egin dira kanpaldiak eta protestak azken asteetan. Palestinako ikasle... [+]

2024-05-06 | Ainara Rodil Jaime

Klimaren errekorrak birrindu dira 2023an

Munduko Meteorologia Erakundearen (MME) 2023ko txostenak erakusten du beste behin ere markak hautsi direla klimaren adierazle diren hainbat alorretan: berotegi-efektuko gasak, lurrazaleko tenperatura, ozeanoen berotzea eta azidotzea, itsasoaren mailaren igoera, Antartikako itsas... [+]

2024-05-06 | Gorka Bereziartua Mitxelena

Patinetefobia

2024-05-06 | Estitxu Eizagirre

Jauzi Ekosoziala eragilea aurkeztu dute, sistema ekozidaren aurrean "erantzun bateratua" emateko

Jauzi Ekosoziala eragilea aurkeztu dute apirilaren 4an Eibarren. Bere helburu nagusia "sistema ekozidaren aurrean, eta krisi anizkoitzen kontestu batean, Euskal Herrian justizia sozialean oinarritutako trantsizio ekosoziala bultzatzea da". Horretarako, "borroka... [+]

Eguneraketa berriak daude