Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
asteazkena 2024ko maiatzaren 01an
Literaturaren Anaia Pobrea Indartzeko Lehiaketa
Euskal Herriko hainbat udaletxetan, nobela edo ipuin sariketak antolatu, antolatzen eta antolatuko dira, baina horien azken helburu ezkutua, zenbait kasutan, udaletxearen izena goratzea baino ez da izaten. Santurtziko udaletxeak, Koldo Tapiaren eskutik, Antzerkigintza Lehiaketa antolatu du «gure herrian diharduten antzerki taldeei, materiale berria eskeini ahal izateko, egun zaharren moldaketen bidez edo itzulpenez bakarrik balia bait daitezke".
Korporazio berriarekin batera, Koldo Tapiak bulego berria estrenatu du. Oraingoa lasaiagoa eta apartagoa da, eta ez horren zaratatsua, baina bestea bezala, paperez eta euskararen aldeko kartelez beterik dauka. Goiz goizetik aurkitu dugu lanean, langilea dugu, eta berak esan digun bezala, batzutan murrungatua izan da, gaueko bederatziak arte lanean aritzeagatik.
Guk iniziatiba berri honi gorputza eman dion zergatia galdetu nahi genion, baina ez hori bakarrik. Azken bolada honetan udaletxeetan ematen ari den «fenomeno literarioaz» ere, mintzatu nahi genuen.
Azkenengo honetan, badirudi instituzioen aldetik, ipuin lehiaketari lehentasun handia emateko halako joera bat dagoela. Joera hau, orohar, oso baikorra da, baina badirudi halako gurpila batean sartu eta bertatik atera ezinda gabiltzala. Beharbada, kasu askotan, udaletxe bati izena emango dion zerbaiten atzetik, beste ezer baino gehiago. Hau da, helburuak gehiegi zehaztu gabe.
Nik uste dut beharrezkoa dela momentu honetan erreflexio bat egitea; alde honetatik ikusi dugu, udalen zeregina eta beste instituzio batzuren zeregina bereiztu beharra dagoela. Hau da, udalek beren lekuko zereginetara askoz ere lotuago behar dute izan, eta beren aportazioa, maila honetan, pretentsio apalago, baina ez horregatik garrantzi gutxiago duten zeregin batzuetara lotu behar dutela.
Aurtengo literatur lehiaketa honetarako, jende asko ari zela bere ipuinak prestatzen, hirugarren lehiaketa zetorrela pentsatuaz. Telefonoz hainbeste dei jaso dugu noiz atera behar ziren oinarriak galdetuz.
Aldiz, guk aldakuntza bat emango diogu aurtengo lehiaketa honi. Eta aldakuntza hau honetan datza: bi urtetan ipuin lehiaketak egin ditugu eta aurten antzerkiari lotu nahi gatzaizkio. Zergatik? Nik pertsonalki uste dut udalek, literaturgintzan dauden beharrei, ez erantzun bat–azken batetan erantzun bat ez da lehiaketa bat sortzea–baizik bide urrats bat egin behar dutela. Zeintzu behar aurkitzen diren ikusi behar da, zeren ipuingintza ez bait da literaturako jenero bakarra.
Gaur argi eta garbi ikusten ari da literaturgintzan, anaia probeena antzerkigintza dela. Pareko jarri daiteke poesia baita ere (Nik, dagoenera, pobreagotzat jotzen dut antzerkigintza).
Nahiz eta jakin ipuin lehiaketa batetik espero daitekeen oparotasunik ez duela izango, halan eta guztiz antzerkigintzari lotzea pentsatu dugu. Eta funtsezko arrazoi bati lotua dago. Alde batetik, azkenengo denboraldi honetan Euskal Herrian–eta ez hemen bakarrik–, antzerkia, urrats berri bat egiten ari da.
Eta antzerkigintza honetan, oztopo handirekin aurkitzen ari dira; beti textu oso zabal batzuetara lotu beharrean aurkitzen ari dira, eta hortik atera behar dituzte textuak heuren lanak egiteko.
