"Madarikatuak" izan bitez haien izenak

2021eko uztailaren 23an

Hernaniko "Madarikatuak" musika taldearekin
Hernaniko musika taldea gogor ekiteko prest dago
"Madarikatuak" izan bitez haien izenak
Sei dira. Goio, Nota, Putre, Aitor, Patxi eta Jabi. Beraiek dira «Madarikatuak», Hernanikoak, Urumeako ibarrezkerrekoak. Orainart ebizpahiru emanalditan besterik agertu ez direnak, baina aurrerantzean «gerra» asko emateko prest daudenak.
ARGIA.–Nola hasi zineten?
Madarikatuak. - (Putrek:) Goiok, kitarra joleak, talde bat muntatzeko gogo izugarria zuen, eta Jabirekin, bateriajolearekin elkartu zen. Asko bilatu ondoren udaletxeak lokale bat utzi zien. Han Patxi zegoen, musika eskolan, pianoa jotzen. Garai hartan batak bestea molestatzen aritzen omen ziren. (Javik:) Goio eta biok ensaiatzen genuenean, Patxiren pianoak molestatz en zigun, eta Patxiri guk molestatzen genion. (Patxik:) organo bat utzi zidaten. eta hauekin elkartu nintzen.
A.–Hori noiz izan zen?
M. - (Jabik:)Hori 83an-edo; Denboralditxo bat eman genuen hirurok. Beste jende baten piezak jotzen genituen, guk asmatutako batzurekin. Denbora horretan lau bat neska izan genituen kantari. Gero Putre etorri zen soldaduskatik, garai hartan beste musika-tresna bat sartzeko asmotan genbiltzan, beste kitarra bat, balalaika bat, zeozer; eta kasualitatea, Putre etorri zen saxoarekin. Eta azkena Aitor izan zen, kantaria, oraindik soldaduskan dagoena (Patxik:) Guztiak geundela udaletxekoek tokia eman ziguten, plenoak izorratzen genizkielako. Eta gainera, ensaiatzen genuen lekuan bulegoak egin behar zituzten. (Notak:) Eta orain gaude «Tilos»etako kiosko azpian, saguak ez dira agertzen dezibelioek ez dietelako uzten...
A.–Eta aktuazioen asuntoa nola daramazue?
M. - (Jabik:) Taldea orain arte estabilizatu ez denez, ensaiatzen eta aritu gara. (Patxik:) Nahiago izan dugu taldea osatu eta Aitor libratu bitartean itxoin.
A.–Lehen aipatu duzue hippy, punk, heavy etabarreko mugidetatik paso egiten duzuela...
M. - (Aitorrek:) Asuntoa da ez dagoela zertan hasi behar jendeartean berdintasunak egiten. Hemen desberdintasun argi bat dago, sistemaren alde daudenak eta kontra daudenak. Guk musika egiten dugu, deitu nahi duzun moduan, eta anti-sozial direnei zuzendua dago. (Patxik:) Gustatzen zaiguna egiten dugu. (Aitorrek:) Nik ikusi dut edozein musika moetarekin edozein moetatako jendea dantzan. Orain badago halako tontakeri piloa, hippiak punkien aurka daudela, heavyek teddyei tupea moztu behar dietela...
A.–Euskaraz eta gazteleraz kantatzen duzue...
M. - (Aitorrek:) Bai, ni, pertsonalki, euskaraz egitearen aldeko naiz. Batzuk esaten dute elebitasunarekin aurrera jarraitu daitekeela. Nik uste dut, gaur egun dagoen zulorik haundiena euskarazko rocka dela. Lau talde besterik ez dago. (Jabik) Hori hasieran planteiatu genuen, dena euskaraz egitearena... (Patxik:) Batzuk esaten dute gaztelerarekin aukera gehiago dagoela. (Aitorrek:) Baina hori txorrada bat da.
A.–Guztia euskaraz egiterantz jotzen duzue...
M. - (Putrek :) Bai, hori orain dagoen planteiamendua da.
A.–Izena behintzat euskaraz duzue, «Madarikatuak».
M. - (Aitorrek) Zergatik «Madarikatuak» da galdera, ezta? Gu lehen aipatutako bi zati horietako batekin identifikatzen gara, hemen gaude gu eta han daude haiek. (Jabik:) Gu haientzat madarikatuak gara.
A. - Eta musika kontutan...?
M. - (Aitorrek) Musika kontutan zerorren musika propioa egin nahi baduzu, suizidatzea daukazu, influentziak ezinbestekoak dira, atera dugun azken kantak «Itoiz»en antza daukala esan digute... Eta "Itoiz"ek zeren antza du?
A.–Eta mugida nola ikusten duzue?
M. - (Patxik:) Orain talde piloa dabil mugida anti-sozialean. (Putrek:) Baina iristen da une bat, anti-sozial izatetik gizartearen zati izatera igarotzen zarela. Nik uste dut musika mailan oso pobre dagoela, azkenaldian lau akorde hartu eta matxakatzea besterik ez da egiten. (Notak:) Hemen jendeak ez du musikoa izan nahi, karetoa jarri eta aski. (Aitorrek) Baina badago ongi egiten duen jendea ere. Orain egiten ari da jende askorentzako musika, istorio desberdinak batzen ari dira. (Putrek:) Euskadin badago mugida politiko bat, bad bizitzen den egoera, jendea zerbaiten kontra batzen duena. Hitzetan nabaritzen da, guztien kontra kantatzen da.
Kontaktuetarako: 55.21. 63 (Putre)
M.A.
35

