Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
asteazkena 2024ko maiatzaren 01an
BILBOKO METROA ZENTIMETROKA AZTERTUTA
Berriro dugu kalean Bilboko Metropolitanoaren arazoa. Ness Lakuko Monstruaren antzera, ziklikoki agertu eta desagertu egiten den arazoa. Oraingoan, obrak 1986an hasiko direla, eta arazo guztiak konpondu dituztela diote. Dena den, Bilbo lurpetik zeharkatu, erreka azpitik pasatu, eta goitiko pasabideak egitea, ez da makala izango. Informazio gehiago jasotzeko asmoz, projektu honen buru izan den Jose Luis Burgosengana abiatu gara .
Aintzinean Gran Bilbao Erakundea zena, gaur egun Diputazioaren agintepean dagoen Bulego Teknikoa bihurtu da. Arrazoia oso erraza da: Gobernu Zentralak transfereniziak Garraio eta Obra Publikoen arlo guztiak transferitu zizkion, Gran Bilbao erakundea izan ezik, Madriletik bertatik kontrolatu ahal izateko. Gran Bilbao osatzen zuten udal guztiek, 19 denetara. PNVren eraginpean gehienak, Gran Bilbao desegitea erabaki zuten eta honela, Jaurlaritzak hartu zituen transferentziak.
Bulego tekniko hau da oraingo projektua burutu duena, beste injeniaritza entrepresa batzuren laguntzaz. Bakarrik entrepresa hauek 40 milioi kobratu dute, Gran Bilbaok berak gastatutakoa kontutan hartu gabe.
Orain aukezten den hirugarren projektu honetan, SENEPen estudioaren zenbait puntu eta datu hartu dira».
Bilboko metroaz mintzatzen den bakoitzean, zenbait arazo tekniko planteatzen dira, eta banan banan galdetu dizkiogu. Hona hemen Jose Luis Burgosen erantzunak:
Aurreko projektuei ikusten zitzaien arazo larrienetariko bat, garraio sistema osoarekiko lotura eza izaten zen. Ez zen nahiko metroa egitea. Horrez gain, Bizkaiko beste garraio sistemekin ere akoplatu behar zen. Arazo honetaz galdetu genion projektu honen buruari.
«Eskeman ikus daitekeenez, Bizkaiko beste garraioekiko lotura kalkulatu dugu. Zenbait puntutan RENFE, FEVE eta ETTBBrekin konesioak egongo dira, eta San Inazion bertan, autobusak lurpera sartuko dira, metroko geltokiraino bertaraino. Guk eduki dugun asmoa zera izan da, Bilboko metroa Bizkaiko garraioen bizkarrezurra bihurtzea».
Honaino projektu buruek esandakoa. Guk arazoak eta kontraesanak ikusten ditugu. Bilboko garraioa indartzen den bitartean, probintziako beste zenbait medio murriztu edo desagertarazi egiten dira. Mungiko trena desagertu zen. Lezamako geltokia itxi egin da, eta Sondika aldeak, Enkarterriak eta Mungialdeak ez dute komunikazio sistema onik.
Dena den, metroaren garrantzia ukaezina da. 1.000.000 pertsona afekta dezake, Bizkaiko hiru laurdenak, baina Bizkai osoa ez da Bilbo, munstro horrek probintzia osoa baldintzatzen, itotzen eta absorbitu nahi duen arren.
Obra osoaren kostoa 40.000 milioitan zifratzen da. Ez da gutxi. Problema da nork ordainduko duen. Eusko Jaurlaritzak Estatuak erdia ordaindu behar duela dio. Beste erdia Diputazioak eta afektatutako udaletxeek ordainduko lukete. Estatuak, ordea ez du ezer jakin nahi, konpetentziak transferiturik daudelako.
Bitartean, gauza bakarra gelditzen da argi, eta zera da, zuzenago edo zeharkago, metroa erabiliko duenak, hau da, guk guztiok ordainduko dugula zorioneko metroa.
Horregatik, eta «inpaktu estudio zehatzik egin ez delako, publikoki azalduko da projektu osoa, hamobost egunez, auzoek, kolektiboek, kaleko jendeak eritzia eman dezan, sujerentziak igorri eta oztopoak jarri».
Inkesta publiko horren ondoren, Gobernuak ekingo lioke obrak hasteari, «baina beti dago dena bertan behera gelditzeko arriskua. Aldaketa politiko, gobernu berria edo eta administrazio arazoa dagoen bakoitzean, dena geldirik geratzen da. Projektu handiegia bait da inestabilitate barik gobernu batek bere gain har dezan».
Injeniaritza talde batzuk, aipatutakoak baino oztopo handiagoak ikusten dituzte. Kaleko gizon-emakumeak eszeptikoak dira. Kantak dioenez «eta hau hola bazan, sar dadila kalabazan, eta irten dadila herioko plazan...».
Baina Derion ere plaza egin dute.
Irakurrienak
Matomo erabiliz
#1
Gorka Bereziartua
#2
Mikel Garcia Idiakez
#3
Gorka Peñagarikano Goikoetxea
#4
Gorka Peñagarikano Goikoetxea
Azkenak
2024-04-30
ARGIA
Netanyahuk dio Rafah inbadituko dutela su-eten akordioa "egon zein ez egon”
34.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
2024-04-30
Zigor Olabarria Oleaga
Netanyahuk dio Rafah inbadituko dutela su-eten akordioa "egon zein ez egon”
Israelek 40 eguneko su-etena eta preso trukea eskaini dio Gazari, baina akordioa lortu edo ez Rafah inbadituko dutela adierazi du Netanyahu lehen ministroak. AEBk eta Erresuma Batuak Hamas presionatzen ari dira Israelen eskaintza onar dezan. Astelehenean 47 palestinar hil zituen... [+]
2024-04-30
ARGIA
Hil egin da Artzentalesen zauritu zen basogintzako langilea
Langilea larri zauritu zen apirilaren 24an, eta astelehenean, hilak 29, hil da. 22 urte zituen eta sektorean bi hilabete soilik zeramatzan lanean. 2024 urtean hildako 22. langilea da.
2024-04-30
ARGIA
Eneko Bidegainen 'Bichta éder' eleberriak jaso du 111 Akademiaren Saria
Karmele Jaioren Maitasun kapitala-rekin lehiatu da finalean. 2023ko “libururik gogokoen” izendatu dute Bidegainen “bihurgune askotako” thriller politikoa 111 Akademia osatzen duten literaturazaleek.
Eguneraketa berriak daude