Hemen, antzerki tailer batek funtzionatu zuen bi urtetan, eta zeri heldu ez zeukatela eta, obra luze bat hartu behar izan zuten. Agertutako eragoz penak zirela eta, taldeak azkenean porrot egin zuen.
Literaturaren aldetik, antzerkilariek oso laguntza gutxi daukate. Guk, lehiaketa honen bitartez egin nahi duguna zera da, bide bat urratzen hasi, eta egun antzerkigintzan ari diren jende horiek behar dituzten textu laburrak eskeintzen ahalegindu.
Hau da gure helburua: idazleek beren lanean jartzeko, eta berriak idaztera bultzatzeko egiten dituzten lanek argitaratzeko posibilitatea ematea. Nolabait, heuren lanak lehiaketa pasatzeak, eta ondorioz, kritikoen eskuetan jartzeak sor bait lezake literaturgintzan aurrerabidea. Guk, orain arte, argitaratutako liburuegatik oso kritika onak jaso ditugu hain zuzen ere, asko direlako lehiaketak antolatzen dituztenak, baina argitaratzen dituztenak. oso gutxi.
Lan horiek argitara ez emateak, udalek heuren propaganda bakar bakarrik egiteko montatzen diren roilo batzu direla esan nahi du, besterik ez.
Ez dugu esango literatur lehaiketa hauekin garantizatzen dugunik herriaren euskalduntzea, gutxiagorik ere ez, baina euskarak prestigioa lortzeko urrats interesgarria dela uste dut.
Ni sartu nintzen garaian, udaletxean mota bateko konposaketa politikoa zegoen, eta oraingoa oso bestelakoa da. PSOEk alkatetza dauka, nahiz eta guztizko gehiengoa ez izan.
Aurten projekto hau aurkeztu dudanean, hauxe gertatu da: nola aurreko Korporazioak atera zuen lehiaketa, oraingoak ez zuen gutxiago izan nahi. Zoritxarrez, funtsean dagoen argudioa hori da.
Dena dela, horretaz balia bagintezke euskal literatura indartzeko, ongi etorria izan bedi, eta beste lekuetan egin ahal baledi, inork ez beza diskisizio arraroetan minutu bat bera ere pasa, aurrera.
Irakurrienak
Matomo erabiliz
#1
Gorka Bereziartua
#2
Mikel Garcia Idiakez
#3
Gorka Peñagarikano Goikoetxea
#4
Gorka Peñagarikano Goikoetxea
Azkenak
2024-04-30
ARGIA
Netanyahuk dio Rafah inbadituko dutela su-eten akordioa "egon zein ez egon”
34.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
2024-04-30
Zigor Olabarria Oleaga
Netanyahuk dio Rafah inbadituko dutela su-eten akordioa "egon zein ez egon”
Israelek 40 eguneko su-etena eta preso trukea eskaini dio Gazari, baina akordioa lortu edo ez Rafah inbadituko dutela adierazi du Netanyahu lehen ministroak. AEBk eta Erresuma Batuak Hamas presionatzen ari dira Israelen eskaintza onar dezan. Astelehenean 47 palestinar hil zituen... [+]
Hil egin da Artzentalesen zauritu zen basogintzako langilea
Langilea larri zauritu zen apirilaren 24an, eta astelehenean, hilak 29, hil da. 22 urte zituen eta sektorean bi hilabete soilik zeramatzan lanean. 2024 urtean hildako 22. langilea da.
2024-04-30
ARGIA
Eneko Bidegainen 'Bichta éder' eleberriak jaso du 111 Akademiaren Saria
Karmele Jaioren Maitasun kapitala-rekin lehiatu da finalean. 2023ko “libururik gogokoen” izendatu dute Bidegainen “bihurgune askotako” thriller politikoa 111 Akademia osatzen duten literaturazaleek.
Eguneraketa berriak daude