GaiezKulturaMusikaMusika modeTaldeakMADARIKATUA

Irakurrienak

Matomo erabiliz

Moja faxisten istorio harrigarria

Gorka Bereziartua

Lau, hiru, bi, bat… Gora Olatukoop! Ekonomia eraldatzailearen festa Donostian

Urko Apaolaza Avila

"Torturak ama eta alabarengan sorturiko zauria arintzen lagundu du dokumentalak"

Mikel Garcia Idiakez

'Lurrez estali', laborarien errealitatea oholtzara eramango duen Axut! kolektiboaren obra berria

Gorka Peñagarikano Goikoetxea

Ezohikoak dira euri-jasak?

Leire Artola Arin

Netanyahu eta Hamasen buruzagitza atxilotzeko eskatu du Hagako Auzitegiko fiskalak

Lander Arbelaitz Mitxelena

Azkenak

2024-05-21 | Axier Lopez

Kolonialismoaren ABDa

2024-05-21 | Alaine Aranburu Etxegoien | Oarso Bidasoko Hitza

Hondarribiko Udalak aitortza egin die Asturiagako hondartzan hildako bi biktimei

Biktimen familiei barkamena eskatu diete ere azken 50 urte hauetan "behar besteko" babesa ez emateagatik. Poeta biktima gisa aitortu duten bezala, Moriko ere hala izatea eskatu du udalak, eta "epe laburrean".

2024-05-21 | Gedar

Hamabi lagun ikertzen ari dira, Castejonen CAF-Trenasaren kontra egindako protesta bat dela-eta

Asteartean deklaratu beharko dute Tuteran, ikertu gisa. Palestinan eraikitzen ari den tranbia-sarearen bidez, CAF "entitate sionistaren kolonizazioan parte hartzen" ari dela ohartarazi dute.

2024-05-21 | Lander Arbelaitz Mitxelena

Surf parkerik ez dute eraikiko Donostiako Antondegin, udal gobernuak atzera egin du

Donostiako Udalak El Diario Vascori filtratu dionez, ez dute olatu artifizialen surf parkerik eraikiko Martutene eta Txomiñenea auzoen artean dagoen Antondegi mendian. Albisteak sorpresa eta poza eragin du mugimendu ekologistan, izan ere, orain arte EAJ eta PSE-EE sendo... [+]

2024-05-20 | Hamaika Telebista

Ar Redadeg Bretainia zeharkatzen ari da, bretoieraren alde

MULTIMEDIA - Albistea

Eguneraketa berriak daude